21 Aaléka, hé ˈdeđewká haí ka ádhan, tá hé ˈdeđew kinaal hé midhabká eekemenyle kí adhdhíe.
Warˈgat Waaˈgiet úba kieye, Máá ko ka kidhichká geer hí gaa boloyka, golólish, báre hí chieska, bie shíish. Hééllá ekeycheka, he hát kó mú ˈduno booˈdoyká mé ˈdú fiiyye, chieká.
Máádhat hí les kansimanolle hemuumuritle el gaa iigiro, ˈdaa giri kansimano lesietallá máá éíy taaka hí gáál shieká mán-, Waag hí gáál shiicheká. Gál les met ki ˈgíéllá Waago hí hujichaam kinaallá met ki koyye.
Haí hé ˈdeewká héllé ˈdeewká akaˈd madîny, muuninyka, chaarim haí chaarimle akaˈd madîny. Hé ˈdeewká Waag ki vím akaˈd madía. Hééllá ˈdugaka in Waag hí ká viiyye, giri hí ˈdú ˈguunnuminy Waaˈgiet aargiˈdaká.