Matááyo 8:12 - Fayam Midhab Yiesu Kiristoká He Hol Af Iđiny Kaanaká

¹² Tá gál Yisirayel onnônyka Guch Waaˈgiet lileyká gál gúúđo Waag ál gaa ongʼoˈdeká haí ki lalaanna. Ál kinaallá he ál gálaat hí gaa bebeen-, hí kach hol a met gaa ˈginianká, Yíésu hí gáál yie.

Matááyo 8:12 ပူးပေါင်းရင်းမြစ်များ

Matááyo 13:38

Les ˈguom hí gáá igitoká íín he lés ke ˈdú ijóóllá. Ár midhabká íín he gál Guch Waaˈgiet léká. Iish íín he kídhích kúnnaa Sátan gállé.

Matááyo 13:42

gáál ˈjiet biiyoká hai fafaa. Hé kinaallá he ál gaalí gaa bebeen-, gaalí kach hol a met gaa ˈginianká.

Matááyo 13:50

gaal gál hé nyakarichká gaa seseenká ˈjiet biiyoká hai fafaa. Ál kinaallá he ál gaalí gaa bebeen-, gaalí kach hol a met gaa ˈginianká, Yíésú hí gáál yie.

Matááyo 21:43

Aaléka, yú hí geeye, itín Guch Waaˈgiet haí gaa ˈgiisata, Waag Guchle gál saano ˈdúwaká hí yé gáá ˈdeˈdeenká haí liiledhe.

Matááyo 24:51

Mú máállé guđo kinaallá mú hát ˈdeđewká he hai ki ekemeye, mú gál hol ˈdug gáá sasaloká hurt hai ki laama. Ál kinaallá he ál gálaat hí gaa bebeen-, hí kach hol amet gaa ˈginianká, Yíésu hí gáál yie.

Matááyo 25:30

Aaléka, máá gedech ˈdúúw mánnallá eedhdhíe, mú baaˈd gaa ongʼoˈde-, álle gálaat hí gaa bebeen-, hí kach hol af met gaa ˈginianatíá ki láa, gáál yie, Yíésu hí gáál yie.

Lúka 13:28

Ál kinaal hí Abirááyam, Yísak, ubaa Yákob, tá gál Waag hí ˈdéé ka shigicheká lulle hí Guch Waaˈgiet gaa argiyyeka, itín hát gaalí baaˈd ki ˈgidhieká haí kiimisata, haí beenne, kach amet hollo hí hol gaa ˈginianna.

He Ekeny Gál Alb Fimiká 3:25

Itín um gál Waag hí ˈdéé ka shigicheká ubaa um eshim eshimle Waag hí he af iđiche-, giri mu Abirááyam geey-, kieye, É meet lullé les gaa iđoká ˈdúˈjímlé yú ˈdú ˈjeenká umut kua ˈdaalle ká naata, muí yieká.

Róóma 9:4

Kídh chia Yisirayelallá he gál Waag hí gálle hosote-, Waag hí ˈduuwle argisiche-, Waag hol ˈdéé af iđie-, Waag hí hemuumuritle ká shiiche-, atim he naasan ˈBíl Waaˈgietká Waag hí geeyche-, Waag hí ˈdúˈjímle af iđicheká.

Bétiro ki Naamaká 2:17

Gál hođomlééllá he hát haˈd bie mánká ubaa hát nyáˈdow guđo-, wááních fargogoká hí el mé gaa chichirat-, ír hí gáá tutuno mánká. Gálallá ál súm gaa ongʼoˈdeká hí met egete.

Bétiro ki Naamaká 2:4

Kíssóótíka, Waag hé gállé urru-, ˈgasso-, hí el af gaa tammeká ma hâny, hé gáál ál gaa dhát-, gaa ˈdér-, kúlích ˈdéé ki iđinyká hátlé ali ma kí ˈdíinyká gálaat hí ki maanyjawká ki hiigite.

Yúúa 1:13

Hát tikiˈde húđúm basietká oshony lalaannallá in gálallá kern mantle úba ká eedhesia. Gálallá hát hidhino hol gaa seseen-, Waag hí ál súm gaa ongʼoˈdeká taak ki koyyeká.

Kí Edhesiny 22:15

Tá gál gaa nyakarichká íín hé ˈjien kinaallá ma higiliny. Gál kinaallá he gál gilka he ním ˈguoká ubaa gál herginy gálle hol ma shúúnanká gaa seseenká, tá gál gálaat yegeská, héétí gál waagam hódhoká vivisatká ubaa ameeny gál ˈdeem hođomká giel-, gaa seseenká.