Róóma 12:8 - Fayam Midhab Yiesu Kiristoká He Hol Af Iđiny Kaanaká

⁸ Mu har héllé shiichoká gálaat guofsiny kátaka, hí gálaat ˈdaa Waaˈgiet ki guogofsuo, har héllé shiichoká gálaat kuol gaa chiran kátaka, hí geer gaa midhánt gálaat he ki shiiguo. Mu har héllé shiichoká gálaat hujichaamle mé ki yaalít kátaka, hí aadh lulle tág yaal, har héllé shiichoká gálaat geer guurá argisiny kátaka, hí hodhin midhabká gálaat ki aargisuo.

Róóma 12:8 ပူးပေါင်းရင်းမြစ်များ

Matááyo 25:40

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chiallá af giri hí ˈdú ˈjeˈjeenneká, yaa hí ye ˈdú ˈjeˈjeenne, har úba káána gáál máállé biiy el ˈdaˈdká hí ˈdú ˈjeˈjeenneka, ha muí gáál yeedhe.

He Ekeny Gál Alb Fimiká 11:23

Aalé Barnábas ali ki ˈjie-, Waag gielmitle argeká geer hí gaa meedhe, mu gáál lulle guofsie, giri gaal kasle Máá Guđoká gaa iđimuo-, mú el af ma gaa taaminyká.

He Ekeny Gál Alb Fimiká 13:12

Aalé máá giri kansichká héél argeká ˈdéé iiy yie, ˈdaa giri mu he onisiny Máá Guđoká af ˈdabeká.

He Ekeny Gál Alb Fimiká 13:15

Aalé hemuumurit Waag hí Móshe ka shiicheká ubaa gál Waag hí ˈdeem ka shigicheká ˈdeemle túóy hí đuyyeká, ˈbíl ˈdiiyiminyká gállé guguđo-, hí mé ki ˈgieká máádhat mú Báulo ali ˈdú kaay, kieye, Nyaaram kínyia Yuuˈdííllo, har ˈdeeny hí gálallá af ki tatiyyoká hí ˈgayyaka, ka kée, gáál af táa, yie.

He Ekeny Gál Alb Fimiká 15:32

Yúúˈdas ubaa Sílas giri dhúrle Waag hí ˈdéé ka shigicheká gál nyaaramká ˈdeem burnayká af ki tie, gáál guofsie.

He Ekeny Gál Alb Fimiká 20:2

Mu lés kinaal lúl gaa sedhe, mu gál nyaaram alb kinaalloká ˈdeeny burnay hí gogofsuoká onisie, đo lés Hellen mé nie.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

He Ekeny Gál Alb Fimiká 4:36

Yúósef giri máá Levi, tá máá lés Kuburos, giri gál alb fimiká hí meeny Barnábas léká shieká léslé he lilayká úba bíre hidhdhe, bíre kinaal gál alb fimiká met ká sidhe. (Barnábas hélle kieye, Máá gáál gogofsuoká.)

Róóma 12:13

Gál Kiristo he hí ki ˈgierˈgernítaka he shiigía, héétí gáláát hí kí faanká mé guđáan yiegedhíe.

Róóma 13:6

Hééllá ˈdaalle ˈdugaka, gibíre mangis ki guugusáa. Mangis gállé hí hujich ki nannuo-, gibíre gugusatallá úba he gede Waaˈgiet.

Korínto Erká 12:28

Tá gál gón Kiristóóllá hé Waag hí hujichaam eiy eiy met ki kuokoyye. Gál erkobká he gál alb fimiká, gál ki naamaká he gál Waag hí ˈdeem ka shigichoká, gál ki seđeká he gál gálaat ˈdeeny Waaˈgiet oonisuoká. Héétí gál hé ki af ˈdaˈdaboká ekemeyoká, ubaa gál gál fursam ˈguoká bibisuoká shíícholle ˈguoká, tá gál gálaat ˈdú ˈjeˈjeenká, ubaa gál gálaat hujichaamle met ki ˈgieká, héétí gál afano éíy taaka hogodhoká.

Korínto Erká 14:3

Tá gál Waag hí ˈdeem ká shigicho-, ˈdiyeenká íín gálaato geđia, ˈdeemle gálaato ˈdiˈdisa, gogofsia, úba aabunsia.

Korínto ki Naamaká 1:12

Nyiin hé midhab-, nyí ekemeyche-, nyí ki ˈgađasannoká nyáá nyí ˈgayya. Hé kinaallá he húgúm ˈdúwa-, leđuđugulle-, Waaˈgiet nyí lésallá ki iđa-, ke hí hurt ki ijóóllá. Nyiin nyáá nyí ˈdaalim gálaat lesalloká el ma gaa igiriny, nyíín geer guura Waaˈgieto nyí ki iđa, nyí af tatiyya.

Korínto ki Naamaká 11:3

Hé yú kikiatká, he hát káána héle char hí Háwa điđám ki ˈdie-, mú nyimiteká in itín úba kas kíchia ˈdaa Kiristoka ˈdúwa-, taglééllá gál hođomlééllá hí baađisuoká yú ma fediny.

