Róóma 13:11 - Fayam Midhab Yiesu Kiristoká He Hol Af Iđiny Kaanaká

¹¹ Aaléka, ˈdaa giri báral hát ka beeyyeká hí ógká, ram gaa kée, in banáa. Bár ke Kirísto iiy yieká fag, kúlích muí gáá ˈjeˈjeen-, muí muun gáál gaa ririanká ˈjob.

Róóma 13:11 ပူးပေါင်းရင်းမြစ်များ

Matááyo 16:3

Bur biiy fuate-, waag he búr chie-, nyáˈdow ilishká hí argiyyeka, itín hí kieye, Biiy kúlíchallá ir haí gaa tuuna, hí cheedhe. Itín yaalmit biiy ˈdugoká in hélle hí kiimisata háluke, tá háteeye bííy barallóóllá hé hí yé gáá ˈdeˈdeenká hélle hí ma kiimisan?

Lúka 21:28

Hééllá er alb kí ˈdeeˈdemeka, le gaa kée, úr ki fuˈjée, rúbáchkícho hé ká ˈjobondhe, Yíésu hí gáál yie.

Korínto Erká 10:11

Yaalmisanóóllá lulle gáál il hí argiyyééllá, he il gíl gaa helitkúnno. Hééllá gaalí Warˈgat Waaˈgiet gaa veere, giri bár ki gaa ijóól-, les el mé ˈginlé muun gáál kí hillééllá gáál oonisichoká.

Korínto Erká 15:34

Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Eféso 5:14

ˈdaa giri edhum íín he lulle ka eedhesuoká. Yaalmitééllá ˈdugaka in gálaat kieye, Kó rafanannóóllo, in eiy ˈdéesh, kúfach yé gáá ˈdé, Kirísto édhúmle hí ko gaa veero, gaalí yegedhe.

Yákob 5:8

Máá Guđoká ˈjímle hé ká ˈjobondhe. Itín úba hol táa, iiy yeenkícho tág chiˈdíe.

Bétiro Erká 4:7

He lulle el mé ˈginle hé ká ˈjobondhe. Aaléka, tagano ˈdée, kas hí Waag ki vivisatoká ˈgáa.

Bétiro ki Naamaká 3:11

Aaléka, ˈdaa giri Waag hí he lulle hatal ki beđisatkáka, itín kor it gál hát máre ˈgie? Itín onnônyka hát saas manti-, yaalmitle Waag geer gaa memesichoká hí ká yíéđianna,

Bétiro ki Naamaká 3:9

Waag héllé gáál af iđicheká gáál ˈbaal tala ki manítaka, íín he af iđinylé kinaallá hé tala ma gaa mannany. Waag ˈdaa kíchoka hé geer gaa guđo, gálaat lulle hí makan fafaanká he feˈde, hé máádhat hol eiy gaa ˈgiˈgisatká ma fediny.

Yuána Erká 2:18

It đalbááyáállo, les el met ˈdaˈdle hé ká ˈjobonte. It máá Kirísto ka kidhichká hát ka ˈjeˈjeenká maalle. Tá káána ke gaa ijóóllá gál burnay-, Kirísto ka kídhká hé úba biiy ká hile. Hééllá ˈdaalleka in les el met ˈdaˈdle hát he ka ˈjobonteká ke og.

Kí Edhesiny 1:3

ˈDeeny Waag hí mú ka shiiche-, muí veerééllá máá hí gálaat ki tooyoká ubaa gál hí nee kokuo-, tá hí ki yaalká, ebá Waag hí ˈdú ˈjiiy! Hééllá bárlé yé gáá ˈdeˈdeenká hé ˈjób.

Kí Edhesiny 22:10

Mu geđi ye geey, kieye, ˈDeeny Waag hí ko ká shigiche-, kuuní warˈgatééllá gaa veeˈdééllá ha káan, ˈdéé bárle hé ká ˈjobonte.

Kí Edhesiny 22:12

Yíésu kieye, Bá dhaayyíe, yú ˈjobintééllá ha gáá ˈjeeme. Gálaat héllé eekemeyká eiyyo yú hol gaa nannaa. Gál hé midhabká eekemeyká hé shiicho ha yú shigia, gál hé ˈdeđewká eekemeyká íín he illo yú ká aargisia.

Kí Edhesiny 22:20

Máá ye kí edhesinyééllá kí edhesieká kieye, Iiy-hí, yú ˈjobintééllá ha gáá ˈjeeme, yie. Iiy-hí, he hí hat kinaallá yeet! Kó guđo Yíésu lééllo, ka yímet!