Róóma 15:14 - Fayam Midhab Yiesu Kiristoká He Hol Af Iđiny Kaanaká

¹⁴ Nyaaramchú, itín hát hí súm ger gaa ˈdabaan-, ˈdaalim hí hol af ki tatiyyaká lulle hí ˈgayyaká, yáá tág óg.

Róóma 15:14 ပူးပေါင်းရင်းမြစ်များ

Korínto Erká 1:5

ˈDaa giri hí Yiesu Kirísto hol ˈdú faannééllá, in Waag hí he met lulle ˈdú ookodmiche, hát káána ˈdéé hót midhabká ubaa ˈdaalím lullé.

Korínto Erká 12:8

Mááká Hím Naasan Waaˈgiet ˈdéé hót ˈdaalimoká hí shigicha, héétí mááká Hím Naasan Waaˈgiet tikiˈdééllá ˈdéé hót he onyiká hí shigicha.

Korínto Erká 13:2

Tá yú Waag har ye gállé ˈdéé ka shigichoká mú tikiˈd hôny-, yú hé ger geđiká lulle ubaa ˈdaalím met lulle onnôny-, iiy yeen gumano alb gaa gugursichoká úba ˈgíiny-, kor gielmít mannânyka, yáá máá kátaká mán.

Korínto Erká 8:1

Aalé, yú aany gaalí waagam hódhoká suoryam ki hođuoká sogimle kóonyle yaalmitlé hí ye ka heeseteká yú hí hol ˈdú gáá naa. Muun lulkúnno hát ke hééllá ˈdaalimle ˈguoká hé ki óg. ˈDaalim máádhat hí ˈguoká íín hol meenyo mú yé ˈdú ˈdeđicha, tá gielmít íín máádhato he ˈdiˈdita.

Korínto Erká 8:10

Kálmaréél máá yaalmit hatallo-, kas hí ma hirânyká kó ˈdaalím ˈgayyóóllá ény gaalí waagam hódhoká gaa vivisatká he gaa kokonyo-, muí ko gaa argeka, kó mú waagam hódho-, hatallóóllá suoryamle kóonyle mé ma ki kôny?

Korínto Erká 8:7

Tá ˈdéé hót ˈdúwáállá hé gálaat lulle hí muog. Gáál ˈdáá tikiˈd ˈdaa giri hé gaalí waagam yegetallá in eiy kí ˈdeeyká, káána úba aany gaalí waagam kinaal suoryam ki hoyká sogimle koeyka, in gaal hátle sogim kinaal sogim waagam kinaal hí léká ká dhaˈgama. ˈDaa giri gáál kas hí ma hirânyká, in gaal sogim kinaal koeyka, kerka sogim kinaal hí ađááb mé ki kokoo.

Korínto ki Naamaká 8:7

ˈDaa giri hí he lúl ˈdaa gaa lilete-, hát káána hí iiy yeen fargogoká ˈgayya-, hí ˈdeem huogon óg-, hí ˈdaalim guđoká ubaa gúóf lulle ˈgayya-, héétí it hí nyí súm gielká, hé shiicho gielmitííllá úba hát geer gaa midhantiká hol ˈdu gáá shuunáa.

Eféso 5:9

Édhum saanolle he midhánti, saas mánti, tá ˈduwánti.

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Filíbi 1:7

ˈDaa giri yú hí mé ká ˈguoká, hééllá ˈdaa kíchoka tawunyle yú taawuokáka taglé. Har káána úba yú nyarugano hiiginká ye ki ˈgíéllákaʼ, Fayam Midhaballá eiy nannuo-, ˈduuwle hogodhóóllákaʼ, it lulkícho ˈdúˈjím Waaˈgiet ki hol ˈgar aargiro.

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Dhesaloníke Erká 5:11

Aaléka, hát káána hí gaa iđa-, hí ekemeychóóllá, hol guogofsía, hol yiir gaa chiichiˈdíe.

Dhesaloníke Erká 5:14

Nyaaramkínyo, héétí ha ki hí gogofsia, gál he ma uu-urinyká af taatáa, gál síéramká guogofsía, gál đááliská yiir gaa chiˈdíe, tá gáál lulle ger gaa gúch aargisía.

Dhesaloníke ki Naamaká 1:11

ˈDaa kinaallá ˈdugaka in ke hí aadh lulle Waagkúnno kí vivita, giri iđiny kíchia muí kí víéllá mu hí gál ˈdúwa-, iđiny kinaal ki ijoká ka tuoyo-, héétí mú fargogintle ˈdaalleka muí he feditkíchía midhabká ubaa he ekeny kíchia iiy yeenkícho yé gáá ˈdeˈdeenká lulle muí đuusuoká.

Tímote ki Naamaká 1:5

Héétí iiy yeen kua ˈdúwa-, đunu kua Lóis ubaa ˈjie kua Yúnike hí ˈgie-, tá káána yú óg-, kuuní úba ˈgayyóóllá yáá mé ká ˈguo.

Fílemon 1:21

Warˈgatééllá yú ko ˈdu gáá veerééllá, hát hé yú ko rogononallá ye met gaa egeeto-, hé éíy taaka midhab-, hé yú ko ruogonééllá a mé gíriká úba mú ki ekemeychoká yáá óg.

Héberew 5:12

Itín onnônyka aféél it gál gálaat ˈdeeny Waaˈgiet oonisuoká chie, kor káána hátle geđi máá hí ˈdeeny Waaˈgiet onisinyle mé kí kokootká hí hegesete. Itín hát hí um nigini-, een tákámle igian-, ˈguom gogiyyoká kóony aleđuđugulle ma ka ˈdônyká.

Héberew 6:9

It sheel kínyia ke hí gielallo, hééllá har káána úba nyí hatal hogotoka, hát itín hí ma ki yaalinyká nyáá nyí óg. Nyiin hé ˈduuˈdúwa-, rubachietká hát ˈdaakícho ki yaalká nyáá nyí og.

Bétiro ki Naamaká 1:12

Aalé har úba káána hí hééllá óíyta-, hí ˈduuwle hát ˈdabaanká iiy chieka, hééllá taalle aadh lulle tábo yú hí kí gagadha.

Yuána Erká 2:21

Hééllá yú hí ˈdu gáá veerééllá hé kieye itín it ˈdeeny ˈdúwa-, Kiristóóllá muog muuniny, he ˈdaa giri itín hí ˈdeeny ˈdúwáállá ógká. Héétí úba ˈdeeny ˈdúwáállá hát hodho-, níínní hí yé gáá ˈdeˈdeen-, mánká hí ógká.