Róóma 12:12 - Fayam Midhab Yiesu Kiristoká He Hol Af Iđiny Kaanaká

¹² Waag hé hí af iđiche-, hí met egetoká, hát geer gaa meentiká ki esée, manyjany hát lulle il hí aargiˈdoká mé ki chiichirtíe, Waag viivitíe.

Róóma 12:12 ပူးပေါင်းရင်းမြစ်များ

Matááyo 5:12

Yaalmit kinaallá in gál héle Waag hí ˈdeem ka shigiche-, gálaat ki ˈdiyimeká úba gaalí ki maanyjasie. Aaléka, ger hí gaa meet, kosolóo, hé shiicho Waag hí úr ali kí iđicheká hé tág guđo.

Lúka 10:20

Tá aryaan hí met gaa kiiyyééllá gerle súm haí gaa méen. Hát meetkícho Waag hí úratí gaa veeˈdééllá ˈdaalle ki geyyée, Yíésu hí gáál yie.

Lúka 21:19

Hééllá hí mé ki chichirsatoka, luolmit biiyoká haí aargiˈda.

Lúka 8:15

Ár giri máá les fafuoká hí ál máálká gaa fieká hélle he hát gál ˈdeeny Waaˈgiet maaleka, ˈdéé ger ˈdúwa-, midhabká hát ˈdabaanká ki chiirat-, hol tatuo-, ˈdeeny Waaˈgiet ki higirawká, Yíésu hí lalille yie.

He Ekeny Gál Alb Fimiká 1:14

Gaal bar lulle ubaa gál ˈdiet, tá Yíésu ˈjiellé ubaa Yíésu nyaaramlé hol Waag ˈgar vivite.

He Ekeny Gál Alb Fimiká 12:5

Aalé gaal Bétiro ˈbíl hiiginká gaa kaay, tá gál giri Yíésu iiy yieká íín tágo he mú Waag ki vivite.

He Ekeny Gál Alb Fimiká 2:42

Gál Yíésu iiy yie kinaallá aalé đo gál alb fimiká hol af yíéđie, gáál he onisinyle nee kuokoy, gáál balashá hol ˈgar goolmote, tá hol Waag ˈgar viivite.

He Ekeny Gál Alb Fimiká 6:4

Nyíín dhúrkínyo aalé bar lulle Waag visan ubaa ˈdeeny Waaˈgiet ˈdiiyiminyle nyí mé verenne, gaalí yie.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Róóma 15:4

He lullé Warˈgat Waaˈgiet gaa ijóóllá kisso gaalí veere, giri múún gáál af tatuoká. Atimééllá in muun gáál gúóf ubaa mé ki chirsan shigicha. Hát kinaallá in he lullé Waag hí gáál af iđiche-, ke met egesóóllá hát Waag hí ˈduuwasichoká ke og.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Róóma 8:25

Tá hé ke met egesoká hátle ke ma arginyka, ke taalle mé ki chiirsat-, ke Waag iiy yeget-, ˈjíig ke hé ke feditle ˈguo kinaal il ki aargiroká.

Korínto Erká 13:13

Aalé káánaka, hé farguogo-, ke ˈguoká he iiy yeen ke Waag ka ˈguoká, ubaa hé ke met egessoká hát he ˈduuwawká ónyi, héétí he gielmíti. Tá hé seđééllá héllé hí a mé ijoká he gielmíti.

Korínto ki Naamaká 12:8

Aalé yú a seđe Máá kúnnaa Guđoká gil ki efe, giri hiitééllá ye gaa silmeetoká.

Filíbi 3:1

Nyaaramchú, hé eiy taaka-, úba yú hí ka geđuoká hééllá: ˈDaa giri hí Máá Guđoká hol ˈdú faanneká ger hí gaa meet! ˈDeeny giri tikiˈde yú hí ˈdu gáá veereká geđi yú hí ˈdu gáá verenoká hé ye ma ˈgormony. ˈDeenyééllá he ˈdeeny hí in ki ˈdeˈdeen-, hí ˈboy ma ˈdeeminyká.

Filíbi 4:4

Aadh lulle Máá kúnnaa Guđoká ˈdaalleka geeyimíe. Geđi ha yú hí geey, geeyimíe!

Kolosááya 1:11

It úba ke hí Waag kí vivisat, giri Waag guchlé he ˈgayyoká hí fargogintle hí far ki googoyyo-, hí mé ki chirsan ˈgayya-, taalle hí he ˈdú fafaataká. Aaléka ger hí gaa meemeet,

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Kolosááya 4:2

Waag viivitíe, hí Waag vivisataká kaskícho hí in banno, Waag gielmít hol ˈdú naannáa.

Dhesaloníke Erká 1:3

Iiy yeenkícho hát hí he gaa eekemeycho-, ubaa hújích kíchiallá gielmit hí ˈgayyáállá hí ki nanniyyo-, héétí har káána úba he hí ki ˈgierˈgernítaka hát hí Máá kúnnaa Guđo Yiesu Kirísto hí ˈdúúw ki ógallá nyáá nyí ˈJaa kúnnaa Waag met táb gaa ˈdoˈdooto.

