Matááyo 8:9 - Fayam Midhab Yiesu Kiristoká He Hol Af Iđiny Kaanaká

⁹ Yú yáá máá ye ˈdú kansichká ˈguo, yú íín yuoyó mé ki yaalla, he ki mumura. Máá yú sí yeetká, đo hai sedhe, máá yú káde yeetká đo hai ká yimie. Héétí máá chia gedechká yú geey-, Hééllá naʼ, yú yieka, mu đo he hai nie, muí Yíésu yie.

Matááyo 8:9 ပူးပေါင်းရင်းမြစ်များ

Matááyo 8:10

Yíésu mú ˈdeenyléél af ˈdabe, gál giri hí el gaa igireká geey, kieye, Yú hí hé ˈdúwaká geeye, lés Yisirayel geerle lulle yáá máá iiy yeen guđo hatallóóllá ˈguoká ma gaa árginy!

Matááyo 8:8

Máá giri yuoy mé ki yiel kinaal Yíésu geey, kieye, Máá Guđo, yú yáá máá ˈdúwa-, ˈbílle kuun hí higilloká ma ká yaaliny. ˈDéé tákámle hoteka, gédéchchú đo hai bie.

Márko 1:27

Gálaat lulle he af ˈdabe, hol heegete, kieye, Héél meete? He he onisiny kaana-, hemuumurít ˈgayyokâ? Máálle aryáán úba he ki mumuro-, aryáán hí met gaa kekeenal! gaalí yie.

Lúka 4:39

Yíésu min láá kí ˈdie, min báásh yé gaa ˈdeey. Min đo midhante, les gaa kiiyye, gáál gololiche.

Lúka 7:8

Yú úba yáá gál ye ˈdú guguđo-, yú el gaa yaalká ˈguo. Yáá úba yuoy mé ki yaalká ˈguo. Máádhat yú geey-, Sí, yú yieka, mu đo met hai ye gaa sedhe. Máá éíy taaka yú geey-, Káde, yú yieka, mu đo hai ká yimie. Gédéchchú yú geey-, Hatallá ˈdé, yú yieka, mu đo hát kinaal hai ˈdie, gaalí Yíésu hatal yegetká.

Lúka 9:1

Yíésu gállé tomon a naamaká hol ˈdu gáá vie, mu gáál fargogint gaalí aryáán lulle yé ki ˈdeđuoká ubaa fargogint gaalí basham yiem ki ˈdeđuoká shie.

Kolosááya 3:22

Géde, gál hí léká hát lulle met gaa keekeemíe, haí gál gállé guguđoká af giri he alb ijoká tákámle hujich hát ˈdabaanká nannuo-, gáál ger gaa memeyoká onnôny. Hújích kíchia hí nanniyyaká hát ˈduwanti-, itle hí Waag kikiatoká ka naannáa.

Títo 2:9

Gál gédeká af táátaʼ, giri gállé hí hoteká hát lulle met gaa kekeen-, gáál ger gaa memesuo-, gáál ˈdéé af hol ma ki nanninyká.