Róóma 1:28 - Fayam Midhab Yiesu Kiristoká He Hol Af Iđiny Kaanaká

²⁸ Aalé ˈdaa giri gaal Waag óny hát hé ˈdúwaká ma ká dhaˈgaminy-, ma chichiranká, in Waag gáál kaslé ˈdeenete kinaal ˈdú hayche, hé onnônyka gálaat hí ma ekemenyká ekemeye.

Róóma 1:28 ပူးပေါင်းရင်းမြစ်များ

He Ekeny Gál Alb Fimiká 17:23

Yú af giri ˈjienkícho gaa seseme-, hé giri hí waagam ki ˈditeká yú dhaˈgameká, kúb suoryo gaalí gaar gaa ˈgeˈgey-, gaar veeritle kieye,hééllá waag gaalí muogká ke ki ˈdisse, chieká yú arge. Waag hí muog-, kor hí vivisat kinaallá he Waag yú hí kí ˈdiyeenallá.

He Ekeny Gál Alb Fimiká 17:32

Aalé gál giri mú af nee kokoyká ˈbaal ˈdeeny uushich yé gaa ˈdímííl maaleká ˈdéé eeshey, ˈbaal hí kieye, Nyíín ˈdeenyééllá aadh éíy taaka ha nyí ko gaa maalla, gaalí mú yie.

Róóma 1:18

Waag hé gálaat geeyche, giri idholle úr gáá haađicho-, gál Waag kian ka mán-, héllé gaa nyakarich-, gaa seseen-, hé ˈdúwaká mé ki yuyuoká lulle ˈdú iđimichoká.

Róóma 1:21

Har úba gaal Waag óíytaka, gaal mu hát Waagká hé mú ma memeny, mú gielmít hol ma ˈdú nanniny. Gáál hé tawuny hí ˈdeenete, gáál ˈdaalimlé éésh mánnallá hé đéém hí koch chie.

Róóma 1:24

Hééllá ˈdaalle ˈdugaka in gaal héllé fedo-, gaa nyakarichká Waag hí ˈdú hayche, giri gaal babatle el gaa igiro-, hé kern mantiká ekemeyoká.

Róóma 1:26

Gáál Waag hanylééllá, in Waag gáál babat kern mantiká ˈdú hayche. Gáál gállé ˈdietká hé herginy aađaká gíl sug ki hay, íín tákámle hol heergime.

Korínto Erká 15:34

Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Korínto ki Naamaká 10:5

Héétí he lullé hol yé ká ˈdeđuo-, gálaat Waag kimisan ká ririatká nyí kí aađaat-, nyí kás lulle kí ˈgiiliˈgayya-, kas kinaal nyí hol gaa lalaanna-, kas Kirísto enniannoká chegedhoká.

Eféso 5:4

Héétí haí ˈdeem đeemoká hógon, ádúm kern mantiká ubaa ˈdéé hót kern manti-, gálle af ka húrt mánká haí ˈgíiny. Yaalmitééllá hé tagle muuniny, Waag gielmít hol ˈdú niiny tákáma ˈdúwa.

Dhesaloníke ki Naamaká 1:8

Mu íín ˈjiet boloonká hai kí yiimedhe, giri gál Waag điidhe-, Máá kúnnaa Guđo-, Yíésu lééllá Fayamlé Midhaballá met ma gaa kekeminyká lulle he il ká aargisuoká.

Tímote ki Naamaká 3:8

Hát tikiˈde Yánnes ubaa Yámberes hí Móshe mé il gaa ˈgieká, in úba gál gáál he oonisúóllá hé ˈdúwa-, Waaˈgietká met il gaa ˈgee. Gaal he gál kas hí ˈdeenete-, iiy yeenlé Waag ka ˈguoká iiy yeen ˈdúwaká muuninyká.

Títo 1:16

Gaal hát he yegetká kieye, nyáá nyí Waag ógo he yegedhe, kor gaal héllé ekemeyóóllá, gálle he gál Waag muogká. Gaal he gál hé Waag hí nébká ekemeyo-, gálaat met ma gaa kekeminy-, hé midhabká ekenyle uritle mánká.

Fílemon 1:8

Aaléka, har káána úba ˈdaa Kiristoka, hé ˈdúwa-, onnônyka kuun hí ekemeychoká ˈdaalle yú ko he ki mumuroká yú uroka,

Bétiro ki Naamaká 3:5

Gaal hé Waag hát kíssóótí ˈdéé hótle úr kí kuonne-, les mé gogoká bie yé gáá ˈdeeycheká táb ˈdoonle điidhe.