Róóma 16:2 - Fayam Midhab Yiesu Kiristoká He Hol Af Iđiny Kaanaká

² Aaléka, ˈdaa giri minnééllá úba he Máá kúnnaa Guđoká máálléká, hát ˈduwantiká mé guđáan yiedhíe, hé hí ki ˈgierˈgereká ˈdú chiichiˈdíe. Minnééllá yú ubaa gál burnayká hé tág nyí yiir gaa chirate.

Róóma 16:2 ပူးပေါင်းရင်းမြစ်များ

Matááyo 25:40

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chiallá af giri hí ˈdú ˈjeˈjeenneká, yaa hí ye ˈdú ˈjeˈjeenne, har úba káána gáál máállé biiy el ˈdaˈdká hí ˈdú ˈjeˈjeenneka, ha muí gáál yeedhe.

He Ekeny Gál Alb Fimiká 9:13

Aalé Ananías mú ˈdéé hol ˈdú nie, kieye, Máá Guđo, gál burnayká máá kinaallá hé ˈdeđew-, muí gál kua Yerúsalem gaa ijoká ki eekemeyká he ye fayamle shie.

He Ekeny Gál Alb Fimiká 9:15

Aalé Máá Guđoká mú geey, kieye, Mú ˈdú sí, mu íín he faˈd chia yú galay-, meenychú gál kaansúoká, ubaa kidhlé, tá gál Yisirayel lulle mamalsuoká.

He Ekeny Gál Alb Fimiká 9:36

Aalé Yóóba álle min lali Yiesu-, gaalí Tabídha yegie mare hí gaa iđe. Min meenylé kinaallá af gál Hellenka ˈDórkaso gaalí yeedhe. (Tabídha tá ubaa ˈDórkas hélle kieye, Ginte.) Min aadh lulle hé midhabká gálaat ki ekemeyche, gál he maamanká he shigiche.

He Ekeny Gál Alb Fimiká 9:39

Aalé Bétiro đo kie, gáál hol eedhdhe. Mu ali nyuoreká mú gaalí ˈbíl biiy ˈdug yielká eey. Aalé mu ˈbíl hileká mú ˈdeg híyes mare lulle hí ki maˈde, ˈdég buoyye, đafaraam ˈDórkas hí tág ki niiyyeká mú aargisiche.

He Ekeny Gál Alb Fimiká 9:41

Bétiro gíl helie, min gíl chiˈde, min les gaa eey. Aalé mu gál Yíésu iiy yieká ubaa ˈdeg híyeská ká vie. Gaal ka yimieká Bétiro min hát luolká gáál argisie, kor gáál min hol ˈdú nie.

Róóma 15:7

Aaléka, hát tikiˈde Kirísto hí gálle hotééllá, itín úba hol liledhíe, giri Waag yaalmit kíchia kinaal ˈdúúw gaa aargiˈdoká.

Róóma 16:15

Filólogo, Yúúlia, Néérus ubaa nyaarlé, tá Olúmbas, héétí gál Kiristo-, gál kinaal hol af ijoká lulle ye naa kí yiedhíe.

Róóma 16:23

Gáíyos giri ye mé guđáan yie-, ˈbílle gál Kiristo allóóllá hí hol ˈdu gáá yiimetallá hé hí naa ká yie. Erástos giri ˈjien máállé birm mé ki yaalká ubaa nyár kúnnaa Kowártos hé hí naa ká yie.

Róóma 16:6

María giri hí súm hujich kí nanniyyeká ye naa kí yiedhíe.

Róóma 16:9

Urbános giri ke hújích Kiristo hol ˈgar nannúóllá, ubaa shééléch chia ˈdúwa-, Sitákus lééllá ye naa kí yeedhíe.

Eféso 5:3

Herginy gorramká ubaa babát, tá gajált haí ˈgíiny, hemitle hé níínni úba haí yé gáá ˈdíiny, ˈdaa giri hé hatallóóllá gál Waag hí waarateká yaalmitle muuninyká.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Filíbi 2:29

ˈDaa giri Máá Guđokáka hí mú hol nyaaraká, mú geer gaa meen guđoká mé guđáan ki yeedhíe. Gál hát mu ííniká kiikiadhíe,

Kolosááya 4:10

Máá chia nyí hol ˈbíl hiiginallá af iđa-, Aristákos, ubaa Márko giri Barnábas iny awléká hé hí naa ká yie. It Márko fayamlé kieye, mu har ká yimieka, mú mé guđáan yeedhíe, chieká, maalle.

Tímote Erká 2:10

Gaal hí húgúm he ekeny midhabká ˈgayyoká hol ki ootolo, hát onnônyka gál ˈdíét-, gálle hol gál Waaˈgiet yegetká hí ijoká.

Tímote ki Naamaká 1:18

Kúlích biiy el ˈdaˈd-, Máá kúnnaa Guđóóllá hí gálaat hol eiy gaa nannuoká, mú Máá kúnnaa Guđóóllá hí geer guurá argisuo. Mu hát Eféso álle ye a burnayká hujich kí chichiˈdeká úba kó tág óg.

Títo 2:3

Hát tikiˈdééllá karu ˈdietká úba af táátaʼ, giri gaal húgúmlé ki ijoká húgúm gál Waag kikiatká yeget-, gálaat ma heengʼeen-, hol bersham ma ˈdú haađiny-, ˈgíérích midhabká gállé ˈdietká oonisuoká.

Fílemon 1:12

Máá yú geerchú ki tatúóllá geđi hollo yú ko hol ˈdu gáá nannaa.

Fílemon 1:17

Aaléka, kuun har ye máá hí hol ki ˈgiiyyaká ká dhaˈgasanka, hát onnônyka ye mé guđáan chegieká, mú mé guđáan áat.

Yuána ki Naamaká 1:10

Aaléka, máádhat har ál hí gaa iđaká ká yimie-, kor he onisinyle he onisiny Kiristóóllá gaa taak kátaka, máá kinaallá haí af nee kôny, ubaa hí énykícho ˈdú éen.