Róóma 13:13 - Fayam Midhab Yiesu Kiristoká He Hol Af Iđiny Kaanaká

¹³ Kí hé midhab-, gaalí bííy kulichká gaa ekemeyoká eekemeyo, ha ke hé ˈdeđew-, hát káána herginy kern mantiká, bersh famíti, herginy gálle hol ma shúúnanká, hé gaa nyakarichká, hol gáá mony mánti, héétí hol oosó, ubaa hinááf ˈgany ha ke ˈgíiny.

Róóma 13:13 ပူးပေါင်းရင်းမြစ်များ

Lúka 1:6

Gaal hullaalle gál ˈdúwa-, Waag kikiatká. Gaal hé Máá Guđo Waag hemuumuritle ubaa atimle tikiˈd úba ma hâny, gáál úba hé gaalí ˈdú ˈdeensetká mán.

Lúka 16:19

Aalé Yíésu geđi kieye, Mú tikiˈd héle kamúrut-, đafaraam búr koorbisoká ubaa đafaraam édh-, salsalo-, kírre hí guogiyyoká he fafadhdhe. Mu bar lulle balchá he gaa ije.

Lúka 21:34

Hol ˈdeeˈdemíe, haí gál he dhir eiy ki babaatká ubaa gál bersh hí fafaannoká chéen, hí hé lesalloká ˈgar kirísan, kúlích kinaal hátlé hí met muogká ali kí ˈdíiny.

He Ekeny Gál Alb Fimiká 2:15

Hé hát hí taawuyyáállá muuniny, biiy hátle burro, gálallá hé bersh níínní hí faanneká mán.

Korínto Erká 3:3

ˈdaa giri itín hátle hí húgúm lesalloká ki iđaká. Hinááf ubaa hol ki fálaam hurtkícho gaa iđóóllá, hé kinaallá hát hí húgúm lesalloká ki iđa-, hí kas gálaat el gaa igiˈdaká ma ká yaalîny?

Galátia 5:19

Balt goniet gaa nyakaridheká he ekenyle hé ki óg, hát káána herginy gálle hol ma shúúnanká, babát ˈgany, ubaa kern mánti,

Galátia 5:21

gajálti, bersh famíti, ubaa herginy kern mantiká, tá hé éíy taaka ˈdeđew-, hatalloká ekeny. Hát giri yú hí il gíl gaa helieká, yú hí geđi geeye, gál yaalmisanóóllá gaa seseenká hé Guch Waaˈgiet ma higiliny.

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Eféso 4:17

Aaléka, ˈdaa Máá kúnnaa Guđokáka, yú hí hééllá geeye, hí mé gaa kaa: Gál Waag ˈduuwle muog-, tawuny hí ˈdúúw mánnallá yaalmisanollé gaa seseen kinaallá haí geđi gaa íđiny.

Eféso 5:15

Tá aaléka, nog sedhíe, haí gál đéeská chéen, ˈdaalím ˈgáa.

Eféso 5:18

Bersh haí fafáminy, bersh hí faanneka, bersh gál hol ma momonyká haí hođicha. Kalat Hím Naasan Waaˈgiet hí koch cheet.

Eféso 5:8

Itín kíssóótí bííy gaa dhátká hí gaa iđe, káána ˈdaa giri hí Máá kúnnaa Guđoká hol lileteká it hí mú édhúmle argiyye. Édhúm kinaallá gaa yíéđía.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Filíbi 2:3

He lullé hí ekemeychoká, haí tákámkícho he hol ki fédiny, ubaa hí hol gaa memêny. Tá hol ˈdúúw ría, gál eiy hát hí ˈdú ˈdúwaká ka dhaayyíe.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Dhesaloníke Erká 2:12

Hé ke hí chuchure, ke hí gogofsie, ke hí af tatie, giri hí innum Waaˈgiet hát ˈduwantiká gaa iđoká. Waag íínííllá hé hí guchle ubaa ˈduuwle kí viiyye.

Dhesaloníke Erká 4:12

giri itín hí gál gál Kiristo muuninyká innumleka hí hát ˈdabaanká gaa seseen-, hé hí ma ki ˈgeerˈgernenyká.

Dhesaloníke Erká 5:17

Waag viivitíe.

Yákob 4:5

ˈDéé hót ˈdaa kúnnoka Warˈgat Waaˈgiet gaa iđoká kieye, Sidham muun gáál gaa ijóóllá hé tág gajált ˈguo, chieká, hálééllo hatal chie?

Yuána Erká 2:6

Máá kieye, Yáá mú gaa ijo, yegetká, húgúm Yíésu hí ki ijeká, úba hí ki yíéđuo.

Yuána ki Naamaká 1:4

Yáá tág geer ye gaa meedhe, giri um kua yú argeká ˈdeeny ˈdúwáállá ki ijoká. Hééllá he hát ˈJaa kúnnaa Waag hí muun gáál kí mureká.

Yúúa 1:23

Gáál ˈjiet biiyoká af gáá saasaráa. Gáál ˈbaal hí geer guurá aargisichoká hol ˈgas met ˈdeeˈdemíe, gáál ađaabanolle hát sharim muˈgay-, ki ˈdug ma ˈdú chichiranká ka nebedhíe.