Matááyo 8:16 - Fayam Midhab Yiesu Kiristoká He Hol Af Iđiny Kaanaká

¹⁶ Biiy gelga chieká gálaat gál burnay-, aryáán ˈguoká Yíésu ˈdu gáá eey. Yíésu ˈdéé hótle gáál aryáán yiem ki ˈdeey. Mu gál basham ˈguoká lulle bisie.

Matááyo 8:16 ပူးပေါင်းရင်းမြစ်များ

Matááyo 12:22

Aalé gálaat máá aryáán hí hille-, aryáán hí in ubaa af ˈdabsiche mare Yíésu ˈdu gáá eey. Yíésu mú bisie, mu đo biiy gaa arge, ˈdéé huogodhe.

Matááyo 14:14

Yíésu bás ílung ka ˈdoy-, kadich gáá leedhe-, nyésébích ilishká argeká, gáál geer hí ˈdú gudhdhe, gáál gállé fursam ˈgieká bisie.

Matááyo 8:15

Mu đo min gíl chiˈde, min đo furs hí yé gaa ˈdie, les gaa kiiyye, Yíésu gololiche.

Matááyo 8:33

Gál golchom kinaal ˈdeˈdemeká ˈdoˈdodhdhe, é fame. Gaal he lullé giri il hí argiyyeká ubaa gál aryáán ˈgieká hát bieká huogodhe, gálaat geey.

Matááyo 9:2

Ál kinaal gálaat máá héljoká rokoˈd ˈdu gáá iifite, mú Yíésu ˈdu gáá eey. Yíésu gáál iiy yeenle argeká máá giri héljoká geey, kieye, Inychú, ha geer mare ˈgíiny! Ađaabanokú yáá ko gaa eey, yie.

Márko 2:3

Yíésu hátlé gáál ˈdeeny Waaˈgiet oonisieká gál afur mare máá héljoká mú ˈdu gáá eey.

Márko 5:8

Hé muí hatallá ki yíéllá, he ˈdaa giri Yíésu mú geđie-, Aryaan ˈdeewallo, máállá yé gaa ˈdé! yieká.

Márko 9:25

Yíésu nyesebich ali ˈdu gáá kirmita argeká, aryaan ˈdeewallá ki ˈday, kieye, Kó af ubaa nee mánnal, he yú ko ki mure, íny yé gaa ˈdé! Ha geđ íny híliny! yie.

Lúka 13:12

Aalé Yíésu min argeká min vie, min geey, kieye, Minnééllo, baash hí ko yé gaa ˈdie, yie.

Lúka 4:40

Aadh dhúú ˈjiiyyeká gálaat lulle gállé basham ˈgie-, basham hí hol ká eiyyeká mú ˈdu gáá eey, mu gáál lulle gil ˈdú fie, gáál bisie.

Lúka 4:41

Aryáán gál burnayká yiem gaa ˈdiiyye, koˈdam ˈdanne, kieye, Kúún he Iny Waago! chie. Yíésu aryáán il gíl gaa helie, giri aryáán shab chegetká. Aryáán mu hát he Messíyaká hé onnoyye.

He Ekeny Gál Alb Fimiká 5:15

Héél ˈdaalle ˈdugaka gálaat gál basham ˈgieká ˈgierim af ká sidhe, gáál kubano ubaa rokodo ˈdugano ˈdú iifie, giri kerka Bétiro ál kinaal ká nadheka, gáchle gáál ˈdáá tikiˈd gáá nannaat-, giri gaal miidhanatká.