Róóma 11:16 - Fayam Midhab Yiesu Kiristoká He Hol Af Iđiny Kaanaká

¹⁶ Gaman ninni-, gaalí een il ki ˈdaraanká har he midhíntaka, đo een lulle hai midhanayche. ˈGór hidh hí ˈdabíntaka, kolm ˈgor kinaalloká úba hé ˈdabaan.

Róóma 11:16 ပူးပေါင်းရင်းမြစ်များ

Róóma 11:17

ˈGór Waag hí fiiyyééllá hídhle kolmo he golmia. Gál Yuuˈdi Kirísto iiy ma yéenká he kolm Waag hí ˈgórle gaa muˈdeká. It hí Kirísto iiy chíéllá he ˈgór tím gáá ˈdieká kolmlé Waag hí ka muˈde-, muí kolm giri muí mureká albléká gaa kuokoyká.

Róóma 8:23

Múúni giri Waag gáál Hím Naasanle hé shiicho erkobká kí hoychééllá úba hé ke egedhen, ˈdaab ke he lullé Waag hí umle af iđicheká ma árginy-, Waag gónkúnno kúfach ubaa móˈd ma gáá ríinyká. Hééllá feditle hé tág ke súm ˈguo.

Korínto Erká 7:14

Hééllá he ˈdaa giri máá yáb Kirísto iiy ma yéenká minlé Kirísto iiy chieká ˈdaalle ˈdugaka in Waag hí máá ˈbíl geerle ká dhaˈgasanna. Hát tikiˈdééllá min Kirísto iiy ma chéenká béllé Kirísto iiy yieká ˈdaalle ˈdugaka in Waag hí máá ˈbíl geerle ká dhaˈgasanna. Har hát kinaal muuninyka, it yaalmitééllá hol ki iđáállá umkícho hát um tolloká, kor káána umkícho he um ˈbíl geer Waaˈgiet.

Yákob 1:18

Waag hát muun gáál ki feˈdeká in ˈdeeny ˈdúwáállá gáál ˈdalmaat kaanaká gáá shiiche, giri múún he lullé muí les ká koyká ki saanollé erká yegetká.

Kí Edhesiny 14:4

Gálallá he gál hé Waag hí ma fedinyká hol ká ridhdhe-, Waag bala ˈdú nie-, Élíny el gaa igiro-, Eliny állé seseenká mé nannuo-, Waag hí yiate-, Waag hí gál lesietká gáá shuunate-, giri Waag ubaa Élíny saanollé erkobká yegetká.