Róóma 1:9 - Fayam Midhab Yiesu Kiristoká He Hol Af Iđiny Kaanaká

⁹ Waag giri yú fargogintchú lulle hujich ki nannuo-, Inyle Fayamlé Midhaballá yú ˈdiyeenallá, hát aadh lulle yú hí kí vivisatká hé óg.

Róóma 1:9 ပူးပေါင်းရင်းမြစ်များ

Márko 1:1

Hééllá Fayam Midhab Yiesu Kiristo-, Iny Waaˈgietká mé gáá koonlé.

Lúka 18:1

Yíésu lalille hát hibietká geey, giri gaal Waag aadh lulle vivisat-, ma giinanyká.

He Ekeny Gál Alb Fimiká 12:5

Aalé gaal Bétiro ˈbíl hiiginká gaa kaay, tá gál giri Yíésu iiy yieká íín tágo he mú Waag ki vivite.

He Ekeny Gál Alb Fimiká 19:21

Aalé héél lulle đueká Báulo Hím Naasan Waaˈgiet hí koch chie, giri mu lés Makeˈdonia ubaa lés Akaya af gaa vereno-, tá ˈjien Yerusalem mé nannuoká. Aalé mu kieye, Yú ál kinaal nyuoreka, Róóma úba ha yú seeme, muí yie.

He Ekeny Gál Alb Fimiká 24:14

Tá hé ˈduwa! Waag héle eshim eshimchú hí viviteká in káána yú ˈgíérích Kiristo gaalí ˈgíérích hodho yegetallá ki vivita. Yú hemuumurit lullé Waag hí Móshe ka shiicheká ubaa he lullé gál Waag hí ˈdéé ka shigicheká hí veereká iiy yie.

He Ekeny Gál Alb Fimiká 27:23

Waag ye lé-, yú hujich ki nannúóllá máállé ˈgasso-, urruká kisare ye láá kí ˈdie,

He Ekeny Gál Alb Fimiká 3:26

Aalé Waag gédéchle gáál hurt yé gáá ˈdeeycheká in erkob muí itín ali ˈdú gáá kaay, giri muí ˈdú ˈjeˈjeen-, lulkícho muí ˈgierim kíchia ˈdeđewká af gáá tatuoká, Bétiro hí gáál yie.

Róóma 9:1

Yú ˈdaa giri Kirísto máálléká in hé ˈdúwaká hogodho, yáá hé hódhoká ma hogon. Yáá tág kídhchú geerle ye gaa ˈdeenedhe, geer gaa ˈdeenen chiallá hé ali ma ki ˈdeˈdeminy. Kaschú ubaa Hím Naasan Waaˈgiet hé yú hogodhóóllá hát he ˈdúwaká hé óg.

Korínto ki Naamaká 1:23

Hé yú hogodhóóllá hát ˈdúwaká hé Waag hí óg, yú Korínto ma ka yímenallá he ˈdaa giri yú geđi hí ma ki lolodhminy-, ger hí ma gaa ˈdeđenenká.

Korínto ki Naamaká 11:31

Máá kúnnaa Guđo Yíésu ˈJaallé Waag bííyó biiyo gaalí memeyóóllá hát hééllá ˈdugaka yú hódho ma hogonká hé óg.

Galátia 1:20

Hé yú hí ˈdu gáá verenóóllá hát hódho muuninyká hé Waag hí óg.

Eféso 6:18

Hé kinaal hí ekemeychoká aadh lúl Waag gil ki eegefée, viivitíe. Hím Naasan Waaˈgiet hí fargogint hí Waag ki vivisataká shiigicho. Biiy ˈdeeˈdemíe, haí ˈgoróminy, gál Kiristo lulle Waag ki viivitíe.

Filíbi 1:3

Bar lulle yú hí táb ˈdoˈdootká yáá Waagchú gielmít hol ˈdú nannuo.

Filíbi 1:4

Waag visan chia lulle yú hí lulkícho kí vivisatká aadh lúl geer gaa meenno gaa iđa.

Filíbi 2:22

Tímote hát tág yaalká it óg. Mu hát iny ubaa ˈjaalle hol ˈguokáka, hé tág nyí Fayam Midhaballá hújíchle hol ˈgar niiyye.

Filíbi 3:3

Hermisan ˈdúwa-, Waag hí feˈdoká gálle he múúni ke Hím Naasan Waaˈgiet Waag ki vivisat-, geyyinykúnno Yiesu Kirísto yé gáá ˈdeˈdeen-, ki hé gálaat hí hol ki memeyo-, gáál Waag ma ˈdú egenyallá ˈduuwle ki ma ki memeenallá.

Dhesaloníke Erká 1:2

Nyáá nyí lulkícho ˈdaakíchoka aadh lulle Waag gielmít hol ˈdú nanniyya, Waag visankínyo ke hí meet gaa veveen.

Dhesaloníke Erká 3:10

Nyáá nyí kulich ubaa chúúrélle tág Waag vivisat, giri geđi ke hol in ger gaa dhaˈgasan-, hé mákárta iiy yeenkícho gaa mánká arginylé hí aargiˈdoká gófle ke hí gogofsuoká.

Dhesaloníke Erká 5:17

Waag viivitíe.

Tímote Erká 2:7

Yú hé ˈdúwaká hogodho, yáá hódho ma hogon. ˈDeenyéél ˈdugaka in Waag ye máá ˈdiiyiminy-, ubaa máá ali gaa kaany-, tá máá gál gál Yuuˈdi muuninyká iiy yeen ubaa hé ˈdúwa-, Waaˈgietká fayamle oonisuoká hoyche.

Tímote ki Naamaká 1:3

Yú Waag eshim eshimchú hí hujich ki nanníéllá in hát yú óg-, midhabká yú hujich ki nannaa. Yú chúúre ubaa kulich Waag vivisatká yáá ko Waag visanchú táb gaa ˈdoˈdoot, Waag gielmít hol ˈdú nannuo.

Fílemon 1:4

Fílemon, af giri yú ko Waag kí vivisatká, yáá aadh lulle ˈdaakúka Waag gielmít hol ˈdú nannuo.