Róóma 14:4 - Fayam Midhab Yiesu Kiristoká He Hol Af Iđiny Kaanaká

⁴ Kúún mááya, kó gédéch máá eiy ˈdeđensetóol? Gédéch Waaˈgiet ˈdeđensetóóllá Máállé Guđo Waago hí ˈdeđente, muuninyka, hí máá ˈdúwaká yegedhe. Tá Waag hé mú ma ˈdeđensen, mú yiir hai gaa chiirata.

Róóma 14:4 ပူးပေါင်းရင်းမြစ်များ

He Ekeny Gál Alb Fimiká 11:17

Har Waag Hím Naasanle af giri múúni ke Máá Guđo Yiesu Kirísto iiy yieká gáál ka shiicheká úba gaal íín shiicheka, yú mááya Waag gaa điidhanal? Bétiro hí gáál yie.

Róóma 11:23

Tá kolm Waag hí alb gaa muˈde kinaal har Yiesu Kirísto bala ˈdú nie-, mú iiy yieka, Waag geđi ˈgór hí gaa muˈde kinaal haí gaa kokoyyo. Waag íín hééllá ekemeychoká hé uˈdo.

Róóma 14:3

Máá he met lulle kokuoká hai máá he met lulle ma kokonyká egeshêny. Héétí máá he met lulle ma kokonyká hai máá he met lulle kokuoká ˈdeđénsen, ˈdaa giri máá kinaallá Waag hí ká ˈjobonsoteká.

Róóma 16:25

Aaléka, Waag kí meemeyo! Waag hé Fayam Midhab Kiristo-, yú gálaat ki ˈdiyeenallá ˈdaalleka hí higiraycho. Fayam Midhab Yiesu Kiristóóllá he Waag héllé geer geđi kis ˈgayye-, tá káána ka edhesicheká.

Róóma 9:20

Tá máá kinaal mááya, Waag hatal yegetal? Máá Waag hí ka kuonneká hé Waaglé hí ka kuonneká hatal hegeset, kieye, Háteka ye hatal ka kuonnéel? yeget?

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Bétiro Erká 1:5

Rubach ˈdaab kúlíchlé biiy el ˈdaˈdká ali ma kí ˈdíinyká, iiy yeenkícho ˈdaalle ˈdugaka, fargogint Waaˈgiet hé hí in gaa taal. Rúbách kinaallá kúlíchle ali kí ˈdiiyyeka, Waag yíé haí ká ˈdeđicha.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.