Róóma 12:17 - Fayam Midhab Yiesu Kiristoká He Hol Af Iđiny Kaanaká

¹⁷ Haí hé ˈdeewká héllé ˈdeewká akaˈd madîny. Hol ˈdeeˈdemíe, húgúmkícho hí húgúm innum gálaat gaa midhabká onnow.

Róóma 12:17 ပူးပေါင်းရင်းမြစ်များ

Matááyo 5:24

hé kua shiicho kinaallá kúb kinaal álle ki hash, sí, nyárkú makan ˈjé, tá hol nú, hé kua shiichoká Waag shíish.

Matááyo 5:39

Tá yú íín hí geeye, máádhat ko hé ˈdeewká ki ekeyka, ha hala káany. Máádhat he ko nét ˈdaa naaniet gaa ˈdoyka, nétatí úba ki kog.

Róóma 12:19

Sheelchú, haí hala kakáany, Waag idholle kar shiigía, hí hala ká naanniyyo, hát Warˈgat Waaˈgiet hí chie-, kieye, Hala kaany yaa hí le, hí ká nannaa, Máá Guđo Waag hí yie, warˈgát hí chieká.

Róóma 14:16

Aaléka, mé furit kíchia itle hí he lulle kokonyoká hí ki midhaballá, hé kinaallá hai hé gaalí ˈdú ˈdeđensetká onnôny.

Kolosááya 4:5

Gál Kirísto muogká húgúm midhab-, ˈdaalimoká ki sedhíe. Hát kinaallá in gálaat aadh lulle húgúmkícho Kirísto gaa aargira.

Dhesaloníke Erká 4:12

giri itín hí gál gál Kiristo muuninyká innumleka hí hát ˈdabaanká gaa seseen-, hé hí ma ki ˈgeerˈgernenyká.

Dhesaloníke Erká 5:15

Máádhat hai hé ˈdeewká héllé ˈdeewká akaˈd madîny, tá aadh lulle hé midhabká hol ki eekemeyyíe, gálaat lulle hé midhabká úba ki eekemeyyíe.

Dhesaloníke Erká 5:22

he met lullé gaa nyakarichká hol ka ridhdhíe.

Tímote Erká 5:14

Aaléka, hát yú fedoká, ˈdeg híyes-, rúóreká hí shuunat, hí umle kuol kaayo, hí é gerle tág ki ˈgiiyyo, giri kídhích kúnnaa Sátanléká kar ma aargiriny-, muun gáál ma eeshenyká.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Bétiro Erká 3:16

Tá ˈdeenyééllá ere midhab-, sáaká ki hoogodhóo. Hé innum Waaˈgietka midhab-, hí ógká tákámle eekemeyyíe. Hát kinaallá in gál hé kíchia ˈdabaan-, ˈdaa Kiristoka hí ekemeychoká ˈdeentle hí ˈdú hogodhoká fichilitlé kinaal gálle dhúrle kern ˈgiidhicha.

Bétiro Erká 3:9

Haí hé ˈdeewká héllé ˈdeewká akaˈd madîny, muuninyka, chaarim haí chaarimle akaˈd madîny. Hé ˈdeewká Waag ki vím akaˈd madía. Hééllá ˈdugaka in Waag hí ká viiyye, giri hí ˈdú ˈguunnuminy Waaˈgiet aargiˈdaká.