Róóma 12:13 - Fayam Midhab Yiesu Kiristoká He Hol Af Iđiny Kaanaká

¹³ Gál Kiristo he hí ki ˈgierˈgernítaka he shiigía, héétí gáláát hí kí faanká mé guđáan yiegedhíe.

Róóma 12:13 ပူးပေါင်းရင်းမြစ်များ

Matááyo 25:35

Itín af giri yú kuoˈd ˈgieká, it ye hé geere shiiche. Báre ye chieská, it ye bie shiiche. Yú máá dheeˈgo onnoy-, les moonnoyká it ye mé guđáan chie.

He Ekeny Gál Alb Fimiká 10:4

Aalé Kornélios hát binenenyká mú gaa dhaay, kieye, Máá Guđo, he meete? yie. Mu Kornélios ˈdéé hol ˈdú nie, kieye, Waag visankú ubaa hé kua gál he maamanká shigichoká hé Waag ká nyuore, tá Waag hé ko táb ˈdoˈdoot.

He Ekeny Gál Alb Fimiká 4:35

birm gál alb fimiká met ká sidhe. Aalé gál alb fimi kinaal birm gál he hí ki ˈgeeˈgerneyká eiy ki mumure.

Róóma 12:8

Mu har héllé shiichoká gálaat guofsiny kátaka, hí gálaat ˈdaa Waaˈgiet ki guogofsuo, har héllé shiichoká gálaat kuol gaa chiran kátaka, hí geer gaa midhánt gálaat he ki shiiguo. Mu har héllé shiichoká gálaat hujichaamle mé ki yaalít kátaka, hí aadh lulle tág yaal, har héllé shiichoká gálaat geer guurá argisiny kátaka, hí hodhin midhabká gálaat ki aargisuo.

Korínto Erká 16:15

Estéfanas ubaa ˈbíl geerle hát he gál er lés Akayaka Kirísto iiy yie-, hújích Waaˈgiet hol ˈdú sillie-, gál Kiristo ki nannúóllá it óg. Nyaaramchú, gillo yú hí ki efe,

Korínto ki Naamaká 9:1

Hé kíchia shiicho-, hí hol ˈdu gáá shugunna-, hí gál Kiristo Yerusalemká shigichóóllá ˈdeenyle hí muog-, yú hí ˈdu gáá verenoká mán.

Korínto ki Naamaká 9:12

Hé shiicho kíchia hí gáál shigichóóllá hé gál Kiristo héllé hí ki ˈgierˈgereká hé tákámle yé ma ˈdú ˈdeeminy, Waag gielmit guđoká hol ˈdú ním gáál yé hai gáá ˈdeđicha.

Galátia 6:10

Aaléka, har taalle ki hát ˈguoka, gálaat lulle kí hé midhabká ki eekemeyo, tá súm nyaaram kúnnaa Kiristoká kí ˈdú ˈjeeˈjeen.

Tímote Erká 3:2

Aaléka, máá gál Kiristo ˈdeˈdeenká hí máá ˈdeensen mán-, min hí tikiˈde-, hol tím ˈguo-, me hí bire-, siríg ˈguo-, dheeg mé guđáan yeget-, héétí hí máá hát ˈdaalimietká gálaat he oonisuoká onnow.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.

Títo 1:8

Mu hí máá gelmeshich-, hé ˈdabaanká gaa fedo-, kás ˈguo-, hugum hí midhab-, saas mán-, hol tatuoká onnow.

Títo 3:14

Gálkúnno hé midhab he ekemeyoká hí hol onisuo, hí húgúmle hosot, giri hát ˈguo-, gálaat héllé hí ki ˈgierˈgereká he gaa shiguoká.

Fílemon 1:7

Nyárchú, gielmit kua gál Kiristo ka ˈgayyóóllá hé tág ye geer gaa meen guđoká shiiche, ye guofsiche, ˈdaa giri kuun gál Kiristóóllá lulle ger gaa meemesicheká.

Héberew 13:16

Hé midhabká hí hol ki ekemeychoká ekenyle haí hâny. He ekeny hatallóóllá he hé shiicho-, ke Waag shiguo-, Waag geer gaa memesuoká.

Héberew 13:2

Dheeg hí mé guđáan chegetoká haí điđídhminy. Gál urru-, ˈgasso-, Waaˈgietká hé bárká hát dheegka ká yiimie-, gál hí mé guđáan yegieká, hát gaal he gál ˈgasso-, urru-, Waaˈgietallá hé moonnoy.

Héberew 6:10

Ta Waag hé máá hé ˈdúwaká ma ekemenyká muuniny. Hújích mú ˈdaalleka hí nanniyyeká ubaa gielmit hí mú argisiche-, giri hí mú gálle yiir gaa chichirate-, tá hátle káána úba hí gáál yiir gaa chichiratóóllá hé hí in ma ká baađany.

Bétiro Erká 4:9

Af giri hí hol dheegam ˈdú seseenneká, hol mé guđáan yiegedhíe, haí yiirsam fafáan.

Yuána Erká 3:17

Har máádhat he ˈguo-, tá nyárlé he hí ki ˈgereká geer hí shâw ma ˈdú yeenka, máá kinaallá háteeye gielmit Waaˈgiet hí gaa iđa?

Yuána ki Seđeká 1:5

Shééléch, nyaaram kúnnaa ál kíchia kinaallá gáá nannaatká, har káána úba kuun hí móíytaka, hé kua gáál ki ekemeychoká hát ˈduwantiká ekemeyche.