Róóma 10:15 - Fayam Midhab Yiesu Kiristoká He Hol Af Iđiny Kaanaká

¹⁵ Tá gál gálaat ki ˈdiyeenká ˈdaab gaalí alb ma fíinyká háteeye gáál fayamééllá ki ˈdiyime? Hát Warˈgat Waaˈgiet hí hote-, kieye, Gál fayam midhabká hol gaa sisidhoká ebá ˈgas met hí mídhab! chieká.

Róóma 10:15 ပူးပေါင်းရင်းမြစ်များ

Matááyo 9:38

Máá Guđo-, ˈguom léká heetíe, muí gállé hí hujich ki nannuoká lesam ali ˈdú fuo, gaal hí mú ˈguom kí muro, Yíésu hí gáál yie.

Lúka 10:1

Waaséél Máá Guđo Yíésu gáál tomon tiiya tá a naam éíy taaka waaˈde. Mu gáál nanam hol ki ˈdane, gáál hol met nie, giri gaal ˈjien ubaa alb muí sienyle ˈgieká lulle gaalí sedhe.

Lúka 2:10

Máá ˈgasso-, urru-, Waaˈgiet kinaal gáál geey, kieye, Haí bírginy. Bá dhaayyíe, yú fayam guđo-, geyyiny ˈgayyo-, gálkícho lulle ki midhabká hí ˈdu gáá sidhe.

Lúka 2:14

Waag Úr Iđoká gaalí meeyo, gál lesallo-, muí ˈdú iifoká hí naanná yíéđuo, gaalí yie.

Lúka 8:1

Hé kinaal đueká, Yíésu đo ˈjien gaa naanadhe, gálaat he oonisie, gáál Fayam Midhab Guch Waaˈgietká shie. Lali giri tomon a naamaká úba mú hol eedhdhe.

Yuána 20:21

Yíésu geđi kieye, Naanná gaa yíéđía! Hát yú ˈJaachú ye ali gáá kaayallá, yú úba alb haí fafaa, muí gáál yie.

He Ekeny Gál Alb Fimiká 10:36

ˈDeeny Waag hí gállé Yisirayelká ali ˈdu gáá kaayyeká it óg. ˈDeeny kinaal he Fayam Midhab naanna-, ˈdaa Yiesu Kiristo ka naateká. Yiesu Kirísto kinaallá he gálaat lulle Máállé Guđoká.

He Ekeny Gál Alb Fimiká 13:26

It nyaaram chia hídh Abiraayamallo, ubaa it Waag kikiatáállo, fayam rubachietallá múúni Waag hí gáál ali ˈdu gáá kaayye.

He Ekeny Gál Alb Fimiká 22:21

Aalé Máá Guđoká ye geey, kieye, Keʼ, sí, yú kidh fágatíá ko ali ˈdú kakaa, muí ye yie, Báulo hí gáál yie.

He Ekeny Gál Alb Fimiká 9:15

Aalé Máá Guđoká mú geey, kieye, Mú ˈdú sí, mu íín he faˈd chia yú galay-, meenychú gál kaansúoká, ubaa kidhlé, tá gál Yisirayel lulle mamalsuoká.

Róóma 1:15

ˈDaa kinaallá ˈdugaka in yú súm gúóf ˈgaa, giri it Róóma gaa iđáállá úba yú hí Fayam Midhab Kiristóóllá ki ˈdiyeenká.

Róóma 15:20

Yú alb gálle Fayam Midhab Kiristóóllá maaleká yáá sienyle ma ˈdú fafîny, yú alb gálle Kirísto moonnoyká fayamééllá gaa ˈdiyimeká gófle ˈgie.

Eféso 2:17

Mu hé ká yimie, it gál Yuuˈdi muuniny-, Waag gaa faganayyeká ubaa nyííni nyí gál Yuuˈdi-, nyí Waag kí ˈjobonoyyeká gáál Fayam Midhab-, naannaká ki ˈdiiyime.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Eféso 6:15

Koiy kíchia guogoká fadhdhíe, giri hí tagano ˈgiiyyoká. Koiyééllá he Fayam Midhab hí naanná shieká.

Bétiro Erká 1:12

Gaal fayamééllá ˈdiiyimeká Waag hé hát gaal hol hujich ma ki nannîny-, itín hí hujich kí nannieká hé gáál argisiche. Gál káána hí fayam tikiˈdééllá ki ˈdiiyimééllá hé Hím Naasan Waaˈgiet úr yé gáá ˈdiiyyeká fargogintle hí ki ˈdiiyime. Waag gállé ˈgasso-, urruká úba hééllá hol eiy gaa nannasatká hé tág fedo.