Matááyo 8:14 - Fayam Midhab Yiesu Kiristoká He Hol Af Iđiny Kaanaká

¹⁴ Yíésu ˈbíl Betiro ki ˈjieká, Bétiro suoglé les gaa iiyyo-, furs hí ˈgieˈgieká arge.

Matááyo 8:14 ပူးပေါင်းရင်းမြစ်များ

Matááyo 17:25

Bétiro kieye, Iiy-hí, hé guguso, yie. Aalé Bétiro he ˈbíl ka hileká, hátlé ˈdéé ma hônká, đo Yíésu hí yiete, Yíésu kieye, Símon, kúún tawunykúka, gál kaansúo-, lesietká gálya he bíre gaa guguta? Gaal in gál é gerlé he birm gaa gugutáa? Ebá gaal gál hí é gerle muuninyká he birm gaa guguta? yie.

Matááyo 8:15

Mu đo min gíl chiˈde, min đo furs hí yé gaa ˈdie, les gaa kiiyye, Yíésu gololiche.

Matááyo 8:20

Aaléka, Yíésu mú geey, kieye, Mana godollé he gaa ija, hurum hé ényle ˈguo, tá yáá Iny Máádhátallá yáá ál ˈguo-, mé les ˈdú igifuoká mán, yie.

Korínto Erká 9:5

Nyiin hát tikiˈde gál éíy taaka alb fimiká ubaa Máá kúnnaa Guđoká nyaaramle ˈdegle hol ˈgúóllá, héétí Kéfas úba minle hol ˈgar seseenallá, nyiin nyáá nyí ˈduuw gálle ˈdeg Kirísto iiy chieká hol ˈgar seseenká mân?

Tímote Erká 3:2

Aaléka, máá gál Kiristo ˈdeˈdeenká hí máá ˈdeensen mán-, min hí tikiˈde-, hol tím ˈguo-, me hí bire-, siríg ˈguo-, dheeg mé guđáan yeget-, héétí hí máá hát ˈdaalimietká gálaat he oonisuoká onnow.

Tímote Erká 4:3

Gál hođomlééllá gálaat hol shuunan hát kerka ˈdeewká he gálaat geđia, héétí gaal ˈguom Waag hí ká kuonne-, onnônyka gál Waag iiy yie-, Waag ˈduuwle ógká hí hát gielmitiká Waag met gaa egeet-, hí kokuoká he gálaat ká riridhdha.

Héberew 13:4

Gálaat lulle hí hol shuunan ˈduuwle onnow, gál hol shuunneká hai hol ˈdú burúminy. Gál herginy ađááb ˈgayyoká gaa seseenká ubaa gál hol buruanká Waag ˈdéé haí ki iđimicha.