Róóma 15:8 - Fayam Midhab Yiesu Kiristoká He Hol Af Iđiny Kaanaká

^8-9 Yú hí geeye, Yíésu ka yimíéllá, gál Yuuˈdi-, ubaa gál gál Yuuˈdi muuninyallá met hullaallé he ˈdu gáá riebe. Mu hé Waag hí héle gál Yuuˈdi eshim eshimle af iđicheká he ˈduuwasia. Tá mu gál gál Yuuˈdi muuninyallá ˈdu gáá riebééllá he giri geer guura Waag hí gáál argisichééllá ˈdaalleka gaal Waag memeyoká. Hát Warˈgat Waaˈgiet hí hote-, kieye, Yú kidh hurt ha ko gaa meeye, gáál hurtle arram yú ko ki memeyoká ha yú gaa ˈdarama, chieká.

Róóma 15:8 ပူးပေါင်းရင်းမြစ်များ

Matááyo 15:24

Yíésu kieye, Yú ˈbíl íl Yisirayel tákáma gálle Waag hí ye ali ˈdu gáá kaayye. Gál kinaallá he wala bađay-, yú ˈdu gáá riebeká, yie.

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Yuána 1:11

Mu hé lésle ká yimie, kor mú gálle hé mú điidhe.

Yuána 10:16

Yú yáá wala éíy taaka ˈdeeyééllá gaa láká ˈguo. Wala kinaallá úba ha yú ká ˈdaanna. Wala kinaallá úba af ha ye maala. Waláállá lulle me tikiˈd haí yeedhe, máállé hí ˈdeˈdeenká tikiˈde.

He Ekeny Gál Alb Fimiká 13:46

Báulo ubaa Barnábas ˈdéé nyaalím ki huogodhe, gaal gáál kieye, ˈDeeny Waaˈgiet erkob it gál Yuuˈdííllá ke hí geđie. Aaléka, it hol ká muˈde, ˈdaa giri hí ˈdéé điita-, gál luolmit biiyoká ma ki ekenenyká hí hol hoycheká. Nyíín aalé kidhdho nyí bala ˈdú nanniyya.

Róóma 11:22

Aaléka, ití argiyye? Waag hé geer ka guurá ˈgayyo, tá gál hí af đuˈdusanká he illo ká aargisicha. Tá itín mu hé hí geer guurá argisie. Aalé har taalle hí mú el gaa igiˈdoka, mu geer guurálle taalle haí aargisia. Tá har hí mú sug ki niiyye-, hí mú điiteka, af kinaalka hát kolm biime-, muí murekáka, ha muí muura.

Róóma 11:30

It gál gál Yuuˈdi muuninyallá, it héle hát Waag hí feˈdeká điite. Aalé káána gál Yisirayel hát Waag hí feˈdoká điidhééllá, in itín hí Waag geer guuralle argiyye.

Róóma 15:16

ye gédéch Yiesu Kiristo hoyche-, ye hújíchle mé ki koyye-, Fayam Midhab Waaˈgietallá yú gál gál Yuuˈdi muuninyká ki ˈdiyeenká. Waag ye hújíchallá mé ki koyyééllá, he giri Hím Naasan Waaˈgiet gál gál Yuuˈdi muuninyká dhiiˈdo-, gáál suor ˈdúwa-, Waag hí iiy chegetoká hođichoká.

Róóma 3:26

Hééllá muí il er níéllá, he ˈdaa giri mu gáál nog ki sesemeká. Tá báralka, suor Yiesúúllá Waag hát he ˈdúwaká gáál ká aargisicha. Héétí gál Yíésu iiy yegetká in Waag hí gál ˈdúwaká chegedhe.

Róóma 3:3

Tá gál Yuuˈdííllá hé ˈbaal ˈdeeny Waaˈgiet ma chíran. Gáál ˈdéé ma ki yaalintlééllá he in kieye, Waag héllé hotééllá hé tagle muuninyo, he yegedhe?

Róóma 4:16

Aaléka, he af iđiny Waag hí Abirááyam af iđiche kinaallá iiy yeen ˈdaallé he ká nannaata. He af iđinyééllá ˈdúˈjím Waaˈgieto he yé gáá ˈdeˈdeenne. He af iđinyééllá hé gál Waag hí hemuumurít ka shiicheká tákámle hí ma lileny, gál iiy yeen Abirááyam hí ˈgieká ˈgúóllá úba haí aargira, ˈdaa giri Abirááyam gál Waag iiy yegetká lulle ˈjaalléká.

Korínto Erká 1:12

Hé yú hogodhóóllá, itín mú tikiˈd kieye, Yú máá Baulo, máátí kieye, Yú máá Abollos, máátí kieye, Yú máá Kefas, máátí kieye, Yú máá Kiristo, hí chegedhe.

Korínto Erká 10:19

He in háte yú yegedhe? Suoryam gaalí waagam hódhoká ki ˈgaˈgaloká ubaa waagam hódho kinaal hé úba ˈdúúw hé ˈguo, yú yegedhe?

Korínto Erká 10:29

Tawunykíchoka hí he kokonyoká taglé, tá máá hí hatallá geeyallá tawunyle ˈdaalle ˈdugaka, haí kônyo, yú hí yegedhe. Tá kálmaréél máádhat kieye, Máá eiy tawunyle háteka mé furit chia yú ˈgúól ˈdeđensete?

Korínto Erká 15:50

Nyaaramchú, hé yú hogodhoká hééllá: Gón kúnnaa ke ˈgúóllá hé Guch Waaˈgiet ma higiliny, héétí hé kufunan-, mooˈdowká hé ál luolmit biiyóótíá úba ma lileny.

Korínto ki Naamaká 1:20

He lullé Waag hí muun gáál af iđichééllá hé Kirísto hí ˈduwasie, in ke mú af ˈdúúw hođita, ki iiy-hí yegedhe. Héétí úba ˈdaa Kiristoka, muun, Iiy-hí, he hí hát kinaallá yeet, ke yegedhe, giri Waag hééllá ˈdúúw gaa egeetoká.