Róóma 11:2 - Fayam Midhab Yiesu Kiristoká He Hol Af Iđiny Kaanaká

² Waag hé gállé-, héle waaratééllá ma đíin. Itín ˈdaa Eliyaka hé Warˈgat Waaˈgiet hí hoteká it ógká muunîny, giri Elíyalle Waag ki buoy-, gál Yisirayel ˈdeente-,

Róóma 11:2 ပူးပေါင်းရင်းမြစ်များ

Márko 12:26

Ta gál kufeká uushim yiem gáá ˈdímle ˈdeenyle ití warˈgat Móshe hí veereká ma gaa túony, giri ˈgór bolomeká Waag hí ˈdéé gáá hote-, Waag kieye, Yú he Waag Abiraayam, Waag Yisak, tá Waag Yakob, Waag hí chieká?

Lúka 4:1

Aalé Yíésu Hím Naasan Waaˈgiet hí koch onnoyyeká, wár Yorˈdan hol gáá nadhe, Hím Naasan hí ˈbakat ˈdú eete.

Yuána 4:11

Aalé min mú heesete, kieye, Máá Guđo, eel in gaa ˈder, kuun hé bie kí armisatoká in man háluke, tá bíé gálaat luolmít shiguoká ále gáá egeyye?

He Ekeny Gál Alb Fimiká 13:48

Aalé kidh héél maaleká ger hí gaa meedhe, ˈdeeny Máá Guđoká meey. Ameeny gál giri Waag hí luolmit biiyoká gíl ki helicheká ˈdéé iiy yie.

He Ekeny Gál Alb Fimiká 3:17

Nyaaramchú, yáá óg, hé gál kíchia kaansúoká ubaa itín hí ekeycheká hé kinaallá meto hí moonnoyye.

He Ekeny Gál Alb Fimiká 7:40

Gaal Ááron geey, kieye, Nyí waagam nyí met nannaat-, nyíín nyí el gaa igiˈdoká nyí tág kí naʼ. Móshe gáál Mísirayim gáá eeyallá, hé mákárta hí ki ˈdeenedheká hé ke muog, gaalí mú yie.

Róóma 6:16

Itín hí máádhat ˈdú siete-, hí mú hemuumuritle iiy chie-, hí el gaa veeˈdeka, hát hí mú gedelle chieká, it múog? Aalé itín har hí hé ˈdeđew-, Waag hí ma fedinyká gedelle chieka, kúfacho hí hol mé ki koyye. Tá har hí Waag gedelle chieka, innum Waaˈgietka gál ˈdúwaká hí chie, luolmit biiyoká haí higilla.

Róóma 9:23

Waag hééllá ekemeychóóllá, he giri guchlé ˈdúúw ˈgayyóóllá gál he waarateká aargisichoká. Tá Waag har gálallá he gál geer guuralle aargisicho-, ubaa hí guchle higiloká hođichoka, hééllá meete ˈdeew ke gaa hogodho?

Róóma 9:6

Aaléka, gál Yisirayel burnayká ˈdúˈjím Waag hí gálle af iđicheká ma árginyallá, he in kieye, Waag he af iđinyle hé ma ˈduwânyo ke yeedhe? Híʼi, he kieye, gál kídh Yisirayel yé gáá ˈdíéllá ˈbaal tákáma he gál Waaˈgiet, yegedhe.

Korínto Erká 6:2

Gál Kiristo bár ˈdaatika hát les gálle ˈdéé ki iđimuoká it múog? Itín in hí les gálle ˈdéé ki iđimicha háluke, tá háteeye hí ˈduuw ˈdeem hatallo-, hawul maamanal eiy ki nanniyyoká man?

Korínto Erká 8:3

Tá máá Waag gielká, hé Waag hí óg.

Filíbi 1:22

Har yú ˈjíig les ˈdug ˈdú ijoka, yú taalle Kirísto hujich ha ki nannaa, tá hújíchchú saano midhabká hí yé gáá ˈdeˈdeme. Tá les ˈdug ˈdú iđiny ubaa kúfach, hé máre yú toom gaa egedhdhe? Hoba! Yáá muog.

Héberew 1:1

Waag héle kissóótíá hát burnayye-, met hí hol ká eiyyeká eshim eshimkúnno ˈdeemano shigiche. Waag ˈdeemlééllá gál muí ˈdeem ka shigieká ˈdaallé he ká nanadhe.

Bétiro Erká 1:2

ˈJaa kúnnaa Waag kíssóótí hé hí kasle ká ˈgie, in hí waaˈde. Mu hí Hím Naasanle taak ki kodhdhe, giri itín hí Yiesu Kirísto met gaa kekeenno-, hí fás Kiristo gim nannaatoká. Waag hí taalle ˈdú ˈjeeˈjeen, hí naanna guđoká shiigicho.