Róóma 12:1 - Fayam Midhab Yiesu Kiristoká He Hol Af Iđiny Kaanaká

¹ Aaléka, nyaaramchú, gillo yú hí ki efe, ˈdaa giri Waag hí geer guurá argisichééllá, gónkícho hol suor luol-, hé Waag hí feˈdoká ekemeycho-, Waag geer gaa memeychoká Waag ki hoyyíe. ˈGíérích ˈdúwa-, hí Waag ki ˈduuwaychoká hééllá.

Róóma 12:1 ပူးပေါင်းရင်းမြစ်များ

Lúka 7:47

Aaléka, yú ko geeye, minnééllá ađaabano guđo-, ˈgayyóóllá hé Waag hí gaa eeyye, in aalé káána gielmit guđoká ˈgayya. Máá ađaab ninniká ˈguo-, kor ađaablé kinaal Waag hí gaa eeyyoká in gielmit ninniká úba ˈgaa.

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Róóma 15:16

ye gédéch Yiesu Kiristo hoyche-, ye hújíchle mé ki koyye-, Fayam Midhab Waaˈgietallá yú gál gál Yuuˈdi muuninyká ki ˈdiyeenká. Waag ye hújíchallá mé ki koyyééllá, he giri Hím Naasan Waaˈgiet gál gál Yuuˈdi muuninyká dhiiˈdo-, gáál suor ˈdúwa-, Waag hí iiy chegetoká hođichoká.

Róóma 15:30

Nyaaramchú, gillo yú hí ki efe, Máá kúnnaa Guđo Yiesu Kirísto ubaa gielmit Hím Naasan Waaˈgiet hí gáál shigichoká ˈdaalleka, hát yú hol súm Waag ki rogononallá itín úba ye hát ˈdabaanká Waag kí ruogonmíe,

Róóma 2:4

Bá he taalle Waag geer guuralle ubaa nog ki sienle, tá geer gaa guchlé guđo-, hí itín aargisichóóllá hí egesheyche? Mú geer guuralle hát hí af tatiyyo-, giri hí hé kíchia ˈdeđewká haađicha-, tá hí mú makan fafaannaká it eiy ma náásan?

Róóma 6:13

Héétí haí gónkícho hé gaa nyakarichká ˈdú hâny, hí hé ˈdeđewká ekêny. ˈDaa giri yaalmit kíchia kissoká kuyye-, Waag hí luolmit kaanaká shiichééllá hol Waag ˈdú hayyíe, gónkícho hí hé ˈdúwa-, Waag ˈdúúw shiguoká yeet.

Róóma 6:16

Itín hí máádhat ˈdú siete-, hí mú hemuumuritle iiy chie-, hí el gaa veeˈdeka, hát hí mú gedelle chieká, it múog? Aalé itín har hí hé ˈdeđew-, Waag hí ma fedinyká gedelle chieka, kúfacho hí hol mé ki koyye. Tá har hí Waag gedelle chieka, innum Waaˈgietka gál ˈdúwaká hí chie, luolmit biiyoká haí higilla.

Róóma 6:19

Yú hí af gálaat ki geđúóllá, he ˈdaa giri tawunykícho tawuny gálaatká. Itín kíssóótíá it metkícho ki seseenne, hé gaa nyakarichká gedelle chie, it ađaabano hí ki fiidhe. Aalé káánaka gede Waaˈgiet hé ˈdúwaká ekemeyo-, saas mánká yeedhíe.

Róóma 9:23

Waag hééllá ekemeychóóllá, he giri guchlé ˈdúúw ˈgayyóóllá gál he waarateká aargisichoká. Tá Waag har gálallá he gál geer guuralle aargisicho-, ubaa hí guchle higiloká hođichoka, hééllá meete ˈdeew ke gaa hogodho?

Korínto Erká 1:10

Nyaaramchú, Máá kúnnaa Guđo Yiesu Kirísto meenyle ˈdaalleka, gillo yú hí ki efe, hol af iiy yiegedhíe, haí hol eiy gaa ˈgiˈgísan. Tikiˈd yiedhíe, kás hí tikiˈd cheet, hé me hí igiroká úba hí tikiˈd yeet.

Korínto ki Naamaká 10:1

Itín ˈbaal hí tawuyyeká, yáá Báulo lééllá, af giri ke hol af ijoká in síer, af giri ke hol in eiy ka láká tákáma nyáálle? Yú hát káána Kirísto abunaʼ-, nog seseenallá, yaalmit hat kinaallóóllá in yú ˈgaa, yú hí gil ki egefe.

Korínto ki Naamaká 4:1

Aaléka, ˈdaa giri Waag nyí geer guuralle hújíchallá mé ki koyyééllá, nyáá nyí ma giinany.

Korínto ki Naamaká 4:16

Aaléka, har káána úba gón kínyaallá ˈdeđenetka, nyáá nyí ma giinany. Hééllá ˈdaa giri gúóf bar lulle Waag hí nyí shigichoká.