Dhesaloníke Erká 5:8

Tá múúni ki um kulichká, met hí gáál ˈdú ˈgie. Kí iiy yeen ubaa gielmít hát síbil máá yuoyoká hí bala gaa higisat-, mú ririankáka kí balo gaa hisat. Kí rúbáchkúnno ˈduuwle hát shóte-, síbil-, máá yuoyoká ririankáka kí faat.

Dhesaloníke ki Naamaká 1:4

ˈDaa kinaallá ˈdugaka alb gál Kiristo me hí hol gaa aargiroká in itín ke hí súm gaa memeye, hat giri hí manyjasiny ubaa he il ká argisiny lúl hí mé ki chichirsata-, hí iiy yeenkícho ki ˈgiiyyáállá in taalle nyí gáál geđicha.

Dhesaloníke ki Naamaká 3:5

Máá kúnnaa Guđo Kirísto lééllá hí kaskícho gielmit Waaˈgiet ubaa mé ki chirsan hí shiguoká hí ˈdú eew.

Tímote Erká 6:11

Aaléka, kó máá Waaˈgietallo, hé kinaallá hol ka río. Iđiny ˈdúwa-, Waag hí feˈdoká ubaa iiy yeen Kirísto ka ˈgayyoká, héétí gielmít ˈgany, mé ki chirsan, tá abúnt ˈgany lulle ˈdú laađámo.

Tímote ki Naamaká 3:10

Aaléka, kó he onisinychú, iđinychú, hé yú ˈdú lađaanká, iiy yeenchú, geer gaa guchchú, gielmitchú, ubaa mé ki chirsanchú kó el gáá veeˈde.

Títo 2:13

Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Títo 3:7

giri ˈdúˈjímallá ˈdaalle Waag muun gáál iiy cheget-, ke luolmit biiyo-, muí gálle af iđie-, ke met egessóóllá ke aargiroká.

Héberew 10:32

Af giri erkob-, Fayam Midhaballá Waag hí kí edhesiche-, hé guđoká il hí aargiˈde-, hí hé kinaal me ki chichirsateká táb ˈdodhdhíe.

Héberew 10:36

Onnônyka mé hí ki chiirsata, giri hí he fedit Waaˈgiet ekeycheka, hé muí af iđieká hí aargiˈdoká.

Héberew 12:1

Aaléka, gál burnay-, Waag iiy yeen ká ˈgie-, hát nyáˈdowka gáál ki madééllá ˈdaalle ˈdugaka, he lullé giri iđiny Waag hí gáál ki feˈdoká gáál gáá momoyóóllá ubaa hé kúnnaa ˈdeđew-, ke ekemeyo-, gáál ki ˈdaˈdananallá kí hayo. Kí mé ki chirsat, kí đuul kúnnaa ke gaa igiro-, ke ma béésenallá beeset.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Héberew 5:7

Bár giri Yíésu les ˈdug ˈdú ijeká mu hé Máá fargogint gálaat kúfach gáá bibisichoká ˈguoká gil ki egefe, hé mú af gaa guđoká ki vivite, imiro ˈjiibie. Tá ˈdaa giri mu Waag kian ka ˈguoká mú hé Waag hí af maalle.

Héberew 6:12

Hát kinaallá hí ˈgiiyyaka, it gál he ma urinyká ma chegen, yaalmit gálle Waag iiy yeen ká ˈguo-, he met ki chichirsat-, hé Waag hí af iđicheká aargiroká hí cheedhe.

Héberew 6:15

Aaléka Abirááyam hé ma ˈgorôny, hé Waag hí hotéél af yíéđie, in el ˈdaal hé Waag hí af iđichééllá arge.

Yákob 5:7

Aaléka, nyaaramchú, hol táa, ˈjíig Máá Guđoká hí ká ˈjie. Ebá máá les fafuoká hát ˈguomle met egeso-, tá hol tatuo-, ír mísáchle met egesoká dhaayyíe.

Bétiro Erká 4:13

Manyjany hát manyjasiny Kiristóóllá ka taalká il hí argiyyeka, taalle ger hí gaa meet, giri mú ˈduuwle ká edhdheyyeka súm ger hí gaa memeet-, hí geyyeenneká.

Bétiro Erká 4:7

He lulle el mé ˈginle hé ká ˈjobondhe. Aaléka, tagano ˈdée, kas hí Waag ki vivisatoká ˈgáa.

Bétiro ki Naamaká 1:6

kás hol tím ˈdú chiˈdíe, hol tím mé ki chirsan ˈdú chiˈdíe, mé ki chirsan húgúm Waag hí feˈdoká ˈdú chiˈdíe,

Kí Edhesiny 13:10

Máádhat har máá gaalí ugunanká kátaka, ha gaalí ugunma. Máádhat har máá gaalí faaˈd órofká ki yegeská kátaka, faaˈd órofká ha gaalí ki yeese. Yaalmitééllá ˈdugaka gál Waaˈgiet hí mé ki chiichirsat, hí iiy yeenlé Yíésu iiy yieká tág chirat.