Róóma 14:19 - Fayam Midhab Yiesu Kiristoká He Hol Af Iđiny Kaanaká

¹⁹ Aaléka, hé naanná yé ká ˈdeđuoká ubaa hé ke hol ki gogofsuoká kí ˈdú laađaan.

Róóma 14:19 ပူးပေါင်းရင်းမြစ်များ

Matááyo 5:9

Gál naanná gálaat hursam gaa sisidhoká hé Waag hí ˈdú ˈjeˈjeenno, gáál um Waaˈgieto gaalí yegedhe.

Márko 9:50

Shúgút hé midhab. Tá shúgút gaalí hé éíy taaka hol warase-, ˈjám ˈdabiyyeka háteeye midhab? Shúgút ˈdúwaká yiedhíe, hol naanná ki yíéđía.

Róóma 12:18

Gálaat lúl hát hí uˈdoká hol naanná ki yíéđía.

Róóma 15:2

Múún lulkúnno nyaaram kúnnaa iiy yeenle đalidhééllá kí guogofsuo, giri gáál iiy yeenle higirayyoká.

Korínto Erká 10:23

Muun hé ke mé furit ke he lulle ki ekemeyoká ˈguo, kor he lúl hé gáál ma ki midhanany. Muun hé ke mé furit ke he lulle ki ekemeyoká ˈguo, kor he lulle hé gál Kiristo ma higirasiny.

Korínto Erká 10:33

Yáá úba lađaan, giri hát lulle gálaat lulle yú ger gaa memeyoká. Yáá hé ye ki midhabká table mé ma ki sisin, hé gál eiy ki midhabká tablé mé ki sisidha, giri gál ilishká rubach aargiroká.

Korínto Erká 14:26

Nyaaramchú, háteeye ki yeedhe? Af giri hí hol ˈdu gáá chiimet-, hí Waag hol ˈgar vivisatoká, mááká hé ár ka ˈdaraanká ˈguo, mááká hé he onisiny gáál af ki tatuoká ˈguo, mááká hé Waag hí kí edhesicheká ˈguo, mááká hé ˈdéé hót af Hím Naasan yé gáá ˈdeˈdeenká kí hogodhoká ˈguo, héétí hé máá ˈdéé hót af kinaal gáál eiy ki nannuoká ˈguo. He lulle hí hé gál Kiristo ˈdiˈdisoká onnow.

Korínto Erká 14:3

Tá gál Waag hí ˈdeem ká shigicho-, ˈdiyeenká íín gálaato geđia, ˈdeemle gálaato ˈdiˈdisa, gogofsia, úba aabunsia.

Korínto Erká 14:4

Máá af Hím Naasan Waaˈgiet yé gáá ˈdeˈdeenká hogodhoká, ínalle tákámlé hol ˈdiˈdisa, tá máá ˈdeem Waag hí ká shigichoká ˈdiyeenká íín gál Kiristo he ˈdiˈdisa.

Korínto Erká 14:5

Yú itín lulkícho hí afano Hím Naasan Waaˈgiet yé gáá ˈdeˈdeenká hí hogotoká yáá fedo, tá súm hé yú hí ki fedoká he itín hí ˈdeem Waag hí ká shigichoká ˈdiyeennoká. Máá ˈdeeny Waaˈgiet ˈdiyeenká hé máá af Hím Naasan Waaˈgiet yé gáá ˈdeˈdeenká hogodhoká ˈdú ˈdúwa. Tá mu har af kinaallá gálaat eiy ki nannuoka, hé kinaallá taglé, giri gál Kiristo lulle gúóf aargiroká.

Korínto Erká 7:15

Tá máá Kirísto iiy ma yéenká har máá Kirísto iiy yieká điđidhanká fedoka, máá Kirísto iiy yieká hí mú mé furo, muí siet. Yaalmitéélláka, máá Kirísto iiy yieká, máá yab yíekaʼ, min yíekaʼ, hé mé furít ˈguo, giri máá Kirísto iiy ma yéenká hí haađuoká. Hééllá he ˈdaa giri Waag muun gáál naanná kí viiyyeká.

Korínto Erká 8:1

Aalé, yú aany gaalí waagam hódhoká suoryam ki hođuoká sogimle kóonyle yaalmitlé hí ye ka heeseteká yú hí hol ˈdú gáá naa. Muun lulkúnno hát ke hééllá ˈdaalimle ˈguoká hé ki óg. ˈDaalim máádhat hí ˈguoká íín hol meenyo mú yé ˈdú ˈdeđicha, tá gielmít íín máádhato he ˈdiˈdita.

Korínto ki Naamaká 12:19

Itín haí taawuyye, hí kieye, Gaal taalle ˈdéé he hol ˈdú hogodho, hí nyí chegie? Nyaaram kínyaa nyí gielallo, he hé hát kinaallá muuniny. Nyiin innum Waaˈgietka hát gál Kiristoká nyí ˈdéé ká hogoto. He lullé nyí hogoto-, ubaa nyí ekemeychóóllá, he giri itín hí higirayyoká.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Eféso 4:12

Mu hééllá ekeyallá he giri gálallá gál Kirísto iiy yieká hol tág ki kokuo-, gaal Waag hujich ki nannuo-, gón Kiristo higirayyoká.

Eféso 4:29

ˈDeem ˈdeđewká haí af ger yé gáá ˈdeˈdéminy, gál hí af nee kokuoká ˈdeeny hí ki midhab-, hí gogofsuoká geeđía.

Tímote Erká 1:4

héétí gaal hibano gaalí hol af tág ki koyallá ubaa gáál meet eshim eshimlé túóylé el met ma gáá ˈgiˈginallá ma gaa iđinyká. Hé hatallóóllá in hol ki fálaam iilshanaya, hé he fedit Waaˈgiet-, giri gálaat Kirísto iiy yegetká ˈdaalle ma ki taaliny.

Tímote ki Naamaká 2:22

Aaléka, balt gál rúóreká hí ˈguoká hash, hé Waag geer gaa memesuoká, ubaa iiy yeen, tá gielmíti, héétí naanná bala ˈdú naʼ, ˈdú laađámo. Kuun ubaa gál Máá kúnnaa Guđoká hodhinaam saas mánká ki vivisatká hol ˈgar laađamíe.

Héberew 12:14

Itín gálaat lulle hol naanná ki yíéđinyle ˈdú laađamíe. Héétí iđiny ˈdúwa-, Waag hí ki feˈdeká ˈdú laađamíe. Har máádhat iđiny ˈdúwa-, Waaˈgiet kinaal manítaka, hé Máá Guđo Waag ma aargiriny.

Bétiro Erká 3:11

Muí hé ˈdeđewká gíl sug ki hayo, hí hé midhabká eekemeyo, hí naanná hol gaa ˈgieˈgedho, hí ˈgar aayaˈgo.