Matááyo 9:13 - Fayam Midhab Yiesu Kiristoká He Hol Af Iđiny Kaanaká

¹³ Aaléka, sedhíe, Waag ˈdeenylé kieye, Yú itín hí gálaat geer guurá ka ˈgayyaká hí gaa fede, yáá suor hí ma gaa fediny, chieká, hélle eiy naatíe. Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, muí gáál yie.

Matááyo 9:13 ပူးပေါင်းရင်းမြစ်များ

Matááyo 12:3

Yíésu gál Farisaay kinaal geey, kieye, It hé ˈDáwuˈd af giri ubaa sheelle ger hí gaa boloyká hí ekeyká Warˈgat Waaˈgiet ma gaa túony,

Matááyo 12:5

Héétí gál suoryoká hát Kúlích Hef ˈGisanká ˈBíl Waaˈgiet hujich gaa nannuo-, kor hújíchlé kinaal Waag hí ma ˈdú ˈdeđensenká it úba warˈgasam hemuumuriti-, Waaˈgietká gaa tuoycheká, muunîny?

Matááyo 12:7

Itín héle ˈdeeny Waaˈgiet kieye, Yú itín hí gálaat geer guurá ka ˈgayyaká fede, yáá suor ma fediny, yieká, hí eiy náásanka, it gál hé ˈdeeney mánnallá ma ˈdeđénsen.

Matááyo 19:4

Yíésu gáál ˈdéé hol ˈdú nie, kieye, Waag les ka kuonneká hát gálaat tág niiyyeká it Warˈgat Waaˈgiet ma gaa túony? Waag máá yab ubaa máá ˈdedhito he tág niiyye muunîny?

Matááyo 21:42

Yíésu gáál geey, kieye, Tá ˈdéé hót Warˈgat Waaˈgiet gaa iđo-, giri kieye, Wár gál é ˈdiˈdisoká hí điidheká hé ˈbíl árle yie. Wár kinaallá Máá kúnnaa Guđo Waago hí hát kinaallá koy. Yaalmit ke il ki argóóllá ebá gáál af gil fafaa! chieká it ma túony?

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 3:8

Saano húgúmle midhab-, gálle Waag makan fameká ˈgáa.

Matááyo 4:17

Ameeny kinaallá in Yíésu ˈdiiyiminyle mé gáá kodhdhe, gálaat geey, kieye, Hé ˈdeđew-, hí gaa seseenneká hayyíe, Waag makan famíe, Guch Waaˈgiet hé ká ˈjobonte, yie.

Márko 12:26

Ta gál kufeká uushim yiem gáá ˈdímle ˈdeenyle ití warˈgat Móshe hí veereká ma gaa túony, giri ˈgór bolomeká Waag hí ˈdéé gáá hote-, Waag kieye, Yú he Waag Abiraayam, Waag Yisak, tá Waag Yakob, Waag hí chieká?

Márko 12:33

Máádhat he Waag geerle, ubaa tawunyle, tá fargogintle lulle ki geelnedhe-, ubaa máá olle hát íín tuuˈdle hol gielallá geelnedheka, hé kinaallá hé suor ke Waag ki ˈdunmayoká ubaa suor ke Waag ki ˈgaˈgaloká lulle a mé ˈgite, muí yie.

Márko 2:17

Aalé Yíésu héél maaleká gáál geey, kieye, Gál fayyáká hé gilóny ma fediny, gál basham ˈguoká in gilóny fede. Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, yie.

Lúka 10:26

Aalé Yíésu mú geey, kieye, Warˈgat Waaˈgiet meete gaalí gaa veere? Meete gaa tuoyche? yie.

Lúka 19:10

Tá Iny Máádhat ka yimíéllá, gál bađayká he hol gaa ˈgeˈgedhe, he ririma, Yíésu hí yie.

Lúka 24:47

Fayam rubachietallá mú meenyle ˈdugaka erkob Yerúsalemo gaalí gaa ˈdiyime, tá gaalí kidh lulle ki ˈdiyime, giri gálaat héllé ˈdeđewká haađuo-, Waag makan fafaan-, Waag hí ađaabano ubaa nyuogim gaa egeyyoká.

Lúka 5:31

Aalé Yíésu gáál ˈdéé hol ˈdú nie, kieye, Gál basham mánká hé gilóny ma fediny, gál basham ˈguoká in gilóny fede.

Lúka 5:32

Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, giri gaal héllé ˈdeđewká haađuo-, gaal Waag makan fafaanká, Yíésu hí gáál yie.

Yuána 10:34

Yíésu kieye, Warˈgasamkícho hé ˈdeeny Waag hí hote-, kieye, Itín hí waagam, chieká, hé hí gaa mán?

He Ekeny Gál Alb Fimiká 11:18

Aalé gaal ˈdeenyéél maaleká hol ki fálaam hay, Waag meey, kieye, Taglé, Waag úba hé kidh kár he héllé ˈdeđewká ki haađuo-, gaalí makan ki fafaanká shiiche, giri gaal luolmít aargiroká.

He Ekeny Gál Alb Fimiká 2:38

Bétiro gáál ˈdéé hol ˈdú nie, kieye, Hé kíchia ˈdeđew-, hí gaa seseenká hayyíe, Waag makan famíe, lulkícho gaalí meeny Yiesu Kiristo bie gim ki nuo, ađaabano ubaa nyuogim kícho Waag hí gaa eeyyo. Hát kinaallá in Hím Naasan Waaˈgiet hí aargiˈda.

He Ekeny Gál Alb Fimiká 20:21

Yú yáá gál Yuuˈdi ubaa gál Hellen ki ˈdiiyime, giri gaal ađaabano ubaa nyuogim le haađuo-, Waag makan fafaan-, Máá kúnnaa Guđo Yíésu iiy yegetká.

He Ekeny Gál Alb Fimiká 3:19

Hé kíchia ˈdeđew-, hí gaa seseennoká hayyíe, Waag makan famíe, giri ađaabano ubaa nyuogim kícho Waag hí ˈdug gaa laanno-, hím kíchia hí nanniyyoká Máá Guđo Waag yé gáá ˈdeenká.

He Ekeny Gál Alb Fimiká 5:31

Waag hé mú gíl ˈdaallé naanietká iđisate, mú Máá Kansich-, ubaa Máá Rubachietká hoyche, giri mu gál Yisirayel fargogínt shiguo-, gaal héllé ˈdeđew-, gaa seseenká haađuo-, mú makan fafaan-, gáál muí ađaabano ubaa nyuogim gaa egewká.

Bétiro ki Naamaká 3:9

Waag héllé gáál af iđicheká gáál ˈbaal tala ki manítaka, íín he af iđinylé kinaallá hé tala ma gaa mannany. Waag ˈdaa kíchoka hé geer gaa guđo, gálaat lulle hí makan fafaanká he feˈde, hé máádhat hol eiy gaa ˈgiˈgisatká ma fediny.