Róóma 15:19 - Fayam Midhab Yiesu Kiristoká He Hol Af Iđiny Kaanaká

¹⁹ Hím Naasan Waaˈgiet fargogintle ííni hé fargogo-, gálaat hí il ki aargiro-, hí af ˈdaˈdaboká ekemeyche. Hatallá in yú hát ˈdabaanká Fayam Midhab Kiristóóllá ˈjien Yerusalem tá ˈjíig lés Illuriko lulle gaa ˈdiiyime.

Róóma 15:19 ပူးပေါင်းရင်းမြစ်များ

Matááyo 12:28

Tá yú har Hím Naasan Waaˈgiet aryáán yiem ki ˈdeđuoka, af kinaalka Guch Waaˈgiet hé hí hurt ká hille.

Yuána 4:48

Aalé Yíésu mú geey, kieye, Itín ˈdaab hé hí il ki aargiˈda-, hí af ˈdaˈdabsuoká hí ye ma gaa árginyká it ye iiy ma chegen, yie.

He Ekeny Gál Alb Fimiká 1:8

Aalé Hím Naasan Waaˈgiet hí ˈdu gáá leeteka, fargogínt haí aargiˈda. Itín ˈjien Yerusalem, lés Yuuˈdia lullé, tá lés Samaria, tá ˈjíig les ameenylé ki taalká ˈdeenychú gálaat ha hí gaa maalsicha, muí yie.

He Ekeny Gál Alb Fimiká 13:14

Aalé mú Báulo Bérga gaa kie, Ántiok lés Bisidiaká ki fame. Kúlích Hef ˈGisanká gaal ˈbíl ˈdiiyiminyká hile, les yíéđie.

He Ekeny Gál Alb Fimiká 13:51

Aalé Báulo ubaa Barnábas kekemeká gaal ˈgas shére gaa ˈdodhdhe, gáál ˈgas in ká badhdhe, Ikónio mé nie.

He Ekeny Gál Alb Fimiká 14:10

Aalé Báulo af gaa guđoká mú ki geey, kieye, Le gaa keʼ, ˈgas les ki ˈdíit, yie. Máá giriká đo les gaa kiite, hol gaa seeseme.

He Ekeny Gál Alb Fimiká 14:20

Aalé gál Yíésu iiy yie-, láli-, ál kinaal gaa ijeká sedhe, Báulo ki made. Aalé Báulo ka aareká, le gaa kie, é hol ˈdú nadhe. Bííy éíy taaka geđo-, ka biˈdeká mu ubaa Barnábas hol eedhdhe, ˈDérbe mé nie.

He Ekeny Gál Alb Fimiká 14:25

Gaal Máá Guđo Yíésu ˈdeenyle ˈjien Berga gaa ˈdiiyimeká, gaal ˈjien Atalia mé nie.

He Ekeny Gál Alb Fimiká 14:6

Aalé Báulo ubaa Barnábas gáál điđamlé kinaal maaleká, gaal lés Lukonia ˈjienlé Lustura-, ubaa ˈDerbe-, tá forimlé hí lag ijeká kar ˈdú ˈdoy.

He Ekeny Gál Alb Fimiká 15:12

Aalé nyesebich lulle shab yie, Báulo ubaa Barnábas af nee koy. Báulo ubaa Barnábas Waag hát hí hujich ki naasate-, hé gáál af ˈdaˈdabsuo-, kidh hí il ki argeká Waag hí kidh hurt gaa eekemeycheká gáál geey.

He Ekeny Gál Alb Fimiká 16:18

Ini aadh lullé nyí el gaa igiˈde, nyí hawul ˈgieˈgete, héél af gaa guđoká ki huogote. Aalé Báulo ini hélléél hí idhansie, mu ini bala ˈdú nie, aryaan ini gaa iđeká geey, kieye, Fargogint meeny Yiesu Kiristo yú ko ki geeye, inííllá yé gaa ˈdé, yie. Tíkíˈdé kinaal aryáán đo ini yé gaa ˈdiiyye.

He Ekeny Gál Alb Fimiká 17:10

Aalé biiy he chuurayyeká gál giri nyaaramká đo Báulo ubaa Sílas é yé gaa ˈdeey, gáál ˈjien Berya ali ˈdú fie. Gaal he ál kinaal ki fameká gaal ˈbíl ˈdiiyiminy gál Yuuˈdiká sedhe.

He Ekeny Gál Alb Fimiká 17:15

Aalé gál giri Báulo eeyká mú Ádhenay đig hoy. Gaal Bérya hol ˈdu nanadheká Báulo gáál ˈdéé gaa kaay, giri Sílas ubaa Tímote mú ál ˈjob gaa higiloká.

He Ekeny Gál Alb Fimiká 18:1

Aalé af kinaal el ˈdaal Báulo Ádhenay gaa kie, Korínto ki ˈjie.

