Róóma 13:7 - Fayam Midhab Yiesu Kiristoká He Hol Af Iđiny Kaanaká

⁷ Hé hemuumurit mangis hí muˈde-, gaalí mangis les ki fafuoká, lúl mangis les ki fáa. Máá mangis gibíre kí shugunoká gibíre gugusatka, mú gibíre shía. Máá kansím ˈguoká ˈdúúw shía, met gaa keekemíe.

Róóma 13:7 ပူးပေါင်းရင်းမြစ်များ

Matááyo 17:25

Bétiro kieye, Iiy-hí, hé guguso, yie. Aalé Bétiro he ˈbíl ka hileká, hátlé ˈdéé ma hônká, đo Yíésu hí yiete, Yíésu kieye, Símon, kúún tawunykúka, gál kaansúo-, lesietká gálya he bíre gaa guguta? Gaal in gál é gerlé he birm gaa gugutáa? Ebá gaal gál hí é gerle muuninyká he birm gaa guguta? yie.

Matááyo 22:21

Gaal Yíésu ˈdéé hol ˈdú nie, kieye, Hé Kaisar, yie. Aalé Yíésu gáál geey, kieye, Hé Kaisar máállé Káísar shía, hé Waag hí léká Waagle shía, gáál yie.

Márko 12:17

Aalé mu gáál geey, kieye, Hé Kaisar máállé Káísar shía, hé Waag hí léká Waagle shía, yie. Aalé gaal mú ˈdeenyléél af ˈdabe.

Lúka 20:22

Aaléka, nyátál kúnnoka, Káísar ki gibíre ki gugusoká taglée, ebá hé tagle muuniny? gaalí mú yie.

Lúka 20:25

Aalé Yíésu gáál geey, kieye, Har hát kinaal kátaka, hé Kaisar máállé Káísar shía, hé Waag hí léká Waagle shía, muí gáál yie.

Lúka 23:2

Gaal mú he af kaay, kieye, Máállá gál kínyia baađisia, nyí argiyye. Mu kieye, Haí Káísar gibíre les ki fíinyo, he gálaat yeedhe. Mu úba kieye, Yú he Messíya giri kansichká, he yie, gaalí yie.

Róóma 12:10

Gielmit gálle hol ki ˈdalidheká hol ka ˈgáa, hol súm kiikiadhíe.

Róóma 13:6

Hééllá ˈdaalle ˈdugaka, gibíre mangis ki guugusáa. Mangis gállé hí hujich ki nannuo-, gibíre gugusatallá úba he gede Waaˈgiet.

Eféso 5:33

Aaléka, it yaabká, máádhat hát dhúrle hol gielallá hí minle úba geelnet, tá min úba hí bélle kiikiat.

Eféso 6:5

Géde, hát hí Kirísto af ˈduuwasicháállá, gál kíchia lesallo-, híllé-, hí he gaa mumuroká, hát ˈduwantiká af ˈduuwasía, kiikiadhíe.

Tímote Erká 5:13

Héétí ˈdeg hatallóóllá túóy kinaal hilleka, húgúm gálle he ma urinyká hai oonooto, ˈjienno hol ˈgas ki higilla. Gaal hé hééllá tákámle ma ekemeny, gaal gálaat úba hai heengʼeedhe, ˈdeemano ma lilenyká hursam hai higila, gaal hé onnônyka ma hogonká hai hogodho.

Tímote Erká 5:17

Karu Kiristo-, gál Kiristo hát ˈdabaanká met ki ˈgie-, tá súm gál ˈdeeny Waaˈgiet ˈdiiyiminyle ubaa he onisinyle hol ˈdú bieká, gaalí súm gielmít hol ˈdú naannuo, gaalí hújíchle símísle shiiguo.

Tímote Erká 6:1

Ameeny gál Kiristo gaalí géde hoteká, hí gállé hí léká hát lulle gál ˈdúwaká ká dhaaˈgasan, giri Waag meenyle ubaa he onisinyle gaalí ma eeshenyká.

Bétiro Erká 3:7

Beelem, ˈdaa giri ˈdegkícho đalimle hí ógká, ˈdég gálaam aargisía. Gaal íín ubaa itín shíícho Waaˈgiet luolmitiká ˈgarro hí hol aargiˈda. Aaléka, ˈdég gál ˈdúwaká ka dhaayyíe, giri Waag visankícho hé níínní hí ka momoyo mánká.