Róóma 1:20 - Fayam Midhab Yiesu Kiristoká He Hol Af Iđiny Kaanaká

²⁰ Ameeny Waag les ka kuonneká fargogintlé biiyoká ubaa íín hát he lúl hí ki ijoká lúl hé édh-, kaany mánká tákáma. He met lullé Waag hí ka kuonnééllá in Waag ke il ma ki argirinyallá ˈduuwle gálaat aargisia. Aaléka gálaat Waag ˈduuwle hé hát níínní gaa faalanká mán.

Róóma 1:20 ပူးပေါင်းရင်းမြစ်များ

Matááyo 5:45

giri ˈJaa kíchia úr ijoká hí umle chegetoká. Hééllá he ˈdaa giri mu aadh gál ˈdeđewká ubaa gál ˈduuˈdúwaká ˈdú koy-, ir gál saas mánká ubaa gál saas ˈguoká ˈdú gáá haađuoká.

Márko 10:6

Tá Waag erkob he lulle ka kuonneká mááyab ubaa mááˈdieto he tág niiyye.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 15:22

Yú onnônyka ma ká yimen-, gáál ma geenyka, gaal hé onnônyka ađaabano mán. Tá káánaka, gaal hé hát níínní ađaabano gaa faalanká mán.

He Ekeny Gál Alb Fimiká 17:29

Aalé ˈdaa giri múún ke um Waaˈgietká ha ke Waag gil ony hí kate-, hí hórkí ubaa sibilaam tá waar tág gaa niiyyeká ke gaa sísin.

He Ekeny Gál Alb Fimiká 22:1

Mu kieye, Idhaamchú ubaa nyaaramchú, ˈdeeny chia yú hol ˈdú hogodhóóllá, ebá nee kóo, yie.

Róóma 1:19

Waag hééllá gáál ki ekemeychóóllá he ˈdaa giri Waag biiy gaa iđinyle ˈduuwle ubaa yaalmitlé kaany mán-, gáál kí edhesicheká gálaat hí gíl sug ki haađuoká.

Róóma 16:26

Aalé hát warˈgasam gál Waag hí ˈdeem ka shigicheká hí huogodheká ubaa hát Waag bííyyo ali iđóóllá hí muˈdeká, Fayam Midhab Kiristóóllá hé káána gálaat hí kidh lúl mamalsuo, giri gaal Kirísto iiy yeget-, mú el gaa igiroká.

Róóma 2:1

It halúg gálaat ˈdeđensetéel, itín hát níínní hí hol ˈdéé ˈdú hogotoká mán, ˈdaa giri it tikiˈde hí gáál ˈdeđensetééllá hí hé tikiˈde gaal íín hí ekemeyóóllá úba hí ekemeychóóllá. Af giri hí gálaat hatal ˈdeđensetoká itín dhúr kíchia hí hol ˈdéé ki iđiny Waaˈgiet ˈdú gáá egeyye.

Róóma 2:15

Gálallá húgúmle hemuumurit kinaal hát gaal íín ger gaa iđoká he gálaat ká aargisia. Gáál úba hé kasle hí af tatiyyo. Aalé kúlích gaal Waag met ki ˈdeenká, gaal héllé ˈdeđew-, eekemeyká, tawunyle haí ˈdeđensete, héétí héllé midhab-, eekemeyká, tawunylé kinaal úba he hát midhabká haí geđicha.

Korínto Erká 1:20

Aaléka, gál ˈdaalleléká ubaa gál gálaat nyatalaam oonisuoká, tá gál lésalka ˈdéé huogon súm ógká kor meete gáál ká geđia? Waag hé ˈdaalim lesalloká hé đeeymo hoycheká muuniny?

Kolosááya 1:15

Waag ki ma arginyallá Inylé Kirísto ke argeka, hát hé ke íín arge. Iny íínííllá he lullé Waag hí ka kuonnééllá máállé hí mé ki yaalká.

Kolosááya 2:9

Hééllá he ˈdaa giri Waag aalmichle alulle Kirísto ˈdalidhe-, gon ˈgúóllá gaa iđoká.

Tímote Erká 1:17

Aaléka, Kánsích taalle bííyyo ali ijo-, ki il ma ki argiriny-, íín tákámle Waagallá, taalle bííyyo gaalí meemeyo, gaalí ˈdúúw shiiguo. Iiy-hí, he hí hát kinaallá yeet.

Tímote Erká 6:16

Mu íín tákáma he Máá ma kufuminy-, édhúm ki ma kí ˈjoobononká gaa ijoká. Mú hé kálta máá hí argeká mán. Máádhat hé fargogint níínní ˈguo-, mú ki aargiroká mán. ˈDuuw ubaa guch biiyoká hí mú hélle yeet. Iiy-hí, he hí hát kinaallá yeet.

Héberew 11:27

Mú iiy yeenle ˈdaalleka in mu lés Misirayim gaa kie. Har káána úba máá giri kansichká mú ˈdú idhaneka, mu hé mú ma kían. Mu hát máá Waag gaalí ma arginyallá il ki argokáka, mu mé ki chirte, sienyle sedhe.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.