Korínto ki Naamaká 5:20

Aaléka, nyiin nyí Kirísto gállé nannoká. Nyiin nyí gálaat fayam Kiristo ki ˈdiyeennoká he hát Waag íín gálaat gil ki egefiyyo. Gáál gillo nyí ki egefiyya, in nyí geđicha, ˈDaa Kiristoka Waag hol hiláa, nyí gáál chegedhe.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Eféso 5:10

Hé Máá kúnnaa Guđoká geer gaa memeyoká hol gaa ˈgeeˈgedhée, eekemeyyíe.

Filíbi 1:20

Hé yú súm fedo-, yú gófle ˈguoká, he giri hé yú ˈdú seseenká chiralle yú ˈguo-, kern ye ma ˈgiˈgin-, har káána yú kuf yíekaʼ, má kufiny yíekaʼ, yaalmit chia yú lésallá ki ijóóllá taalle Kirísto hí ˈdúúw gaa aargiroká.

Filíbi 2:17

Hújích yú nie-, yú hí Fayam Midhaballá ˈdú gáá sidhe-, fayám hí iiy chíéllá, hé kinaallá he hé shiicho muun ki Waag shieká. Har káána úba gaal ye yies-, fáschú úba hé shiicho kinaallá hollo hol ˈdú faama, yú ubaa itín ger ˈgarro gáál hol ˈgar meedhe.

Filíbi 4:18

Káána hé shiichokícho Ebafuroˈdíto hí ye ˈdu gáá sidheká, yáá hé ye ki ˈgeeˈgerneyká lulle arge, tá ití ye hé éíy burnayká úba af ˈdú fiiyye. Hé shiichokícho he suor usiyyo-, Waag hí iiy cheget-, Waag geer gaa memesichoká.

Dhesaloníke Erká 4:1

Nyaaramkínyo, aaléka, Máá kúnnaa Guđo Yíésu ˈdaallé ke hí gil ki efe, ke hí gogofsia, giri hát káána iđiny Waag geer gaa memeychoká hí nyí gaa onnote-, hí ki iđóóllá, yaalmit hat kinaallóóllá af ˈdú faafadhdhíe, ki yíéđía.

Dhesaloníke Erká 4:10

Hé ˈduwa, it gál ˈdaa Kiristoka hol nyaaram-, lés Makeˈdonia lulle gaa ijoká giel. Aaléka, nyaaramkínyo, gillo ke hí ki efe, gielmit kíchia kinaallá af ˈdú faafadhdhíe.

Dhesaloníke Erká 5:12

Nyaaramkínyo, gillo ki hí ki efe, gál hurtkícho hújích Waaˈgiet hát ˈdabaanká gaa nannuo-, ˈdaa Máá kúnnaa Guđóólláka hí met ki ˈgie-, hí af tatúóllá kiikiadhíe.

Tímote Erká 2:3

Hééllá innum Waag kúnnaa gáál rubach shigichóólláka, he yíéđiny midhab-, Waag hí gáál ki feˈdoká.

Tímote Erká 5:4

Tá min hiyesidheká har um ˈgayyoka, héétí har um maníta, tá um umle ˈgayyoka, um kinaallá er hí é gerle hát ˈduwantiká ki seeseen, um hí gál hí ˈdaleká ubaa eshimle waawayo, wanylé gaalí wayká eumle hidho. Hé kinaallá innum Waaˈgietka hé tagléká.

Fílemon 1:10

Iny chia Onésimas ˈdaalleka gillo yú ko ki efe. Mú yú inychú yíéllá, he ˈdaa giri hiigin yú gaa ijóólláka yú mú fayam Kiristóóllá ka hilsieká.

Fílemon 1:9

hé kinaal yú haya, ˈdaa giri ke gielmít hol ka ˈgúóllá gillo yú ko ki efe. Yáá Báulo lé-, káána karsich yie-, ˈdaa Yiesu Kiristoka hiigin gaa ijóóllá ye ónnob.

Héberew 13:22

Nyaaramchú, ˈdéé hót chia gáá gaaw-, yú hí ˈdu gáá veere-, yú hí ki gogofsúóllá ger midhabká ki eedhdhíe.

Bétiro Erká 2:20

Har káána hé ˈdeđew-, hí ekeycheká gaalí gaa tutuno-, kor hí mé ki chirsataka, gálaat kín haí meeye? Tá hé ˈdúwaká hí ekemeycho-, he il hí gaa aargiˈdo-, hí mé ki chichirsataka, húgúm hát kinaallóóllá innum Waaˈgietka taglé.

Bétiro Erká 2:5

itín úba hát hí waar luogol-, Waag hí ˈbílle ki ˈdiˈdisatoká. Itín úba hí Waag gállé suoryo-, Waag hí taak koote-, suor kíchia hodhinne-, hí Waag shigichoká ˈdaa Yiesu Kiristoka Waag hí met gaa egeetoká.