Róóma 14:18 - Fayam Midhab Yiesu Kiristoká He Hol Af Iđiny Kaanaká

¹⁸ Máá hújích Kiristo hatallá nannuoká Waago geer gaa memeye, héétí gálaat ˈdúúw haí shigia.

Róóma 14:18 ပူးပေါင်းရင်းမြစ်များ

Márko 13:34

Hééllá hát máá bííy eiy sienyle hí ká hileká. Mu hátlé ényle ma gaa kíinyká gedelle ényle af iđie-, gáál hujichaamle eiy met ki koy-, tá máá é káráfle ˈdeˈdeenká geey-, kieye, Tág yíéđig, ha mé les ki gân! yieká.

Yuána 12:26

Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

He Ekeny Gál Alb Fimiká 10:35

É meet lulle gál Waag kikiat-, hé ˈdabaanká gaa seseenká Waag iiy haí chegedhe.

Róóma 12:11

Gon síg hayyíe, gúóf ˈgáa, hodhinaam gálle hújích Máá kúnnaa Guđoká hát ˈdabaanká nannuoká ˈgáa.

Róóma 14:4

Kúún mááya, kó gédéch máá eiy ˈdeđensetóol? Gédéch Waaˈgiet ˈdeđensetóóllá Máállé Guđo Waago hí ˈdeđente, muuninyka, hí máá ˈdúwaká yegedhe. Tá Waag hé mú ma ˈdeđensen, mú yiir hai gaa chiirata.

Róóma 16:18

Gál hat kinaalloká hé Máá kúnnaa Guđo Kirísto hújíchle ma nanniny, gaal hé metlé hújíchle nannaa. Gaal ˈdeemano salsaloká ubaa ˈdéé hót he gálaat ki memeyoká he gálaat geđia. Yaalmitééllá in gaalí gál met af gaa guguđoká ki nyiimita.

Róóma 6:22

Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Korínto Erká 7:22

Gédéch Máá kúnnaa Guđo hí ká vieká, Máá kúnnaa Guđoká ˈdaalleka, he máá Waag hí mé fuˈdeká. Hát tikiˈdééllá máá af giri Máá Guđoká hí ká vevemeká gedech ma onnônyká, íín káánaka, he gédéch Kiristo.

Korínto ki Naamaká 4:2

Nyíín nyáá nyí hé kern manti-, ubaa hé điđám gaa ijoká gaa láʼ. Nyáá nyí gálaat ma nyiimisan, fayam Waaˈgiet nyí hol ma gaa lalaminy. Nyiin innum Waaˈgietka ˈdeeny ˈdúwa-, leđuđugulleká nyí gálaat met gaa hogoto, giri gálaat lulle ˈduuwkínyo hát ˈdabaanká eiy nannasatká.

Korínto ki Naamaká 5:11

Nyiin ˈdaa giri nyí kian Máá kúnnaa Guđóóllá ka ˈgayyaká in nyí gálaat af ˈdú nannasata, giri gaal mú iiy yegetká. Waag hé gerkínyo hélle alulle óg, itín úba onnônyká hát tikiˈdééllá hí nyí ógká yú fede.

Korínto ki Naamaká 5:9

Aaléka, har káána úba nyí gón kúnnaa lokoolomallá gaa iđa yíekaʼ, nyí éget Máá kúnnaa Guđóóllá gaa iđa yíekaʼ, hé nyiin nyí súm feˈdoká he giri nyí Máá kúnnaa Guđóóllá geer gaa memeychoká.

Korínto ki Naamaká 6:4

ˈDaa kinaallá in hát lullé nyí iđaká ubaa he lullé nyí ekemeychoká ˈdaalleka gálaat hát nyiin nyí gede Waaˈgietká kiimita. Hatallá in hééllá lulle nyí mé ki chichirsata: gálaat nyí maanyjasia, nyí aayˈgasia, nyí he il ká aargisia,

Korínto ki Naamaká 8:21

Nyiin hé innum Máá kúnnaa Guđoká gaa midhabká tákámle nyí ma ekemeny, hé midhab kinaal gálaat innumle úba nyí gaa ekemeychoká nyí feˈde.

Filíbi 4:18

Káána hé shiichokícho Ebafuroˈdíto hí ye ˈdu gáá sidheká, yáá hé ye ki ˈgeeˈgerneyká lulle arge, tá ití ye hé éíy burnayká úba af ˈdú fiiyye. Hé shiichokícho he suor usiyyo-, Waag hí iiy cheget-, Waag geer gaa memesichoká.

Filíbi 4:8

Nyaaramchú, hé eiy taaka-, úba yú hí ka geđuoká hééllá: Hé ˈdúwaká, hé gaalí kian ka ˈguoká, hé tagléká, hé saas mánká, hé gielmít hí gaa iđoká, tá hé gaa ˈdabaanká aadh lulle mé ka ˈgáa. Iiy-hí, hé súm midhab-, ubaa hé ˈdúwa-, gaalí memeyo-, hatallóóllá, aadh lulle mé ka gáa.

Kolosááya 3:24

Hújích hí hát ˈdabaanká nanniyyáállá, héllé shiichoká hát hí Máá kúnnaa Guđo Kirísto gaa aargiˈdaká mé ka ˈgáa, ˈdaa giri mu íín hí hujich ki nanniyyaká. Hé shiicho kinaallá he hé Waag hí gálle af iđicheká.

Tímote Erká 2:3

Hééllá innum Waag kúnnaa gáál rubach shigichóólláka, he yíéđiny midhab-, Waag hí gáál ki feˈdoká.

Tímote Erká 5:4

Tá min hiyesidheká har um ˈgayyoka, héétí har um maníta, tá um umle ˈgayyoka, um kinaallá er hí é gerle hát ˈduwantiká ki seeseen, um hí gál hí ˈdaleká ubaa eshimle waawayo, wanylé gaalí wayká eumle hidho. Hé kinaallá innum Waaˈgietka hé tagléká.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Bétiro Erká 2:20

Har káána hé ˈdeđew-, hí ekeycheká gaalí gaa tutuno-, kor hí mé ki chirsataka, gálaat kín haí meeye? Tá hé ˈdúwaká hí ekemeycho-, he il hí gaa aargiˈdo-, hí mé ki chichirsataka, húgúm hát kinaallóóllá innum Waaˈgietka taglé.

Bétiro Erká 2:5

itín úba hát hí waar luogol-, Waag hí ˈbílle ki ˈdiˈdisatoká. Itín úba hí Waag gállé suoryo-, Waag hí taak koote-, suor kíchia hodhinne-, hí Waag shigichoká ˈdaa Yiesu Kiristoka Waag hí met gaa egeetoká.

Bétiro Erká 3:16

Tá ˈdeenyééllá ere midhab-, sáaká ki hoogodhóo. Hé innum Waaˈgietka midhab-, hí ógká tákámle eekemeyyíe. Hát kinaallá in gál hé kíchia ˈdabaan-, ˈdaa Kiristoka hí ekemeychoká ˈdeentle hí ˈdú hogodhoká fichilitlé kinaal gálle dhúrle kern ˈgiidhicha.