Róóma 11:12 - Fayam Midhab Yiesu Kiristoká He Hol Af Iđiny Kaanaká

¹² Af giri gál Yuuˈdi ˈgíérích Waag hí gálaat rubach ki shigichóóllá điidhe-, ađaabéélla hileká, in Waag kidhéétí ˈdú ˈjiiyye-, rubach shiiche. Tá gál Yuuˈdi bár rúbáchallá mé ˈdu gáá law-, iiy yeetká, ˈdúˈjím Waaˈgiet bar kinaalloká ˈdaa kidh lúl les gaa ijokáka ebá guđáan!

Róóma 11:12 ပူးပေါင်းရင်းမြစ်များ

He Ekeny Gál Alb Fimiká 3:21

Mu íín ˈdaab Waag he lulle hátlé er ká kuonneká geđi tág ma ka níinyká taalle úrro gaa ija, hát giri héle Waag gállé taak koyye-, ˈdéé ka shigicheká hí ˈdiiyimeká.

Róóma 11:15

Waag ubaa gál Yuuˈdi hol eiy gaa ˈgisanlééllá, in kidh les gaa ijóóllá kár Waag hol ki higiloká shiiche. Aalé gál Yuuˈdi af giri Waag hol higiloká ebá mídhab! Hé kinaallá he hát gál kufe-, geđi loolnodheká muuniny?

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Róóma 11:33

Waag kamurle ubaa ˈdaalimle, tá he onyle, ebá guđáan! Mú kasle hé tág kaskúnno ˈdú guđo! Mú ˈgierimlé ˈdúwáállá eiy naasanle hé tág gáál far ˈdú gogo!

Róóma 9:23

Waag hééllá ekemeychóóllá, he giri guchlé ˈdúúw ˈgayyóóllá gál he waarateká aargisichoká. Tá Waag har gálallá he gál geer guuralle aargisicho-, ubaa hí guchle higiloká hođichoka, hééllá meete ˈdeew ke gaa hogodho?

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.