Róóma 10:17 - Fayam Midhab Yiesu Kiristoká He Hol Af Iđiny Kaanaká

¹⁷ Aaléka, iiy yeen fayám maalíti he yé gáá ˈdeˈdeenne, fayam kinaallá he Fayam Midhab Kiristóóllá.

Róóma 10:17 ပူးပေါင်းရင်းမြစ်များ

Márko 4:24

Aalé mu geđi gáál geey, kieye, Hé hí maallééllá hát ˈdabaanká nee kóo. Hé hí he ki ekemeycho-, hí gálaat he ki fafiyyoká, in úba Waag hí he kí fafiyya, hé kinaallá hé eiy úba haí ˈdú aargiˈda.

Lúka 11:28

Aalé Yíésu kieye, Máá ˈdeeny Waaˈgiet maalo-, tá ˈdéé el gaa veeroká, máá kinaallá ííni súm Waag hí buanne, yie.

Lúka 8:11

Aalé híb hélle hééllá: Aar he ˈdeeny Waaˈgiet.

Lúka 8:21

Yíésu gáál geey, kieye, ˈJiechú ubaa nyaaramchú he gál ˈdeeny Waaˈgiet mamalo-, ˈdéé ki ˈgíéllá, yie.

Yuána 1:37

Gál giri naama-, láliká ˈdeeny Yuána hí hodhéél maaleká đo Yíésu el gaa veere.

Róóma 1:16

Fayam Midhab Kiristóóllá ˈdugaka kern hé ye ma ˈgiˈgin, ˈdaa giri fayamééllá Waag hí gál Kirísto iiy yegetká lulle ki ririannoká. Fayamééllá erkob gál Yuuˈdi hí maale, tá gál gál Yuuˈdi muuninyká yé ˈdú ˈdiiyye.

Róóma 10:14

Tá gálaat har Máá Guđóóllá móíytaka, háteeye mú veveme, muí ririma? Tá gálaat hátlé mú fayamle ma máálinyká, háteeye mú og, mú iiy yegedhe? Héétí ˈdaab gálaat hí fayam Máá Guđóóllá ma ki ˈdiiyíminyká, háteeye mú fayamle mamala?

Korínto ki Naamaká 2:17

Nyiin nyáá nyí hát gál burnay-, hát tagléká ˈdeeny Waaˈgiet ma ˈdiyiminy-, gálaat birm hát điđamoká gaa shugunatká muuniny. Nyiin nyí gede Kiristo-, giri Waag hí alb fafiyyo-, Waag innumleka hát ˈduwantiká gálaat ˈdeeny Waag gáá yimieká ki ˈdiyeenká.

Galátia 3:2

Itín ˈdéé hótallá hí ye hol ˈdu gáá nanniyyaká yú fede. Itín Hím Naasan Waaˈgiet ˈgíérích máre hí ki argiyye? Hemuumurít ki yaalitlé hí ki argíyye? Híʼi, fayam Kiristo hí maalle-, hí iiy chieká ˈdaallé hí ki argiyye.

Galátia 3:5

Waag hí Hím Naasanle ká shigicho-, ubaa hé gáál af ˈdaˈdabsuoká hí hurt gaa ekemeychóóllá, he in ˈdaa hemuumurít ki yaalitle ˈdugakaa? Ebá he fayam Kiristo hí maalle-, hí iiy chieká ˈdaalle ˈdugaka?

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Dhesaloníke Erká 2:13

Nyáá nyí aadh lulle Waag gielmít hol ˈdú nanniyya, ˈdaa giri ˈdeeny Waaˈgiet hí nyí gaa maalleká, hát gálaat yé ma gáá ˈdíiny-, Waag yé gáá ˈdieká hí iiy chieká. ˈDeenyééllá he ˈdeeny ˈdúwa-, Waaˈgiet-, it hí iiy chíéllá hí hujich gaa nannuoká.

Héberew 4:2

Hát káána gaal íín ál him ki nimiká fayamlé midhabká maalééllá, in muun úba ke Fayam Midhaballá maale. Tá ˈdaa giri gaal fayám maale-, kor fayám iiy ma yéenká in gaal ál him ki nimi kinaallá ma híliny.

Bétiro Erká 1:23

Itín it geđi ká ˈdalaate. Luolmit kíchia káána hí ˈgayyáállá ˈdaa ˈdeeny Waaˈgiet bííyyo-, luolmít ˈgúóllá hí ki argiyye. Luolmit kíchiallá taalle luolmit biiyo, hé hát luolmit gálaat el met hí ˈgiˈgidhóóllá muuniny.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.