Róóma 12:18 - Fayam Midhab Yiesu Kiristoká He Hol Af Iđiny Kaanaká

¹⁸ Gálaat lúl hát hí uˈdoká hol naanná ki yíéđía.

Róóma 12:18 ပူးပေါင်းရင်းမြစ်များ

Matááyo 5:24

hé kua shiicho kinaallá kúb kinaal álle ki hash, sí, nyárkú makan ˈjé, tá hol nú, hé kua shiichoká Waag shíish.

Matááyo 5:5

Gál hol ma egenyká hé Waag hí ˈdú ˈjeˈjeenno, aadh ˈdaatika lésallá lulle hai liileedhe.

Matááyo 5:9

Gál naanná gálaat hursam gaa sisidhoká hé Waag hí ˈdú ˈjeˈjeenno, gáál um Waaˈgieto gaalí yegedhe.

Márko 9:50

Shúgút hé midhab. Tá shúgút gaalí hé éíy taaka hol warase-, ˈjám ˈdabiyyeka háteeye midhab? Shúgút ˈdúwaká yiedhíe, hol naanná ki yíéđía.

Róóma 1:15

ˈDaa kinaallá ˈdugaka in yú súm gúóf ˈgaa, giri it Róóma gaa iđáállá úba yú hí Fayam Midhab Kiristóóllá ki ˈdiyeenká.

Róóma 14:17

Guch Waaˈgiet héllé ˈdúwaká hé he kóony ubaa he ím muuniny, Guch Waaˈgiet he hát Waag hí feˈdoká ekenylé, héétí naanná ubaa geer gaa meen ke hol ki ijoká. Hééllá lulle Hím Naasan Waaˈgieto ˈdaalle yé gáá ˈdeˈdeme.

Róóma 14:19

Aaléka, hé naanná yé ká ˈdeđuoká ubaa hé ke hol ki gogofsuoká kí ˈdú laađaan.

Korínto Erká 7:15

Tá máá Kirísto iiy ma yéenká har máá Kirísto iiy yieká điđidhanká fedoka, máá Kirísto iiy yieká hí mú mé furo, muí siet. Yaalmitéélláka, máá Kirísto iiy yieká, máá yab yíekaʼ, min yíekaʼ, hé mé furít ˈguo, giri máá Kirísto iiy ma yéenká hí haađuoká. Hééllá he ˈdaa giri Waag muun gáál naanná kí viiyyeká.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Eféso 4:3

ˈDaa giri Hím Naasan Waaˈgiet lulkícho hí gaa iđoká, hát ˈdabaanká laađamíe, hol af maaláa, naanná hí yaalmit kíchia hí hol ki iđaká tikiˈd hoycho.

Dhesaloníke Erká 5:13

Hújích gaal hí ki nannuo kinaal ˈdaalle ˈdugaka gáál gál ˈdúwaká ka dhaayyíe, gáál geelnedhíe. Lulkícho hol naanná ki yíéđía.

Tímote ki Naamaká 2:22

Aaléka, balt gál rúóreká hí ˈguoká hash, hé Waag geer gaa memesuoká, ubaa iiy yeen, tá gielmíti, héétí naanná bala ˈdú naʼ, ˈdú laađámo. Kuun ubaa gál Máá kúnnaa Guđoká hodhinaam saas mánká ki vivisatká hol ˈgar laađamíe.

Héberew 12:14

Itín gálaat lulle hol naanná ki yíéđinyle ˈdú laađamíe. Héétí iđiny ˈdúwa-, Waag hí ki feˈdeká ˈdú laađamíe. Har máádhat iđiny ˈdúwa-, Waaˈgiet kinaal manítaka, hé Máá Guđo Waag ma aargiriny.

Bétiro Erká 3:11

Muí hé ˈdeđewká gíl sug ki hayo, hí hé midhabká eekemeyo, hí naanná hol gaa ˈgieˈgedho, hí ˈgar aayaˈgo.