Róóma 12:16 - Fayam Midhab Yiesu Kiristoká He Hol Af Iđiny Kaanaká

¹⁶ Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Róóma 12:16 ပူးပေါင်းရင်းမြစ်များ

Matááyo 11:5

Hát gál in maamanká in kaadhdhe-, gál ˈgas maamanká hol gaa seeseme-, gál nyókot ˈgieká fayandhe-, gál nee maamannayká he maale-, gál kufeká geđi loolnodhe-, tá gál he maamanká Fayam Midhabká hí ka hileká mú geeyyíe.

Matááyo 26:11

Itín gál he maamanká bar lullé hí hol af iđa, tá yú yáá bar lúl ke hol af ma iđiny.

Lúka 14:13

Gólol tág niiyyeka, gál he maamanká, gál ˈgas ˈdeđewká, gál alb hí gáá okoˈdeká, héétí gál in maamanká úba kíer.

Lúka 6:20

Yíésu lalille ki fuˈjie, kieye, It hí hát lulle mánnallá Waag hé hí ˈdú ˈjeˈjeenno, itín he gál Guch Waaˈgiet léká.

He Ekeny Gál Alb Fimiká 4:32

Gál Yíésu iiy yieká lulle ger ubaa kas hí tikiˈd yie. Hé máá níínní shókódíchle hol bal ki ˈdarameká mán, gaal shokodaamlé ˈgieká lulle hol ki liledhe.

Róóma 11:20

Iiy-hí, hééllá taglé. Tá onnóo! Waag kolm alb gaa muˈdééllá he ˈdaa giri gaal Kirísto iiy ma yéenká. He ˈdaa giri itín hí Kirísto iiy ki chieká in Waag hí alb kinaallá gaa kuokoyye. Aalé haí hol memêny, Waag kiikiadhíe.

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Róóma 12:3

Hújích ˈdaakíchoka Waag hí ye mé ki koyye-, yú nannúóllá ˈdaalleka, lulkícho yú hí geeye, ˈduuw hí ma lilenyká haí hékícho hóson, tá ˈdaa iiy yeenkícho ˈdaˈdab Waag hí eiy eiy shiichéélláka, máádhat hí hol hát ˈdabaanká eiy naasat.

Róóma 15:5

Aaléka, Waag múún gáál mé ki chirsan fargogintle ubaa gúóf shigichóóllá, hátlé taalle hí Yiesu Kirísto el gaa igiˈdóóllá hí kas tikiˈdeká shiigicho,

Róóma 6:2

Hé kinaal Waag hí điito! Múúni ki ađaabano gim yé gáá ˈdíéllá, háteeye geđi ki ađaabano hátle gim gaa ija?

Korínto Erká 1:10

Nyaaramchú, Máá kúnnaa Guđo Yiesu Kirísto meenyle ˈdaalleka, gillo yú hí ki efe, hol af iiy yiegedhíe, haí hol eiy gaa ˈgiˈgísan. Tikiˈd yiedhíe, kás hí tikiˈd cheet, hé me hí igiroká úba hí tikiˈd yeet.

Korínto Erká 3:18

Máádhat hai hol nyiimísan. Itín mú tikiˈd hol máá ˈdaalléká ká dhaayka, máá kinaallá innum gál lesallokáka hí máá đeechká yeet, giri mu ˈdaalim Waaˈgiet ˈdaa ki liiletká.

Korínto Erká 4:10

ˈDaa giri nyiin nyí Kirísto hújíchle nanniyyáállá, innum gálaatka nyiin nyí gál đéeská. Itín íín kerka hí gál Kiristo ˈdaallelléká! Nyíín kerka nyí gál đááliská, tá itín kerka hí gál farguogoká. Itín kerka gál gaalí memeyoká, tá nyíín he gál gaalí egesheyoká.

Korínto Erká 6:5

Yú hééllá hodhééllá itín gon it hawul hí eete. Itín úba it máá tikiˈde-, ˈdaallé-, hurtkícho gaa ijo-, gállé nyaaram-, hol ˈdeem af ma ki mamalinyká ˈdéé eiy ki nannuoká mân?

Korínto Erká 8:2

Máá hol bal ˈdaraan-, kerka ˈdaalím ˈguoká, máá kinaallá hátle hé ˈdaalím mán.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Filíbi 3:16

Tá hé súm ˈdúwaká hééllá: Hé ki onodhe-, ki álle nyuoreká kí húgúmkúnno hosot.

Filíbi 4:2

Yáá Ewúóˈdia ubaa Sintíke gil ki efe-, giri gaal ííni Máá Guđoká iiy yíéllá hol af maaloká.

Héberew 13:5

Haí gál kamúr ˈgar aayaˈgoká onnôny, hé hí ˈgayyoká hí gaa ˈduo. Waag kieye, Yáá gon hí ma haađiny, yáá hát níínní hí hayoká mán, he chie.

Bétiro Erká 3:8

Aaléka, lulkícho kas tikiˈde-, naannaká ki yíéđía. Ger kurshám ubaa gielmit gál hol nyaaramká hí hol ka ˈguoká ˈgáa. Héétí ger guurá ˈgany ubaa hol ˈdúúw rím ˈgáa.

Bétiro Erká 5:3

Gál Waag hí gil ká fiiyyééllá haí hemuumurít mé gim níiny, gáál yaalmit midhab-, gálle gaalí ka ennianká aargisía.

Yuána ki Seđeká 1:9

Yáá ˈdéé hót mé tikiˈd gál kíchia nyaaram-, al kinaallóóllá ˈdu gáá veere, tá máá kíchia ˈDioteréfes hí he gil ki mumuroká fedo kinaallá hé nyí af ká điidhe.