Róóma 11:20 - Fayam Midhab Yiesu Kiristoká He Hol Af Iđiny Kaanaká

²⁰ Iiy-hí, hééllá taglé. Tá onnóo! Waag kolm alb gaa muˈdééllá he ˈdaa giri gaal Kirísto iiy ma yéenká. He ˈdaa giri itín hí Kirísto iiy ki chieká in Waag hí alb kinaallá gaa kuokoyye. Aalé haí hol memêny, Waag kiikiadhíe.

Róóma 11:20 ပူးပေါင်းရင်းမြစ်များ

Lúka 18:14

Aaléka Yíésu geđi gáál geey, kieye, Yú hí geeye, hé máá Farisaayatíá muuniny, máá gibíre gugusatallá ííni ˈdúˈjím Waaˈgiet ki gale. Máá hol máá ˈdúwaká ka dhaˈgasanká, Waag ˈdúúw haí rianna. Máá hol máá ˈdúwaká ma ka dhaˈgaminyká, Waag haí ˈduuwaycha, Yíésu hí gáál yie.

He Ekeny Gál Alb Fimiká 18:6

Aalé gál Yuuˈdi mú ˈdeenyle điidhe-, mú chaachareká Báulo đo đafaraamle hurgufe, kieye, Ađaabkícho itle hí ki yíéđía, yú yáá konf hé ka ˈguoká mán. Yú aaléka káána ke gaa ijóóllá kidhdho bala ˈdú nannaa, yie.

Róóma 11:18

It kolm muí mureká albléká muí gaa kuokoyallá haí hol méeny, hí kieye, Nyííni kolm muí muréétíá nyí ˈdú ˈdúwa, hí chéen. Itín taalle hí kolmo, itín hidhdho hí ki luol.

Róóma 11:21

Har Waag káána ˈgór kolmle alb gaa muˈdeka, tá it Waag hí alb gaa kuokoyyééllá har hí Waag sug ki niiyyeka, Waag hé hí alb ma gaa mumuriny?

Róóma 12:16

Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Róóma 12:3

Hújích ˈdaakíchoka Waag hí ye mé ki koyye-, yú nannúóllá ˈdaalleka, lulkícho yú hí geeye, ˈduuw hí ma lilenyká haí hékícho hóson, tá ˈdaa iiy yeenkícho ˈdaˈdab Waag hí eiy eiy shiichéélláka, máádhat hí hol hát ˈdabaanká eiy naasat.

Róóma 3:3

Tá gál Yuuˈdííllá hé ˈbaal ˈdeeny Waaˈgiet ma chíran. Gáál ˈdéé ma ki yaalintlééllá he in kieye, Waag héllé hotééllá hé tagle muuninyo, he yegedhe?

Korínto Erká 10:12

Aaléka, máá tawunyleka kieye, Yú tágo yaalla, yegetká, hí hol ˈdeeˈdeen, hai iiy yeenle hâny.

Korínto Erká 15:1

Aaléka, nyaaramchú, Fayam Midhab-, kis yú hí kí ˈdiiyime-, hí iiy chie-, hí tág ki taalallá, bá yú hí káána ááy kí naa.

Korínto Erká 16:13

Aaléka, in banáa, iiy yeenkícho tagano gaa ˈgée, nyaa liledhíe, fargoogóo.

Korínto ki Naamaká 1:24

Iiy yeen kíchia hí Kirísto ka ˈgayyáállá ki iđinyle ˈdugaka he he ke hí ki mumura muuniny. Nyiin yiiró ke hí gaa chichiˈda, giri ger hí gaa memeetká. It aalé káánaka iiy yeenkícho tagano ki ˈgiiyya.

Korínto ki Naamaká 10:5

Héétí he lullé hol yé ká ˈdeđuo-, gálaat Waag kimisan ká ririatká nyí kí aađaat-, nyí kás lulle kí ˈgiiliˈgayya-, kas kinaal nyí hol gaa lalaanna-, kas Kirísto enniannoká chegedhoká.

Filíbi 2:12

Aaléka, sheel chia yú gielallo, af giri ki hol af ijeká it Fayam Midhaballá met gaa kekeenne, tá káána ke hol af gaa láálláka, Fayam Midhaballá súm met gaa keekemíe. Rúbách káána hí ˈgayyáállá, laatle laađamíe, yé ˈdú ˈdée, Waag kian ka ˈgáa.

