Matááyo 9:18 - Fayam Midhab Yiesu Kiristoká He Hol Af Iđiny Kaanaká

¹⁸ Aalé Yíésu ˈdeeny kinaal huogodheká, gál Yuuˈdi máállé kansich mare hí ˈdu gáá yimie, mú met les kurram gaa ˈdoy, mú ruogone, kieye, Ini chia ninni hé káánallá eiy ˈgeyye, gillo yú ko ki efe, kí énychú siet, inichú gílkú ˈdú íífish, ini hí loolnot, yie.

Matááyo 9:18 ပူးပေါင်းရင်းမြစ်များ

Matááyo 14:33

Gál kádích kinaal gaa ijeká lulle mú vite, kieye, Hé ˈduwa, kúún gon Iny Waaˈgiet! gaalí Yíésu yie.

Matááyo 15:25

Aalé min đo Yíésu bala kí ˈdiiyye, mú ˈgas met les kurram gaa ˈdoyye, kieye, Máá Guđo, ye ˈdú ˈjé! chie.

Matááyo 17:14

Aalé gaal he nyesebich álle kí ˈdieká mú tikiˈd ká yimie, Yíésu met les kurram gaa ˈdoy,

Matááyo 20:20

Aalé hele Dhebeˈdaya ubaa ˈjielle Yíésu ˈdu sedhe. Hele Dhebeˈdayáál ˈjielle Yíésu met les kurram gaa ˈdoyye, mú gil ki efiyye, giri mú he rogononnoká.

Matááyo 28:17

Gáál Yíésu hí ál kinaal yé ˈdu gáá ˈdieká, gaal Yíésu vite, kor gáál ˈdáá tikiˈd mú ki nadhe.

Matááyo 8:2

Aalé máá nyókot ˈguo mare mú ˈdu gáá yimie, mú ˈgas met les kurram gaa ˈdoy, kieye, Máá Guđo, har feˈdoka, ye faayansichoká kó uˈdo, yie.

Matááyo 8:25

Gál láliká Yíésu fame, mú kiisie, kieye, Máá Guđo, nyí rig! Ha nyí gaa bebeyye, yie.

Matááyo 9:17

Héétí gálaat hé ˈduuny vinna kaana-, hátle ma kárinyká orgom guguđandheká ma fafiny. Har gaalí fieka, ˈduu he kareka, orgom đo eiyyo fufuadhe, ˈduu hai okoˈde, orgom đo hujich hai ˈdabe. Gálaat ˈdaaka ˈduuny vinna kaanaká orgomlé kaanaká fafaa, hát kinaallá in ˈduu ubaa orgom ma ˈdeđenen, Yíésu hí gáál yie.

Matááyo 9:19

Aaléka, Yíésu ubaa lalille kie, mú hol eedhdhe.

Matááyo 9:24

ˈBíl yé gaa ˈdée, ini hé mán ma chéen, ini hai rayye, yie. Gaal đo mú ˈdeenyléél eeshey.

Lúka 13:14

ˈDaa giri Yíésu hí Kúlích Hef ˈGisanká min gaa bisieká, in ˈbíl ˈdiiyiminy kinaal máállé hí mé ki yielká idhane, gál ál kinaal ijeká geey, kieye, Ram le gálaat hí hujich gaa nannaa. Rám le kinaallá gáá yiimedhíe, gaalí gaa biibisuo, tá hé Kúlích Hef ˈGisanká muuniny, gáál yie.

Lúka 18:18

Aalé máá kansich mare Yíésu vie, mú yiete, kieye, Máá ˈdúwa-, gálaat he oonisúóllo, háte yú ˈdeeme, giri yú luolmit biiyoká aargiroká? yie.

Lúka 7:2

Ál kinaal hé máá yuoy kúˈd tikiˈd mé ki yiel mare hí gaa ije. Máá kinaal gédéchlé súm geelney mare kulnadhe, mu onnônyka hai kufume.

Yuána 11:25

Aalé Yíésu kieye, Uushim yiem gáá ˈdeeny ubaa luolmít he yú. Máá ye iiy yeetká har úba kufúminyka hai loolnodho.

Yuána 11:32

María ál Yíésu hí gaa ijeká nyuoˈde-, mú argiyyeká, mú ˈgas met les gaa ˈdoyye, kieye, Máá Guđo, kúún állá gaa íđinyka, nyárchú hé ma kufúminy, chie.

He Ekeny Gál Alb Fimiká 13:15

Aalé hemuumurit Waag hí Móshe ka shiicheká ubaa gál Waag hí ˈdeem ka shigicheká ˈdeemle túóy hí đuyyeká, ˈbíl ˈdiiyiminyká gállé guguđo-, hí mé ki ˈgieká máádhat mú Báulo ali ˈdú kaay, kieye, Nyaaram kínyia Yuuˈdííllo, har ˈdeeny hí gálallá af ki tatiyyoká hí ˈgayyaka, ka kée, gáál af táa, yie.

He Ekeny Gál Alb Fimiká 28:8

Aalé Bobílyo ˈjaallé báásh ˈgie-, geer hí ˈjie mare úba ény kinaallá he gaa ije. Báulo ˈbíl muí gaa iifeká hile, mú gil ˈdú fie, mú Waag ki vite, mu bie.