Róóma 15:3 - Fayam Midhab Yiesu Kiristoká He Hol Af Iđiny Kaanaká

³ Kirísto íín hé geyyiny ma ˈdú gáá yímen. Mú hé gálaat hí chaachare, hát káána Warˈgat Waaˈgiet hí hote-, kieye, E Waag, chaarim gaalí ko chaachareká hé gaalí ye chaachare, chieká.

Róóma 15:3 ပူးပေါင်းရင်းမြစ်များ

Matááyo 10:25

Máá láliká har hát máállé hí he oonisuoká yieka, hé kinaallá hí faagsuo. Héétí gedech har hát máállé he hujich ki nannuoká yieka, hé kinaallá geerle hí gaa meet. Gálaat har máá ˈbíl mé ki yaalká chacharo-, mú Belsebul yegetka, gál ˈbil kinaalloká chaarim gaalí ˈdú muuroká ebá súm ˈdéen!

Matááyo 26:39

Aalé mu biiy met á níínni mare ki sedhe, abúún ˈdíínie, Waag vite, kieye, Baabá, har tagle kátaka, kulu manyjasinyallá ye gaa éeb. Tá he hát yú fedoká hai yéen, hí hát kuuní feˈdoká yeet, yie.

Matááyo 26:42

Aalé Yíésu geđi hol nadhe, Waag vite, kieye, Baabá, har kulu manyjasinyallá ye gaa egeyyoká tagle muuniny-, yú he gaa igianká feˈdoka, he hí hát kuun hí ye ki feˈdoká yeet, yie.

Matááyo 27:44

Gál giri gálaat shokodaam gaa ugunme-, gaalí ˈguor ˈdug ki ˈdane-, Yíésu ˈdinnam ˈgie kinaal úba Yíésu chaachare.

Yuána 15:10

Hát yú hemuumurit ˈJaachú ki yaal-, mú gielmitle gaa ijóóllá, itín har hí hemuumuritchú ki taalka, gielmitchú haí gaa yíéđianna.

Yuána 15:24

Yú onnônyka hé gálaat af ˈdaˈdabsuo-, máádhat hí ma ekemenyká gáál hurt ma gaa eekemenyka, gaal hé onnônyka ađaabano mán. Tá káána gaal hé hé kinaallá arge, kor hé yú ubaa ˈJaachú nyí hol ˈgar nebedhe.

Yuána 4:34

Yíésu kieye, Hújích Máá ye ali gáá kaayká hí ye gaa fedo-, yú nannuo-, yú beđisatká in ˈguomchú.

Yuána 5:30

Yíésu kieye, Yú tákámchú yáá hé ekemeyoká mán, yú hé maaloká in ˈgásle gaa igira, gálaat ˈdéé ki iđimia. Yú ˈdéé ki iđiny ˈdúwaká gálaat ki iđimia. Yú yáá hát fedoká ma ekemeny, yú Máá ye ali gáá kaayká hát he fedoká ekemeye.

Yuána 6:38

Yú úr gáá yimíéllá yáá hé meenychú ma ekemeny, Máá ye ali gáá kaayká hát he fedoká el gaa igira, ekemeye.

Yuána 8:29

Máá ye ali gáá kaayká yáá nyí hol ˈgayya, tá ˈdaa giri he lullé yú ekemeyoká mú geer gaa memesuoká, mu hé ye ma hâny, Yíésu hí gáál yie.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.

Filíbi 2:5

Kaskícho hí kas Yiesu Kiristo yeet.

Filíbi 2:8

Aalé mu yaalmit máádhat kaadhdheká in hol ˈdúúw rie. Mu har úba ˈgíérích Waag hí ki feˈdeká hí kúfach mé ki koyka, mu hé ˈgíérích kinaallá nadhe, kúfách ˈdeewká ˈgór đarám yaalká ˈdú kufe.