Korínto ki Naamaká 8:12

Hé mákárta-, máádhat hí geer gaa midhánt kí shiguoká, hé kinaallá innum Waaˈgietka taglé. Máádhat he manítaka, hé hé níínní ka shiguoká mán. Tá máádhat har he ˈguo-, he geer gaa midhánt kí shiguoka, hé kinaallá innum Waaˈgietka taglé.

Korínto ki Naamaká 9:11

Waag hát lulle haí ˈdú ˈjeenne, giri itín úba hí hát lulle gálaat ˈdú ˈjeˈjeennoká. Hé shiicho kíchia hí nyí ka shigicho-, nyí gáál ˈdú sisitóóllá gáál Waag gielmít hol ˈdú niiny mé hai ki kokoo.

Korínto ki Naamaká 9:13

ˈDúˈjím kíchiallá ˈdaalle ˈdugaka gaal Waag ˈdúúw hai shigia. Ger gaa midhant kíchia hí gaal íín ubaa gálaat lulle aargisichóóllá, hát itín hí Fayam Midhab Kiristóóllá hí iiy chie-, hí met gaa kekeennóóllá gáál úba hai aargisia.

Korínto ki Naamaká 9:7

Aaléka, hol ˈdéé mé gaa eedhdhíe, hé shiichóóllá shíícholle ˈdaˈdab mákárta-, hí gáá shigichoká. Haí he hát ger gaa ˈdeentiká ubaa mé ki timiká he ka shigîny. Waag máá he hát geer gaa midhantiká he ka shiguoká he giel.

Eféso 6:5

Géde, hát hí Kirísto af ˈduuwasicháállá, gál kíchia lesallo-, híllé-, hí he gaa mumuroká, hát ˈduwantiká af ˈduuwasía, kiikiadhíe.

Kolosááya 3:22

Géde, gál hí léká hát lulle met gaa keekeemíe, haí gál gállé guguđoká af giri he alb ijoká tákámle hujich hát ˈdabaanká nannuo-, gáál ger gaa memeyoká onnôny. Hújích kíchia hí nanniyyaká hát ˈduwanti-, itle hí Waag kikiatoká ka naannáa.

Dhesaloníke Erká 2:3

Churiny ke hí chureká, hé ˈdaa nyimisan ubaa hé tagle muuninyká muuniny. Héétí úba hé ˈdaa điđamo muuniny.

Dhesaloníke Erká 2:8

ˈDaa giri ke hí gielká, in ke hí Fayam Midhab Waaˈgietallá tákámle ma ki ˈdiyíminy, ke hí úba hol ˈdú sillie. Hééllá he ˈdaa giri itín hí gál nyí súm gielká chieká.

Tímote Erká 4:13

ˈDaab yú ma ka yímenká, gáál Warˈgat Waaˈgiet met gaa tuonyle, ubaa gáál guofsiny, tá he onisinyle hol ˈdú sílish.

Tímote Erká 5:17

Karu Kiristo-, gál Kiristo hát ˈdabaanká met ki ˈgie-, tá súm gál ˈdeeny Waaˈgiet ˈdiiyiminyle ubaa he onisinyle hol ˈdú bieká, gaalí súm gielmít hol ˈdú naannuo, gaalí hújíchle símísle shiiguo.

Tímote Erká 6:18

Gáál géesh, gaal hí hé midhabká eekemeyo. Hé midhab gaalí eekemeyóóllá hí hé burnayká yeet. Gaal hí ger gaa ˈdabanaw, gálaat héllé hí ki ˈgierˈgereká úba ˈdú chiichirat.

Héberew 10:25

Hát káána gáál ˈbaal hí ekemeyóóllá ha ke hol ˈdú síé hâny, kí hol ˈdú seeseen-, kí hol guogofsuo. Biiy el ˈdaˈd hát ka ˈjobonte-, ke kimitééllá kí hol súm guogofsuo.

Héberew 13:17

Gál hí met ki ˈgíéllá he gál sidhamkícho ˈdaalle ˈdugaka hí ˈdeˈdeen-, aadh ˈdaatika hújích lééllá ˈdeenyle Waag met gaa hogodhoká. Gáál met gaa keekemíe, gáál atimle el gaa veerée, giri gaal hújích lééllá nannuo-, gaal ma giinany-, gáál ger hí gaa memeetká. Har itín hí gáál ger gaa ˈdeeneycheka, hé kinaallá hé hí ma ki midhanany.

Héberew 13:22

Nyaaramchú, ˈdéé hót chia gáá gaaw-, yú hí ˈdu gáá veere-, yú hí ki gogofsúóllá ger midhabká ki eedhdhíe.

Héberew 13:24

Gál kíchia hí met ki ˈgíéllá ubaa gál Waaˈgiet al kinaalloká lulle ye naa kí yeedhíe. Gál Talyanallá hé hí naa ká yie.

Héberew 13:7

Gál hí met ki ˈgie-, hí ˈdeeny Waaˈgiet oonisúóllá táb ˈduoˈdodhíe. Gaal húgúmlé he ki ijoká héllé midhab hí yé gáá ˈdeˈdeená mé ka gáa. Gaal iiy yeenlé Waag ka ˈguoká úba ennée.