Róóma 15:18 - Fayam Midhab Yiesu Kiristoká He Hol Af Iđiny Kaanaká

¹⁸ Tá yú yáá hújíchallá nímle fargogintle hol bal ma ki ˈdaraminy. Fargogint Kiristo in yú ˈdeem ki hogodhe, yú hujich ki nannie, in gál gál Yuuˈdi muuninyallá fayam Kiristóóllá iiy yie.

Róóma 15:18 ပူးပေါင်းရင်းမြစ်များ

Matááyo 25:16

Máá giri muí bíre shíí chen shieká đo bíre nigíˈd ki nie, bíre éíy taaka shíí chen bíre ˈdug ˈdú arge.

Márko 16:20

Aalé Yíésu lalille kie, les lúl gaa sedhe, gálaat Fayam Midhab Yiesúúllá shie. Máá Guđo Yíésu úba hé gáál hol hujich ˈgar nannie. Gaal gálaat ki ˈdiiyimeká gálaat hé hé gaalí af ˈdaˈdaboká úba il ki arge. Hatallá in Yíésu fayamlééllá hát ˈdúwaká gálaat argisie.]

He Ekeny Gál Alb Fimiká 14:27

Aalé gaal he ál Antiok kinaal ki fameká gaal gál Kiristoká hol ˈdú vie. Gaal hát Waag hol ˈgie-, Waag hí hujich ki nannasate-, tá kár giri kidh hí Kirísto iiy ki yegetká Waag hí af ki fuˈdeká, fayamle lulle gáál shie.

He Ekeny Gál Alb Fimiká 15:12

Aalé nyesebich lulle shab yie, Báulo ubaa Barnábas af nee koy. Báulo ubaa Barnábas Waag hát hí hujich ki naasate-, hé gáál af ˈdaˈdabsuo-, kidh hí il ki argeká Waag hí kidh hurt gaa eekemeycheká gáál geey.

He Ekeny Gál Alb Fimiká 15:4

Aalé gaal he Yerúsalem kí ˈdieká gaal gál Kiristo al kinaalloká ubaa gállé hí met ki ˈgieká, tá gál alb fimiká hí shuunne, hí gállé dheeˈgo hote. Aalé mú Báulo hát Waag hol ˈgie-, Waag hí hujich ki nannasateká fayamle lulle gáál shie.

He Ekeny Gál Alb Fimiká 21:19

Báulo gáál naa yieká Waag hát hí hujich ki naasate-, Waag hé burnay-, kidh hursam gaa ekeycheká fayamle lulle gáál hát ˈdabaanká shie.

He Ekeny Gál Alb Fimiká 26:20

Yú erkob fayám ˈDamáskaso gaa ˈdiiyime, in Yerúsalem, Yuuˈdía, tá ˈjíig kidh úba đig yie. Fayam yú gáál ki ˈdiiyimeká hééllá, giri gaal lulle héllé ˈdeđew-, gaa seseenká haađuo-, Waag makan fafaan-, gaal héllé ekemeyo-, hát héllé ˈdeđewká hayká ˈduuwle gálaat aargisuoká.

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Róóma 16:26

Aalé hát warˈgasam gál Waag hí ˈdeem ka shigicheká hí huogodheká ubaa hát Waag bííyyo ali iđóóllá hí muˈdeká, Fayam Midhab Kiristóóllá hé káána gálaat hí kidh lúl mamalsuo, giri gaal Kirísto iiy yeget-, mú el gaa igiroká.

Róóma 6:17

Aalé it giri érléká hí hé ˈdeđew-, Waag hí ma fedinyká gedelle onnoyyeká, it káána he onisiny Waaˈgiet hí argiyyeká hol ˈdú hayche, hí el gaa veeˈde. Hé kinaal ˈdugaka Waag hí ˈdúúw eet!

Korínto ki Naamaká 11:31

Máá kúnnaa Guđo Yíésu ˈJaallé Waag bííyó biiyo gaalí memeyóóllá hát hééllá ˈdugaka yú hódho ma hogonká hé óg.

Korínto ki Naamaká 12:6

Tá har yú ˈduuwchú hogodhoka, af kinaalka yáá hát máá đeechká ˈdéé ma ká hogon. Yú hé ˈdúwaká ha hogodho. Tá yáá ˈduuwchú huogonle hol gáá faganay. Yú gálaat ye memeyoká fede muuniny. Tá gálaat har midhantchia mákártaká taawuoka, hé kinaal hí ˈdaa húgúmchú ubaa he onisiny gaalí ye gaa maaleká ˈdaalle ki yaal.

Korínto ki Naamaká 3:5

Nyiin nyáá nyí kieye, hééllá he uritle nyííni nyí yé gáá ˈdeˈdeenne, nyí ma chegen. He uritkínyo lulle Waago yé gáá ˈdeˈdeenne.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Galátia 2:8

Waag Bétiro hujich ki naasate-, mú gál Yuuˈdi ali ˈdú kaayyeká in úba hát ye hujich ki naasate-, ye gál gál Yuuˈdi muuninyká ali ˈdú kaayyeká gaalí kimite.

Kolosááya 3:17

He lullé hí ekemeycho-, ubaa hí hogotoká lulle Máá kúnnaa Guđo Yíésu meenyle ki eekemeyyíe, tá mu íín ˈdaalleka, ˈJaa kúnnaa Waag gielmít hol ˈdú naannáa.

Dhesaloníke ki Naamaká 2:17

hí gúóf shiiguo, hí farguogoyo, giri aadh lulle hé hí ekemeychoká ubaa hé hí hogotoká ˈdúwaká.

Héberew 11:8

Abirááyam iiy yeenle ˈdaalleka, af giri Waag hí geeyche-, Waag kieye, Keʼ, lés éíy taaka-, yú ko ka shigúóllá mé naʼ, Waag hí mú chieká, in mu Waag af ˈduwasie. Har káána úba ál muí mé nannie kinaal muí moonnoyka, mu hé Waag af ˈduway, kie.

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Yákob 1:22

Haí hol nyimísan, hí hállééllá ˈdéé taalle tákámle nee kokôny, ˈdee héllé hogodhoká eekemeyyíe.

Yuána Erká 3:18

Umééllo, ha ki gálaat af tákámle ki geelnêny, gálaat kí hát ˈduwantiká geelnew, gálaat kí ˈdú ˈjeeˈjeen.

Yúúa 1:9

Ebá táb ˈdodhdhíe, Mikáyel har úba gál ˈgasso-, Waaˈgiet-, urruká máállé méteká kátaka, af giri mu ubaa kídhích kúnnaa Sátanléká gón Moshe ˈdaalleka hol ki fafalmeká, mu hé Sátan ma fichíliny, mu hé Sátan geeyká kieye, Máá Guđoká ííni ko il ki ˈdeđente, yie.