Róóma 1:14 - Fayam Midhab Yiesu Kiristoká He Hol Af Iđiny Kaanaká

¹⁴ Hújích chiallá gál ushúmbaká ubaa gál ushúm muuninyká, tá gál ˈdaalim warˈgasano ˈguoká ubaa gál ˈdaalim warˈgasano mánká ˈdaallé he ki yaalla.

Róóma 1:14 ပူးပေါင်းရင်းမြစ်များ

Matááyo 11:25

Bár kinaal Yíésu kieye, Baabá, Máá Guđo úr ubaa les lééllo! ˈDaa giri kuun hé gál ˈdaalelle-, hínyaská in ká kaayyeká đalbááya eiy naasanle shiicheká, gielmitlé yú ko hol ˈdú gáá nannaa.

Lúka 10:21

Ál tikiˈde kinaal Yíésu Hím Naasan Waaˈgiet hí geer gaa meeyche, mu kieye, Baabá, Máá Guđo úr ubaa les lééllo, ˈdaa giri kuun hé gál ˈdaalelle-, hínyaská in ká kaayyeká đalbááya eiy naasanle shiicheká, gielmitlé yú ko hol ˈdú gáá nannaa. Baabá, hé ˈduwa! Hééllá hát kuun hí feˈdeká, Yíésu hí yie.

He Ekeny Gál Alb Fimiká 22:21

Aalé Máá Guđoká ye geey, kieye, Keʼ, sí, yú kidh fágatíá ko ali ˈdú kakaa, muí ye yie, Báulo hí gáál yie.

He Ekeny Gál Alb Fimiká 28:2

Koro kinaal gálle nyí ˈbule. Gaal ˈdaa giri les ir hí gaa tutune-, ali ˈdéeny ˈgayyeká, gaal ˈjiet iđie, nyí ká vie, nyí ˈjiet ˈbuusate.

He Ekeny Gál Alb Fimiká 28:4

Gál giri koro kinaalloká mú reew hí gíl gáá rereenne-, argeká hol af ki helie, kieye, Máállá gon máádhato he yies. Har úba bás kúfáchle kar gáá ˈdoyka, nyúógích kinaallá ađaable hé hí chiesalâm! gaalí yie.

He Ekeny Gál Alb Fimiká 9:15

Aalé Máá Guđoká mú geey, kieye, Mú ˈdú sí, mu íín he faˈd chia yú galay-, meenychú gál kaansúoká, ubaa kidhlé, tá gál Yisirayel lulle mamalsuoká.

Róóma 1:22

Gaal gál ˈdaalle léká hol yegedhe, kor gaal hé đées yie.

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Róóma 12:16

Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Róóma 13:8

Ew hí ˈgayyaká hí tikiˈd tákámle onnoyyo. Hé kinaallá he giri hí hol gielmít aargisichoká. Tá har hí gálaat gielmít aargisichoka, af kinaalka hemuumurit Waaˈgieto hí đuđusicha.

Róóma 16:19

Hát hí Kirísto hát ˈdabaanká el gaa igiˈdóóllá hé gálaat lulle hí maale. Yaalmit kíchiallá hé tág ye geer gaa meeyche. Hát yú hí gaa fedoká he giri itín hé ˈdúwa-, hí ekemeychoká ˈdaalimle hí ˈgayya-, hí hé ˈdeđewká hol gáá faaganaychoká.

Róóma 8:12

Aaléka, nyaaramchú, muun káána ke ađaabano gim yé gáá ˈdíéllá, ha geđi ke hé balt gón kúnno hí gáál ki mumuˈdoká hol ˈdú náan.

Korínto Erká 14:11

Tá har af máádhat hí hogodhoká yú móíytaka, af kinaalka yú mu íínka, hát máá kídh éíyyo muí ye ká dhaˈgama, mu íín úba yúka, hát máá kídh éíyyo yú ká dhaˈgama.

Korínto Erká 14:16

Har sídhkú Waag vivisato-, Waag memeychoka, gál Waag hurt gaa vivisato kinaallá, ˈdaa giri kuun hát Waag gielmít hol ˈdú nanniyyoká muogká, háteeye, Iiy-hí, he hí hát kinaallá yeet, yegedhe? Gaal in hé kua hogotoká má maalo háluke!

Korínto Erká 2:13

Muun hé ke hogodhóóllá hé ˈdéé hót ˈdaalim gálaat ke gaa onodheká ki ma ki hogon, muun ˈdéé hót Hím Naasan Waaˈgiet hí gáál onisicheká ki hogodho, giri tawuny Hím Naasan Waaˈgiet yé gáá ˈdeˈdeenká ke ˈdeem Hím Naasan Waaˈgiet hí gáál ka shiichééllá ke gálaat eiy ki nannuoká.

Korínto Erká 3:18

Máádhat hai hol nyiimísan. Itín mú tikiˈd hol máá ˈdaalléká ká dhaayka, máá kinaallá innum gál lesallokáka hí máá đeechká yeet, giri mu ˈdaalim Waaˈgiet ˈdaa ki liiletká.

Korínto ki Naamaká 10:12

Nyáá nyí gál hol gál ˈdúwaká ka dhaˈgasanallá hol ma ki ekemeny. Gál hatallóóllá ˈdaa giri dhúrle hol ki ekemeset-, mááya máátí ˈdú ˈdúwa yegetallá, in hé níínní eiy nannasatká man.

Korínto ki Naamaká 11:19

It hol gál ˈdaalle léká ka dhaˈgasannóóllo, it tág hí gál đéeská af nee kokoyyoká feˈde.

Kolosááya 3:11

Aalé káána it ál níínní hol ki fooˈdo-, hí kieye, Máállá máá Hellen, máállá máá Yuuˈdi, máállá hé hermite, máállá hé ma hermísan, máállá máá kídh éíy, máállá máákúnno muuniny, máállá he gedech, máállá he máá ˈdúwaká hí hol ki chegetoká mán. Kirísto ííni gúúđo, gál hí iiy yieká lulle gaa ija.

Tímote ki Naamaká 2:10

Aalé gál Waag hí waarateká ˈdaalle ˈdugaka, yú he met lullé mé ki chiirta, giri gaal íín úba rúbách Yiesu Kirísto hí gáál shiguo-, ˈduuwle bííyyóóllá aargiroká.

Títo 3:3

Muun úba héle kíssóótí he gál đées-, metle ki seseme-, hé lesalloká hí nyiimite-, bált met lulle ˈgar kirmite-, hé ˈdeđewká gaa seseme-, hinááf ˈgie-, gálaat hí nebeney-, íín úba hol nebeneyká.