Matááyo 9:2 - Fayam Midhab Yiesu Kiristoká He Hol Af Iđiny Kaanaká

² Ál kinaal gálaat máá héljoká rokoˈd ˈdu gáá iifite, mú Yíésu ˈdu gáá eey. Yíésu gáál iiy yeenle argeká máá giri héljoká geey, kieye, Inychú, ha geer mare ˈgíiny! Ađaabanokú yáá ko gaa eey, yie.

Matááyo 9:2 ပူးပေါင်းရင်းမြစ်များ

Matááyo 14:27

Yíésu đo ál tikiˈde kinaallá ˈdéé hodhe, kieye, Haí néeny, he yú, sierm hayyíe! gáál yie.

Matááyo 4:24

Mú ˈduuwle úba lés Siria bash ki chie. Gálaat gál lullé basham ˈgie-, hát káána gál fursam met hí hol ka eiy eiyye-, kuukúllaká ubaa gál aryáán hí hilleká, tá gál farich ˈguoká, héétí gál héljoká mú ˈdu gáá shuune, mu gáál lulle bisie.

Matááyo 6:12

Hé nyí ˈdeeđeneycheká ˈdaalleka nyí ˈdú ˈjé, hát tikiˈde nyiin gál nyí he ki ˈdeeđeneyká nyí ˈdú ˈjiiyyééllá.

Matááyo 8:10

Yíésu mú ˈdeenyléél af ˈdabe, gál giri hí el gaa igireká geey, kieye, Yú hí hé ˈdúwaká geeye, lés Yisirayel geerle lulle yáá máá iiy yeen guđo hatallóóllá ˈguoká ma gaa árginy!

Matááyo 8:16

Biiy gelga chieká gálaat gál burnay-, aryáán ˈguoká Yíésu ˈdu gáá eey. Yíésu ˈdéé hótle gáál aryáán yiem ki ˈdeey. Mu gál basham ˈguoká lulle bisie.

Matááyo 9:22

Aalé Yíésu hol gáá made, min ki fuˈjie, kieye, Veelééllo, ha geer mare ˈgíiny! Iiy yeen kua ye iiy chíéllá hé ko bisiche, yie. Min đo tíkíˈdé kinaallá fayante.

Matááyo 9:5

Hé máre súm hawul man yú hogodho? He in ađaabanokú yáá ko gaa eeyyo, yú yeedhee? Ebá keʼ, sí, yú yeedhe?

Matááyo 9:6

Aaléka, yáá Iny Máádhátallá hát kansim yáálle lésalláka gálaat ađaabano gaa egewká ˈguoká dhaayyíe, muí gáál yie. Yíésu đo máá héljo kinaal geey, kieye, Les gaa keʼ, rokoˈdkú éew, énykú mé naʼ, yie.

Márko 1:32

Gelga-, aadh dhúú ˈjiiyyeká gaal gál burnay-, basham ˈguoká ubaa gál aryáán hí hilleká Yíésu ˈdu gáá shuune.

Márko 10:49

Yíésu đo ali ki ˈdie, Mú ka vée, yie. Aalé máá giri in mánká gaalí ká vie, gaal kieye, Ha geer ko gaa ˈdeenêny, ka kííso, mu ko veeme, gaalí yie.

Márko 5:34

Aalé Yíésu min geey, kieye, Veelééllo, iiy yeen kua ye iiy chíéllá hé ko bisiche. Waag ki sí, ál ko gáá ˈdiiyyééllá hát ˈdabaanká gaa bé. Naaná yíéđig, yie.

Márko 6:50

Gaal lulle mú argeká sierm ˈdeewká hí faanne. Mu đo gáál geey, kieye, Haí néeny, he yú, sierm hayyíe! yie.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Yuána 2:25

Mu ˈdaa giri hé gaalí ger ka ˈguoká ógká, hé máá éíy taaka hegete-, hí ˈdeeny máádhat geđieká mán.

Yuána 21:5

Aalé Yíésu gáál vie, kieye, Ummo, it béch níínní hí ka argiyyeká mân? yie. Gaal kieye, Mán, gaalí yie.

He Ekeny Gál Alb Fimiká 14:9

Mu ˈdeeny Báulo hí hogodheká nee koy. Aalé Báulo mú tág gaa dhaayká, mu iiy yeen máálle gaalí biisuoká ˈgaa.

He Ekeny Gál Alb Fimiká 19:12

Báulo shaashamle ubaa đafaraamlé muí đafaraam ˈdug ˈdú higiteká úba gaalí gál basham ˈgieká ˈdú eedhdheka, gaal đo hai bie, aryáán đo gálaat yiem hai gaa ˈdiiyye.

He Ekeny Gál Alb Fimiká 23:11

Aalé kúlích kinaal chúúrélle Máá Guđoká Báulo láá ki ˈdie, kieye, Ha binenêny, hát tikiˈde giri ye Yerúsalem gaa ˈdiiyeennééllá, ˈjien Rooma úba ha ye gaa ˈdiyeenne, Máá Guđoká hí mú yie.

Róóma 5:11

Héétí, ˈdaa Máá kúnnaa Guđo Yiesu Kirísto giri múún ubaa Waag gáál hol hilsíélláka in muun káána úba ke Waag gaa geyyime.

Yákob 2:18

Tá kálmareka, mú tikiˈd hatallá hai yeedhe, Kúún kó iiy yeen ˈgayyo, yú yáá he ekeny ˈguo, hai yeedhe. Ebá iiy yeen kua hé gaa ekemeycho-, mánnallá ye ka argísish, tá yú íín hé chia ekemeyoká iiy yeenchú hai ko aargisicha.