Róóma 12:2 - Fayam Midhab Yiesu Kiristoká He Hol Af Iđiny Kaanaká

² Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Róóma 12:2 ပူးပေါင်းရင်းမြစ်များ

Matááyo 13:22

Ár ál híí ˈgayyoká les gaa ˈdaneká hélle he hát máá ˈdeeny Waaˈgiet maaleka, ˈdéé iiy yeet-, kor hé lesalloká ˈgar kirmisat-, kamur lesalloká hí lalaat-, hát Waag hí feˈdoká el ma gaa igirinyká.

Márko 4:19

kor gáál tawuny lesalloká haí ká hille, gáál kamur lesalloká haí laate, gaal hé burnayká he fede. Hát ˈguor híí ˈguo-, hirís bolosíélláka, hééllá lulle gálaat ger hileka, in gaal ˈdéé nee ma kokony, hát Waag hí feˈdoká el ma gaa igiriny.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 15:19

Itín hí lésallá gálle kátaka, les hát hí léká gálle onnônyka hé hí giel. Itín ˈdaa giri hí gál lesalloká muuniny-, yú hí waaˈde-, hí lésallá gíl sug ki haycheká in les gálle hí neb.

Yuána 17:14

Yáá gáál fayamkú shie. Tá ˈdaa giri gaal íín hát yúka, gál lesallo-, muuninyká, gáál hé les gálle hí nebedhe.

Yuána 7:7

Lésallá gálle íín hé hát hí neebenetká mán, máá he nébká he yú, ˈdaa giri gaal héllé ekemeyoká hát he gaa nyakarichká ˈduuwle yú hogodhoká.

Róóma 12:1

Aaléka, nyaaramchú, gillo yú hí ki efe, ˈdaa giri Waag hí geer guurá argisichééllá, gónkícho hol suor luol-, hé Waag hí feˈdoká ekemeycho-, Waag geer gaa memeychoká Waag ki hoyyíe. ˈGíérích ˈdúwa-, hí Waag ki ˈduuwaychoká hééllá.

Róóma 13:14

Héél afleka, kí Máá Guđo Yiesu Kirísto húgúmle ˈguo, ha ke balt gaa nyakaridhe-, gonnietká tawunyle ˈgíiny.

Róóma 7:12

Hemuumurit Waag hí gál Yuuˈdi ka shiichééllá íín hé ˈdúwa-, saas mán-, tagléká.

Róóma 7:14

Hemuumuritééllá hát Waag yé gáá ˈdiiyyeká hé ki óg. Tá kálmaréélka yú yaalmit chia héle kissoká hátle ki íđinyka, af kinaalka yaalmitchú hééllá: yú he ađááb gédéchlé.

Róóma 7:22

Hemuumurit Waaˈgiet kaschúka yáá tág giel,

Korínto Erká 3:19

ˈDaalim lesalloká innum Waaˈgietka hé đeeymo. Hé kinaallá he hát Warˈgat Waaˈgiet hí hote-, kieye, Waag hé gál ˈdaalle léká điđamle ˈdú ˈgiiliˈgayyo, chieká.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Eféso 1:18

Hé úba yú Waag rogononká, he giri Waag hí in eiy ˈdeđicho-, hé ˈdabaan biiy met gaa ijo-, Waag hí kí viiyyeká hát hí aargiˈdaká hí kiimisata-, Waag kamurlé ˈdúúw ˈgayyo-, gál Kirísto iiy yieká hílléká hí oonootoká.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Eféso 5:17

Aaléka, haí đées chéen, Máá kúnnaa Guđoká hé hí gaa fedo-, hí ekemeychoká hol gaa ˈgeeˈgedhée, eekemeyyíe.

Kolosááya 1:9

ˈDaa kinaallá ˈdugaka in a meeny giri nyí fayamkícho maalleká, Waag ke hí kí vivisatká nyí ali ma kôny. Waag ke hí kí rogononallá he giri Waag hí ˈdaalím ubaa kas hí he eiy ki nannasatoká hí ˈdaa Hím Naasanle kí shigicho-, hát feˈdoká hí hát ˈdabaanká kiimisatoká.

Kolosááya 3:10

hí húgúm kaanaká kaateká. Húgúm kíchia kaana Waag hí ka kuonnééllá, Waag kas midhab kasle hol ki égká hí ká shigicha.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Dhesaloníke Erká 4:3

Hé Waag hí feˈdoká he giri itín gál ˈdúwa-, Waaˈgietká hí chegeto-, hí herginy gálle hol ma shúúnanká hol ká ririato-,

Títo 3:5

Rúbáchallá hé hé kúnnaa midhab-, ki eekemeyká ke ˈdaalle ma ki árginy. Rúbáchallá mú geer guurallé ke ki arge, in mú Hím Naasanle gáál ˈdalmaat kaanaká shiiche, gáál dhiiˈde, ke luolmit kaanaká arge.

Yákob 1:27

ˈGíérích ˈdúwa-, Waaˈgiet-, saas mán-, ˈJaa kúnnaa Waag hí fedoká hééllá: um híyeská ubaa ˈdeg híyeská héllé hí ki ˈgierˈgereká ke ˈdú chichirat-, ubaa yaalmit lesallo-, gaa nyakaridheká ke hol gáá faaganayoká.

Yákob 4:4

It Waag af gaa taannéel, hé lesalloká geelnetle hát Waag nebítiká it múog? Máá hé lesalloká geelnetká kídhích Waaˈgieto hol hoy.

Bétiro Erká 1:14

Aaléka, ˈdaa giri hí um Waag af ˈduwasuoká chieká, balt af giri hí Waag moonnoyyeká hí ˈgayyeká haí geđi hol ˈdú náan.

Bétiro Erká 1:18

Hé Waag hí ˈdú gute-, giri iđiny ˈdúúw mán-, eshim eshimkícho hí af kí hayallá hí gáá eete-, hí gálle hosoteká it óg. Hé muí ˈdú gusseká hé bíre ubaa hórkí bár ˈdaatika el met hí ˈgiˈgidhóóllá muuniny.

Bétiro Erká 2:3

Hééllá he ˈdaa giri Waag hát midhabká hí kimisateká.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.

Bétiro ki Naamaká 1:4

Mú ˈduuwle ubaa midhantlé kinaal ˈdaalleka, mu hé he af iđinylé ˈdúwa-, kamuryoká hélle muun gáál ká shie. Hé muí gáál ka shíéllá ˈdaalleka, it hí he fedit lesallo-, gáál ˈdeđeneychóóllá yíé gáá ˈdiiyye, Waag hé gerkícho gaa iđo.

Bétiro ki Naamaká 2:20

Gál Máá kúnnaa Guđo-, Rubachiet-, Yiesu Kirísto iiy yeenle ubaa eiy naasanle hí riiyye-, les héllé gaa nyakarichká kar gáá ˈdaneká, har geđi héllé ˈdeđew kinaal hol ˈdú nadhe-, hí ˈgaaˈgadhdheka, gáál yaalmitlé kaanallóóllá hé gáál yaalmitlé kissoká súm ˈdú ˈdeew.

Yuána Erká 3:13

Nyaaramchú, har les gálle hí nebedheka, haí hé kinaallá af ˈdábiny.

Yuána Erká 5:19

Muun hát ke um Waaˈgietká hé ke óg, kor lésallá lulle íín Sátano he gíl geer gaa iđa.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.