Róóma 1:17 - Fayam Midhab Yiesu Kiristoká He Hol Af Iđiny Kaanaká

¹⁷ Fayam Midhaballá héllé gáál geđichoká he ˈgíérích Waag hí gálaat ki ˈduuwaychoká. ˈGíérích kinaallá he iiy yeen kúnnaa er ke Kirísto iiy yie-, tá taalle ke mú iiy yegetallá tákáma, hát giri káána Warˈgat Waaˈgiet hí hote-, kieye, He ˈdaa iiy yeen máádhat hí Waag iiy yie-, hí ˈgúóllá in Waag mú máá ˈdúwaká chie, mú luolmít shiiche, chieká.

Róóma 1:17 ပူးပေါင်းရင်းမြစ်များ

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Róóma 10:3

Gaal hé ˈgíérích Waag hí gálaat gál ˈdúwaká ki chegetoká eiy ma náásan. Gaal ˈgíéríchlé éíy taaka-, kasleka hol innum Waaˈgietka hol gál ˈdúwaká hođuoká he nanadha. Tá ˈdaa giri gaal he ˈgíérích Waag hí feˈdoká iiy ma yéen-, ma náanká, gáál hé Waag hí gál ˈdúwaká ma chegen.

Róóma 3:21

Aalé káána Waag hé kár gálaat gál ˈdúwaká ki hođichoká gáál kí edhesiche. He veerit Moshe ubaa he veerit gál Waag hí ˈdeem ka shigicheká kárallá ˈdeenylé he hogodho. Kárallá hé hemuumurít el gaa igiritle ˈdaalle ma ki taaliny.

Róóma 3:22

Kar ˈdaa Yiesu Kiristo he ki taalla. Gálaat lulle Yiesu Kirísto iiy yeget-, har káána úba gál kídh mákártaká kátaka, Waag saas haí gaa egeyye, innum Waaˈgietka gaal gál ˈdúwaká hai yegedhe.

Róóma 3:3

Tá gál Yuuˈdííllá hé ˈbaal ˈdeeny Waaˈgiet ma chíran. Gáál ˈdéé ma ki yaalintlééllá he in kieye, Waag héllé hotééllá hé tagle muuninyo, he yegedhe?

Róóma 9:30

Aalé hééllá háte ki gaa yeedhe? Har káána úba gál gál Yuuˈdi muuninyká Waag hí gál ˈdúwaká chegetoká kis mé ma ká ˈgiinyka, ˈdaa giri he Kirísto iiy yieká in Waag hí gál ˈdúwaká chie.

Korínto ki Naamaká 3:9

Har he hol af iđiny kisso-, hemuumuriti-, gálaat ˈdeđensetóóllá ˈdúúw ˈgayyoka, he af iđiny kaana-, múún gáál Waag innumleka gál ˈdúwaká gaa hođichóóllá ˈduuwle hé súm ma guđanany?

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Galátia 3:11

Hemuumurít el gaa igiritle hát máádhat innum Waaˈgietka mú máá ˈdúwaká ma hođinyká hé ki óg, ˈdaa giri máádhat hemuumurít lulle el ma gaa igirinyká. Warˈgat Waaˈgiet hé hoteká kieye, Gál innum Waaˈgietka ˈdúwaká iiy yeen he Waag iiy yieká he ki ija, he chie.

Filíbi 3:9

mú nyí hol liiletká. ˈDuuw yú ˈguoká hai ˈduuw máálle nyatalaam el gaa igiroká onnôny, hí ˈduuw Waag hí máá Kirísto iiy yegetká shigichoká onnoyyo. ˈDuuw hatallóóllá Waago yé gáá ˈdeˈdeme, máá hí ˈguoká he máá Kirísto iiy yieká.

Héberew 10:38

Máá innum chia ˈdúwaká he máá iiy yeen ye iiy yieká he ki ija. Tá máá ye el hol gaa nadheká hé ye geer ma gaa meesiny, he chie.