Róóma 1:21 - Fayam Midhab Yiesu Kiristoká He Hol Af Iđiny Kaanaká

²¹ Har úba gaal Waag óíytaka, gaal mu hát Waagká hé mú ma memeny, mú gielmít hol ma ˈdú nanniny. Gáál hé tawuny hí ˈdeenete, gáál ˈdaalimlé éésh mánnallá hé đéém hí koch chie.

Róóma 1:21 ပူးပေါင်းရင်းမြစ်များ

Yuána 3:19

Waag gálaat ˈdeensenle hé igiˈdoká hééllá: Waag édhúmlé ˈdúwaká íín hé les ká hile, kor ˈdaa giri gálaat héllé ekemeyoká lúl gaa nyakarichká, gaal hé édhum ma géélnen, gaal bííy gaa ongʼoˈdeká he geelney.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 1:19

Waag hééllá gáál ki ekemeychóóllá he ˈdaa giri Waag biiy gaa iđinyle ˈduuwle ubaa yaalmitlé kaany mán-, gáál kí edhesicheká gálaat hí gíl sug ki haađuoká.

Róóma 1:28

Aalé ˈdaa giri gaal Waag óny hát hé ˈdúwaká ma ká dhaˈgaminy-, ma chichiranká, in Waag gáál kaslé ˈdeenete kinaal ˈdú hayche, hé onnônyka gálaat hí ma ekemenyká ekemeye.

Róóma 11:10

Gáál in hí gaa dhataw, gaal hai biiy gaa árginy, gáál taalle bííyyo kern hí gaa koongʼodot, ˈDáwuˈd hí yie.

Tímote ki Naamaká 3:2

Af kinaal gálaat íín tákámle he hollo hol ki fede, kamúr hai geelnedhe, hollo hol memeye, gál ˈdúwaká hollo hol ká dhaˈgama, chaarimo he af ká ˈgaa, hé gál hí ˈdaloká met ma gaa kekeminy, hé gielmit gálaat hol ˈdú nannuoká mán, Waago he egesheye,

Bétiro Erká 1:18

Hé Waag hí ˈdú gute-, giri iđiny ˈdúúw mán-, eshim eshimkícho hí af kí hayallá hí gáá eete-, hí gálle hosoteká it óg. Hé muí ˈdú gusseká hé bíre ubaa hórkí bár ˈdaatika el met hí ˈgiˈgidhóóllá muuniny.

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Kí Edhesiny 14:7

Mu af ˈdérká ˈdéé ki hodhe, kieye, ˈDaa giri Waag aadh ˈgas gálaat ˈdéé ki iđimichoká ali kí ˈdiiyyééllá, Waag kiikiadhíe, ˈdúúw shiigía. Máá úr, les, ubaa bás tá biet haˈdamká ka kuonnééllá met les kurram gaa ˈdannáa, meemeyyíe, yie.

Kí Edhesiny 15:4

Máá Guđóóllo, kúún tákáma saas man, mááya ko ma kikian, meenykú ma memeny? ˈDaa giri he ekeny kua ˈdúwa-, ka edhdheyyééllá, kidh met lulle hai ká yiimedhe, met les kurram hai ko gaa ˈdarama, gaalí yie.