Matááyo 9:15 - Fayam Midhab Yiesu Kiristoká He Hol Af Iđiny Kaanaká

¹⁵ Yíésu gáál ˈdéé hol ˈdú nie, kieye, máá eedhdheká háteeye gál shien ki kiere-, he hol af ijoká geer hí gaa ˈdeđendhe? Hé ger hí ma gaa ˈdeđenen. Kúlích máá eedhdhe kinaal Waag hí gálaat hurt gaa egeetoká ali hai kí ˈdeenne, bár kinaallá in gaal af higita.

Matááyo 9:15 ပူးပေါင်းရင်းမြစ်များ

Matááyo 9:14

Aalé Yuána gálaat bie gim nannieká lalille Yíésu ˈdú sedhe, mú heete, kieye, Nyiin ubaa gál Farisaay af burnayká nyí af higisata, tá háteka lalikú íín af ma higisanal? gaalí yie.

Matááyo 9:16

Hé máá níínní đafar káánaká toort gáá muuro-, toort đafar guđanteká ki ˈdaraanká mán. Hat muí hát kinaal koyka, toort đo súmmo he đafar guđanteká eiy ˈgiˈgidhicha.

Márko 2:19

Yíésu gáál ˈdéé hol ˈdú nie, kieye, Háte máá eedhdhe-, shien yieská dheegle af higisata, kor mu íín gáál hol af ija? Hé hát kinaallá muuniny. Máá eedhdhe kinaal ubaa dheegle hol af ijoka, hé af ma higisan.

Márko 2:20

Kulich íín ali hai kí ˈdeenne, giri máá eedhdhe kinaal Waag hí gálaat hurt gaa egeetoká. Af kinaallá in gaal af higita.

Lúka 17:22

Aaléka Yíésu lalille geey, kieye, Bár Iny Máádhat hí hol af eiy gaa láká ali hai kí ˈdeenne. Bár kinaallá hí mú aargiˈdaká it tág feˈde, har úba kulich tikiˈd tákámle onnônyka. Tá it kúlích kinaal ma aargiriny.

Lúka 5:34

Yíésu gáál geey, kieye, Gál gaalí kiereká máállé shien yieská hí hurt gaa ijoka úba af hai hígíta?

Lúka 5:35

Kúlích máá shien yies kinaal Waag hí gálaat hurt gaa egeetoká ali hai kí ˈdeenne, bár kinaallá in gaal af higita, Yíésu hí gáál yie.

Yuána 16:6

ˈDaa giri yú hí hééllá geeyká, in ger hí gaa ˈdeenedhe.

Yuána 3:29

Máádhat ini egeetka, shééléchlé hí met egesse, hí af nee kokodhdho. Máá egeetká shééléchle hí af maaleka, shééléchle đo geer súm haí gaa meedhe. Yú úba yáá tág geer ye gaa meedhe.

He Ekeny Gál Alb Fimiká 14:23

Báulo ubaa Barnábas aflé higite-, Waag viviteká gál Kiristo ˈjien kinaallo-, alb hí hol ka eiy eiyyeká gállé hí met ki ˈdeenká le gaa shuune. Gaal Máá Guđo Yíésu he iiy yieká gáál gíl geer fie.

Korínto Erká 7:5

Beel ubaa minle hai hol ˈdú síé hol ka rirían. Tá gaal har hol ˈdéé af gáá maaleka tákáma in rám mákártaká hol ˈdú síé ali kokoo, Waag visan mé verene. Tá rám iraam mán kinaallá ˈgiteka, gaal hí geđi hol ˈdú siet, giri Sátan gáál hé ˈdeewká mé ma ki kokony-, gaal hol mony ma ˈdaabiny-, gaal ađááb ma higilinyká.

Korínto ki Naamaká 11:27

Yáá laađame, hol hujich ki yies, ram ˈdaˈdabe. Yáá mar ubaa báre ye chegies, yú af burnayká af higite, ˈdéeny gaa rafame, đafaraam ˈdúwaká mannay.

Kí Edhesiny 19:9

Aalé máá giri ˈgasso-, urruká ye geey, kieye, Hééllá warˈgát gaa véer: Gál Eliny hí gólóllé eenká kí vieká ebá Waag hí ˈdú ˈjiiy! yie. Mu geđi ye geey, kieye, Hééllá he ˈdeeny ˈdúwa-, Waaˈgietká, yie.

Kí Edhesiny 21:2

Aalé yú ˈjien Waaˈgiet-, Yerúsalemlé-, kaana-, hát ini gaalí bukay-, gaalí bélle shiguokáka ur Waaˈgiet gáá leletoká arge.