Matááyo 8:20 - Fayam Midhab Yiesu Kiristoká He Hol Af Iđiny Kaanaká

²⁰ Aaléka, Yíésu mú geey, kieye, Mana godollé he gaa ija, hurum hé ényle ˈguo, tá yáá Iny Máádhátallá yáá ál ˈguo-, mé les ˈdú igifuoká mán, yie.

Matááyo 8:20 ပူးပေါင်းရင်းမြစ်များ

Matááyo 12:32

Máá Iny Máádhat ˈdeeny ˈdeewká ki hodhoká, máá kinaallá héllé ˈdeeney kinaal Waag haí haađicha. Tá máá Hím Naasan Waaˈgiet ˈdeeny ˈdeewká ki hodhoká, ađaablé he hílééllá hé bííy kaanalloká ubaa bííy biraamiet ka chiimetóótíá Waag hí ma haađiny, Waag mú ˈdéé hai ki iđimicha.

Matááyo 12:40

Yónnas hát beech geer kulich ubaa chúúre seđ gaa ijeká, Iny Máádhat úba uushich kulich ubaa chúúre seđ hai gaa rafama.

Matááyo 12:8

Tá Kúlích Hef ˈGisanká máállé hí mé ki yaalká he yáá Iny Máádhátallá, Yíésú hí gál Farisaay yie.

Matááyo 13:37

Yíésu gáál geey, kieye, Hib máálle les fafuo-, ár midhabká fíéllá he yáá Iny Máádhátallá.

Matááyo 16:13

Aalé Yíésu ˈjien Kaisaria Filibi lésle ki ˈjieká lalille heete, kieye, Gálaat yáá Iny Máádhátallá in mááya he ye yegedhe? yie.

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

Matááyo 17:9

Aalé gaal he gum gáá leledheká, Yíésu gáál il gíl gaa helie, kieye, ˈDaab yáá Iny Máádhátallá he uushich yé ma gáá ˈdíinyká hé hí argiyyééllá haí máádhat géeny, muí gáál yie.

Matááyo 19:28

Yíésu lalille geey, kieye, Yú hí hé ˈdúwaká geeye, af giri lés kaanaká ka chiimeto-, yáá Iny Máádhátallá kara chia guchiká ˈdug ˈdú yíéđianká, it hí ye el gáá veeˈdééllá úba karm guguchi-, tomon tikiˈde a naamaká haí ˈdú yíéđianna, giri hí é meet tomon tikiˈde anaama-, Yisirayelká met ki ˈgiiyyaká.

Márko 8:38

ˈGál kulichallo-, Waag hay-, ađaabano ˈgúóllá máá mákárta-, yú ubaa ˈdeenychú ˈdugaka kern hí ˈgiidhoká, Iny Máádhat máá kinaallá argeka úba kern haí ˈgiidha. Hé kinaallá he af giri mu édhúm ˈJaalle kí yiimet-, ubaa gállé ˈgasso-, urru-, Waaˈgietká hol ká egeetká, muí gáál yie.

Lúka 12:8

Yú hí geeye, Máá gálaat metle yú ye mááchú gaa yeetká, máá kinaallá yáá Iny Máádhátallá Waag gállé ˈgasso-, urruká metle úba mááchú ha yú gaa yeedhe.

Lúka 18:8

Yú hí geeye, Waag gálle ál ˈjob ˈdéé hát ˈduwantiká hai ˈdú hogoto. Tá hé kinaal kí hayo, Iny Máádhat ka yiimetká, mu hé gál hí iiy yieká lésallá gaa aargiro? Yíésu hí gáál yie.

Lúka 2:12

Mu hátlé hí kiimisatoká hééllá: Hí sieteka, veel ninni-, gaalí đafaraam bue-, súm gaa iifoká haí aargiˈda, muí yie.

Lúka 2:16

Aalé gaal harare, gaal María ubaa Yúósef, tá veel giri ninni-, súm gaa iifeká af kí ˈdie.

Lúka 2:7

María veel nyigeeny-, ˈgas kí kooteká ˈdalle. ˈDaa giri gaal é ííf gaa ˈdabeká véel súm gaa iifiche, véel đafaraam buuyye.

Lúka 21:36

Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

Lúka 8:3

ubaa Iwánna, giri min Kussa-, bélle máá kansich Heróˈde hujich ki nannieká, tá Susánna. ˈDegééllá ubaa ˈdeg éíy taaka burnayyeká héllé ˈgayyeká Yíésu ubaa lalillé tomon a naamaká he ki wawayche.

Lúka 9:58

Yíésu mú geey, kieye, Mana godollé he gaa ija, hurum hé ényle ˈguo, tá yáá Iny Máádhátallá yáá ál ˈguo-, mé les ˈdú igifuoká mán, mú yie.

Yuána 1:51

Yíésu geđi mú geey, kieye, Yú hí hé ˈdúwaká geeye, ur af hí furme-, gál ˈgasso-, urru-, Waaˈgietká úr mé nannuo-, tá Iny Máádhat ˈdu gáá leledhoká haí aargiˈda, Yíésu hí gáál yie.

Yuána 12:34

Nyesebich kieye, Warˈgat Waaˈgiet hé nyí gaa maaleká kieye, Messíya bííyyo ali he ija, he chie. Tá háte geđi kúún kieye, Iny Máádhat lesso gaalí gaa egee? chegedhe. Iny Máádhátallá he mááya? gaalí mú yie.

Yuána 13:31

Aalé Yúúˈdas sedheká Yíésu kieye, Iny Máádhat káána hai ˈduuwaa, Waag íín mú hai ki ˈduuwaya.

Yuána 3:13

Hé máá níínní úr mé nieká mán, Máá úr gáá leedheká tákáma. Máá kinaallá he Iny Máádhát.

Yuána 3:14

Hát tikiˈde Móshe gibit chár tág gaa nieká ˈgór ˈdú ˈdoy-, ˈbakat álle úr ki eeyká, in Iny Máádhat úba gaalí hát kinaal úr ki egee,

Yuána 6:27

ˈGuom geere-, ˈdeđenetoká haí ˈdú aayáˈginy, ˈguom ma ˈdeđenen-, Iny Máádhat hí ka shiguo-, hí luolmit biiyoká yé ˈdú ˈdeđichoká ˈdú aayaˈgáa. Iny Máádhat íín he Máá ˈJaallé Waag hí ˈduuwle gálaat ki edhesieká, Yíésu hí gáál yie.

Yuána 6:53

Yíésu gáál geey, kieye, Yú hí hé ˈdúwaká geeye, ˈdaab itín hí gón Iny Máádhat ma kôny-, ubaa hí mú fásle ma înyká, it luolmit hí gaa iđoká mán.

Yuána 6:62

Tá itín Iny Máádhat hátlé úr mé nannuo-, állé er he gáá yimieká hol ˈdú nannaatká hí aargírinyka, háte hí chíe?

He Ekeny Gál Alb Fimiká 7:56

Aalé Estéfan kieye, Bá dhaayyíe, úr hé af hí furme, Iny Máádhat Waag gíl ˈdaa naanietká yaal, muí yie.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.