Róóma 12:3 - Fayam Midhab Yiesu Kiristoká He Hol Af Iđiny Kaanaká

³ Hújích ˈdaakíchoka Waag hí ye mé ki koyye-, yú nannúóllá ˈdaalleka, lulkícho yú hí geeye, ˈduuw hí ma lilenyká haí hékícho hóson, tá ˈdaa iiy yeenkícho ˈdaˈdab Waag hí eiy eiy shiichéélláka, máádhat hí hol hát ˈdabaanká eiy naasat.

Róóma 12:3 ပူးပေါင်းရင်းမြစ်များ

Lúka 18:11

Máá giri Farisaayká les gaa kie, Waag vite, kieye, Waag, yáá ko meey, yú yáá hát gálatíá lulle muuniny, gálle gálaat gaa buruan-, hé ˈdeđewká ekemeyo-, tá hol buruanallá. Yáá úba hát máá gibíre gugusatallá muuniny.

Yuána 3:34

Máá Waag hí ali gáá kaayyeká ˈdeeny Waaˈgieto ˈdiyime. Waag Hím Naasanle hé mú ˈdú ookodmiche.

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Róóma 11:20

Iiy-hí, hééllá taglé. Tá onnóo! Waag kolm alb gaa muˈdééllá he ˈdaa giri gaal Kirísto iiy ma yéenká. He ˈdaa giri itín hí Kirísto iiy ki chieká in Waag hí alb kinaallá gaa kuokoyye. Aalé haí hol memêny, Waag kiikiadhíe.

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Róóma 12:16

Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Korínto Erká 15:10

Tá Waag ˈdúˈjímle ˈdaalleka in yú hát ijóóllá yie. ˈDúˈjím Waag hí ye ká shiichééllá hé hé guđo-, midhabká ekenyle ye yé ˈdú ˈdeeyche, yáá gál alb fimíítí hujich súm ˈdú nie. Tá hújích yú níéllá hé ˈdaa fargogintchú yú ma ki níiny, he ˈdaa ˈdúˈjím Waag hí ye shiichééllá fargogintlé yú Waag hujich ki nie.

Korínto Erká 3:10

ˈDúˈjím Waag hí ye shiicheká in yú hujich ki nie. Hát máá gil óg-, é ˈdiˈdisokáka, yáá ál ˈdúwa-, gaalí ˈbíl ˈdiˈdisoká gáál argisie, gál kinaal hé ál kinaallá ˈbíl gaa ˈdiˈdiso. Tá gálaat hí hol ˈdeeˈdeen, hí ˈbíl hát ˈdabaanká ˈdiiˈdisso.

Korínto Erká 7:17

Aaléka, máádhat af giri Waag hí ka veveenneká, yaalmitlé he ki ije-, Waag hí ki muˈdeká hí ki yíéđuo. Hééllá he atim yú gál Kiristo lulle hursam gaa ˈdiyeenká.

Korínto ki Naamaká 10:13

Albano Waag hí nyí met ma ki kônyká nyáá nyí hol bal ma ki ˈdaraminy, he albano Waag hí nyí met ki koyyeká tákáma nyí hol bal ki ˈdaraanna. Albano kinaallá ˈbaal hí itíni.

Korínto ki Naamaká 12:13

Itín hurtkícho meete yú ma gaa eekemêny, he yú gál Kiristóótíá tákámle hurt gaa eekemey? Hé yú hurtkícho ma gaa ekênyká tikiˈd tákáma. Yáá hé mannayká ilshle hí ma ˈdú iđîny. Har hééllá yú ˈdeeneyka, ye ˈdú ˈjée!

Korínto ki Naamaká 12:7

Har káána úba yú hé súm ˈdúwa-, Waag hí ye edhesichééllá argeka, Waag hé yú máá súm ˈdúwaká hol ká dhaˈgasanká ma fediny, in hiit ye ki ˈgite. Hiitééllá he Sátan máállé ˈgasso-, ye maanyjasuoká.

Galátia 6:3

Máá taawuo-, kieye, yaa ˈdúwa, yeget-, kor máá káta-, mánká, hollo hol nyimite.

Eféso 3:2

Waag hát giri ye hújíchallá ká shiiche-, mú ˈdúˈjímle fayamle yú hí ki ˈdiyeenká, it buot maalle.

Eféso 3:4

ˈDeeny yú ka verenóóllá hí tuoycheka, Waag ˈdeenylé geer geđi-, Kiristóóllá hát yú ógká haí kiimisata.

Eféso 4:16

Hát káána gon kuuˈdamle hol af gaa ˈgíéllá, Kirísto gálle úba hát kinaallá he hoy. Gál gón Kiristo hol gielmít ká ˈguo-, hujichaamlé Kirísto hí met ki kuokoyká nannuoka, in gón Kiristo higirayya, fargoogoyyo.