He Ekeny Gál Alb Fimiká 18:19

Gaal he Eféso kí fameká Báulo Biriskílla ubaa Akúla ál kinaal ki hay. Mu ˈbíl ˈdiiyiminyká sedhe, gál Yuuˈdi hol ki falme.

He Ekeny Gál Alb Fimiká 19:1

Aalé af giri Abóllos Korínto gaa ijeká, Báulo lés Galatia ubaa lés Firgia gaa kie, mu ˈgíérích ˈdug iifeká nadhe, Eféso ki ˈjie. Mu ál kinaal gál Yíésu iiy yie mare hol gaa arge.

He Ekeny Gál Alb Fimiká 20:20

Yú hí ˈdeeny Waaˈgiet ka oonisieká yáá ˈdeeny níínní hí ki midhab-, hí af ˈgidhieká mán. Yú innum gálaat ubaa ˈjien kíchia hí he gaa oonisie.

He Ekeny Gál Alb Fimiká 20:6

Aalé ˈjila balashalle máá hí maat fafuo-, mánká rámle ˈgiteká nyiin nyí Filíbi kadich gaa hille, ram chen chieká nyí Torówas ki faanne, ál kinaal nyí tiiya gaa rayye.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Róóma 15:16

ye gédéch Yiesu Kiristo hoyche-, ye hújíchle mé ki koyye-, Fayam Midhab Waaˈgietallá yú gál gál Yuuˈdi muuninyká ki ˈdiyeenká. Waag ye hújíchallá mé ki koyyééllá, he giri Hím Naasan Waaˈgiet gál gál Yuuˈdi muuninyká dhiiˈdo-, gáál suor ˈdúwa-, Waag hí iiy chegetoká hođichoká.

Róóma 15:24

Hát yú fedoká he af giri yú lés Sebaania seseenká yú hí gáá nannaat-, rám mákártaká ko hol af yíéđian-, tá hí ye ˈgierich nanniyya-, yú sienchú mé verennoká.

Korínto Erká 2:4

héétí ˈdéé hótchú ubaa ˈdiiyiminychú yáá hát ˈdéé óny-, ˈdaalimo lesalloká ma ki húógon, Hím Naasan Waaˈgiet fargogintlé yú ki ˈdiyime,

Korínto ki Naamaká 12:12

Hé ˈduuˈdúwa-, yú hurtkícho gaa eekemeyká, he hé máá Kirísto hí ali gáá kaayká hí ekemeyoká. Yáá mé ki chichirte, it hé hí af ˈdaˈdabsie-, farguogoká il ki argiyye.

Galátia 3:5

Waag hí Hím Naasanle ká shigicho-, ubaa hé gáál af ˈdaˈdabsuoká hí hurt gaa ekemeychóóllá, he in ˈdaa hemuumurít ki yaalitle ˈdugakaa? Ebá he fayam Kiristo hí maalle-, hí iiy chieká ˈdaalle ˈdugaka?

Kolosááya 1:25

Yáá gédéch gál Kiristóóllá hújíchallá Waago hí ye mé ki koyye, giri yú hí ˈdeeny Waaˈgiet alulle ki ˈdiyeenká.

Dhesaloníke Erká 1:5

Hééllá he ˈdaa giri ke hí Fayam Midhaballá hát ˈdééká tákámle ke hí ma ˈdú gáá sîn, tá fayám ˈdaa giri fargogint Waaˈgiet ubaa Hím Naasan Waaˈgiet kí chimieká in itín hí fayám ˈduuwle tág og. Af giri ke hol af ijeká itín yaalmit ˈdaakíchoka nyí ki iđeká it óg.

Tímote ki Naamaká 4:17

Tá Máá kúnnaa Guđoká hé ye ˈdéé yiir kí chiˈde, ye fargogonoy, giri yú Fayamlé Midhaballá hát ˈdabaanká ˈdiiyime-, gál gál Yuuˈdi muuninyká lulle fayám maaleká. Aaléka, Waag hé ye luoch af gáá bisiche.

Héberew 2:4

Waag hé úba fayamééllá hát ˈdúwaká gálaat argisiche, hát káána mu hé farguogo-, met hí hol ká burnay-, gálaat af ˈdaˈdabsuo-, gálaat hí ílle ki argeká eekemeyká. Waag úba hát he feˈdeká in Hím Naasanle gálaat hé shiicho onyi-, met hí hol ká burnayká shiiche.

Bétiro Erká 1:12

Gaal fayamééllá ˈdiiyimeká Waag hé hát gaal hol hujich ma ki nannîny-, itín hí hujich kí nannieká hé gáál argisiche. Gál káána hí fayam tikiˈdééllá ki ˈdiiyimééllá hé Hím Naasan Waaˈgiet úr yé gáá ˈdiiyyeká fargogintle hí ki ˈdiiyime. Waag gállé ˈgasso-, urruká úba hééllá hol eiy gaa nannasatká hé tág fedo.