Kolosááya 2:7

Mú hidh ki aría, mú gáá ˈdée, hát gaalí oonisieká hí iiy yeenkícho hirasicho, gielmit hí Waag hol ˈdú nanniyyaká hí guđanat.

Dhesaloníke ki Naamaká 2:4

Máá kinaallá he máá ameeny hé gaalí waag yeget-, gaalí vivisatká fiichilo-, hol hé kinaal ˈdú ˈduuwayo-, kara ˈBíl Waaˈgiet ˈdú yíéđian-, hol Waag hođuoká.

Tímote Erká 6:17

Gál lésalláka kaamúreká af táátaʼ, gaal hai hol egêny, hai kamur el mé mánnallá ˈdúúw hóson. Gaal hí Waag gáál he met lulle ká shigicho-, ke gaa geyyeenallá ˈdúúw hosot.

Héberew 3:12

Aaléka, nyaaramchú, hol ˈdeeˈdeemíe, itín máádhat hai geer gaa nyakarich-, máálle Waag bííyyo ali iđóóllá haađuo-, iiy ma yegenká ˈgíiny.

Héberew 3:19

Aaléka, ˈdaa giri gaal Waag iiy ma yéenká in gaal Waag állé him ki nimiká ma híliny.

Héberew 4:11

Aaléka, kí laađaan, kí Waag állé him ki nimííllá hilo, giri muun mú tikiˈd hát gál héle Waag af đuˈdusekáka ˈboy ma ˈdeeminy-, ma baađanyká.

Héberew 4:6

Aaléka, ˈdaa giri ál him ki nimi-, gálaat hí higiloká ali iđo-, tá gál héle ál kinaal fayamle maaleká Waag af đuˈduse-, ali ma hílinyká,

Yákob 2:19

Kuun Waag hát tikiˈdeká kó iiy chie. Kúbu! Hé kinaallá úba hé aryáán hí óg, aryáán hí gaa faađanan.

Yákob 4:6

Tá Waag hé tág súm muun gáál ˈdú ˈjeˈjeen. Héél ˈdugaka in Warˈgat Waaˈgiet kieye, Waag hé gál hol memeyoká điđidhan, tá gál hol ˈdúúw ririanká ˈdú ˈjeˈjeen, chie.

Bétiro Erká 1:17

ˈJaa kúnnaa úr ijo-, hí vivisatáállá hát máá níínní ˈdú ˈdíínian-, mánká it óg. Mu he lullé gálaat hí ekemeyoká eiy hai nannaa. Aaléka, itín yíéđiny mé gaaw-, hí les ˈdug ˈdú iđáállá mú gaa kiikiadhíe.

Bétiro Erká 5:12

Yáá hí warˈgat gáá gaaw-, nyár chia Silfáánas yú máá ˈdúwaká ka dhaˈgasanallá hí ye yiir kí chiˈdééllá hí ˈdú gáá veere. ˈDeenyééllá ha yú hí ki gogofsia. Yú hí geeye, af timmééllá he ˈdúˈjím ˈdúwa-, Waaˈgietká. ˈDúˈjím ˈdúwáállá hidh ki aría.

Bétiro Erká 5:9

ˈDaa giri nyaaram kíchia les lúl gaa ijoká manyjany hí gaa iđáállá hát úba he gaa ijoká hí ógallá Sátan gaa điiđidhmíe, iiy yeenkícho tág chiˈdíe.

Kí Edhesiny 18:7

Hát tikiˈde ˈjien hol ˈduway-, hol balchá gaa iđíéllá ˈjien a ˈdáb kinaal manyjasiny ubaa geer ˈdeent máálle shiilmisatká ˈdú íđish. ˈDaa giri ˈjien geerle hol ki geđuo-, kieye, Yú hát min kansidheká ká ija, yáá hát min hiyesidheká muuniny, yáá gon geer ˈdéént ma aargiriny, yegetallá,

Kí Edhesiny 3:17

Itín hí kieye, Nyáá nyí kaamurayye, nyíín nyí gál kaamúre, nyáá hé níínní nyí ˈdabiyyeká mán, hí hol cheedhe. Itín yaalmit ˈdeew-, éésh mán-, hí ki iđoká it muog. Itín hát hí gál he mán-, in mán-, hí búr iđaká muogká.