Filíbi 2:13

Waag ííni hí gerkícho hujich gaa nanniyya, he urít ubaa fargogint hé mú geer gaa memeyoká hí ki nanniyyoká ha muí shigia.

Kolosááya 1:29

Hééllá ˈdugaka in yú lađama, fargogint Kiristo ye gaa iđo-, ye hujich ki nannasatallá yú hujich ki nannaa.

Kolosááya 2:13

Itín hátlé hí ađaabanokícho ˈgayye-, Kirísto hí ađaabano kíchia kinaal ma gaa ˈgidhíiny-, hí gál kufachiet onnoyyeká, in Waag hí Kirísto hol ˈgar loolnoyche. Mu ađaabanokúnno ubaa nyuogimkúnno lulle gáál gaa eey.

Tímote Erká 1:14

Tá Máá kúnnaa Guđo Waag hé ye ˈdúˈjímle hát ˈdabaanká ˈdú ookoˈdmie, ˈdaa Yiesu Kiristoka ye iiy yeen ubaa gielmít ká shie.

Tímote Erká 2:15

Min hí umle hát ˈdabaanká ki taal. ˈDég har iiy yeenlé Kirísto ka ˈgayyoká ki ˈgiiyyo-, héétí gielmít ubaa iđiny Waag geer gaa memesichoká, tá siríg ˈgayyoka, rubach hai aargiˈda.

Tímote Erká 2:9

Héétí gál ˈdiet yaalmit siríg ˈgayyoká hol ki ootoloká yú fede, gáál huraam faan ubaa đafaraam faanle, hí hé taglé-, midhabká onnoyyo. Gaal hai súm metle buukâny, hai huraam ubaa đafaraam him hí súm iigilishká fafáan.

Títo 2:12

ˈDúˈjím Waaˈgietallá hé gáál oonisichoká he húgúm Waag hí nébká ubaa balt lesalloká ke hol ka ririat-, ki kás kakaat-, ˈgíérích ˈdúwa-, Waag hí feˈdoká ki báral ke ki ijoká.

Títo 2:2

Karu yaabká af táátaʼ, giri gaal hol momoyo-, kás ˈguo-, hol tatuoká, héétí iiy yeenlé Kirísto iiy yíéllá tág chiirat-, gielmít gálaat ká ˈguo-, he lulle ˈdú fafaatká.

Títo 2:4

Gaal hí ˈdeg rúóreká af taatuo, giri ˈdég beelemle ubaa umle geelnet-,

Títo 2:6

Gál yááb rúóreká úba af táátaʼ, gaalí kás kaat.

Yákob 4:6

Tá Waag hé tág súm muun gáál ˈdú ˈjeˈjeen. Héél ˈdugaka in Warˈgat Waaˈgiet kieye, Waag hé gál hol memeyoká điđidhan, tá gál hol ˈdúúw ririanká ˈdú ˈjeˈjeen, chie.

Bétiro Erká 1:13

Aaléka, hol táa, kaskícho tág kodhdhíe. Af giri Yiesu Kirísto ká ˈjeenká mu ˈdúˈjím Waaˈgiet haí ˈdu gáá siidha. ˈDúˈjím hí met egetééllá, hát ˈdabaanká mé ka ˈgáa.

Bétiro Erká 4:11

Har máádhat héllé shiichoká ˈdeeny Waaˈgiet ˈdiiyiminy kátaka, hí ˈdéé hát ˈdabaan-, lođuđugulleká ˈdiiyeen. Mu har héllé shiichoká gálaat hát lulle kuol gaa chiran kátaka, hí fargogint Waag hí shigichoká hujich ki naannuo, giri he lulle ˈdaa Yiesu Kiristoka, Waag hí ˈdúúw gaa aargiˈdoká. ˈDuuw ubaa fargogínt taalle bííyyó biiyo hí Waag hélle yeet. Iiy-hí, he hí hát kinaallá yeet.

Bétiro Erká 4:7

He lulle el mé ˈginle hé ká ˈjobondhe. Aaléka, tagano ˈdée, kas hí Waag ki vivisatoká ˈgáa.

Bétiro Erká 5:5

Tá it rúórééllo, itín úba karukícho met gaa keekemíe. ˈDaa giri Waag gál hol gál ˈdúwaká ka dhaˈgasanká điđidhan-, tá gál hol ˈdúúw ririanká ˈdú ˈjeˈjeenallá, itín lulkícho, haí hol ˈdúúw ˈdeˈdéminy.

Bétiro Erká 5:8

Hol táa, tág ˈdée, kídhích kíchia Sátanléká hát luochka, hol gaa seseme, yayarma, hagata, máá kokuoká hol gaa ˈgeˈgedhe.

Yuána ki Seđeká 1:9

Yáá ˈdéé hót mé tikiˈd gál kíchia nyaaram-, al kinaallóóllá ˈdu gáá veere, tá máá kíchia ˈDioteréfes hí he gil ki mumuroká fedo kinaallá hé nyí af ká điidhe.