Matááyo 8:15 - Fayam Midhab Yiesu Kiristoká He Hol Af Iđiny Kaanaká

¹⁵ Mu đo min gíl chiˈde, min đo furs hí yé gaa ˈdie, les gaa kiiyye, Yíésu gololiche.

Matááyo 8:15 ပူးပေါင်းရင်းမြစ်များ

Matááyo 14:36

Aalé gaal Yíésu gil ki efe, giri gál basham ˈguoká đafar muí kaadhdheká net đig yegetká. Ameeny gál mú đafarle đig yieká lulle bie.

Matááyo 20:34

Yíésu gáál geer hí ˈdú gudhdhe, đo gáál in gaa chiichiˈde, ál tikiˈde kinaallá gaal đo biiy gaa arge, mú el gaa veere.

Matááyo 8:14

Yíésu ˈbíl Betiro ki ˈjieká, Bétiro suoglé les gaa iiyyo-, furs hí ˈgieˈgieká arge.

Matááyo 8:16

Biiy gelga chieká gálaat gál burnay-, aryáán ˈguoká Yíésu ˈdu gáá eey. Yíésu ˈdéé hótle gáál aryáán yiem ki ˈdeey. Mu gál basham ˈguoká lulle bisie.

Matááyo 8:3

Yíésu đo gíl helie, mú đig yie, mú geey, kieye, Yáá fedo, fayáno, yie. Ál tikiˈde kinaal mú đo nyókot hí yé gaa ˈdiiyye, mu fayandhe.

Matááyo 9:20

Min warram tomon a naam-, fas hí hawul gaa ˈgiedhe mare Yíésu mé il ˈgar siete, mú đafar net đig chie,

Matááyo 9:29

Yíésu gáál in gaa chiichiˈde, kieye, He hí hát hí iiy chíéllá yeet, yie.

Márko 1:29

Yíésu ubaa lalilléél ˈbíl ˈdiiyiminy kinaal gáá kieká đo sedhe, Símon ubaa Ánˈduru ényle mé nie, Yákob ubaa Yuána úba hé gáál hol ˈgie.

Márko 1:41

Aalé Yíésu mú geer hí ˈdú gudhdhe, gíl helie, mú đig yie, tá mú geey, kieye, Yáá fedo. Midháno! yie.

Lúka 8:54

Aalé Yíésu véel gíl chiˈde, kieye, Ákutú, les gaa keʼ, véel yie.