Matááyo 7:28 - Fayam Midhab Yiesu Kiristoká He Hol Af Iđiny Kaanaká

²⁸ Aalé Yíésu ˈdeenyééllá lulle ˈdiiyiminyle beeteká, nyesebich mú he onisinylééllá af ˈdabe.

Matááyo 7:28 ပူးပေါင်းရင်းမြစ်များ

Matááyo 11:1

Aalé Yíésu lalillé tomon a naamaká atímle hí gaa đuyyeká mu ál kinaal gaa kie, ˈjien éíy taaka les kinaalloká mé nie, gálaat he onisie, gálaat ki ˈdiiyime.

Matááyo 19:1

Aalé Yíésu ˈdéé huogon hí gaa đuyyeká, đo lés Galilaaya gaa kie, lés gál Yuuˈdi giri wár Yorˈdan ˈdaatí iđoká mé nie.

Matááyo 22:33

Nyesebich ˈdeenyéél maaleká, Yíésu he onisinyle af ˈdabe.

Matááyo 26:1

Yíésu ˈdeem kinaal lulle huogodheká lalille geey,

Matááyo 7:27

Aalé ir tune, ir he tuneká hele fame, wááních fargogoká ká kiite, ˈbíl kinaal ˈjie, tá ˈdaa giri ˈbíl muí yuoch gaa ˈdisseká, ˈbil đo ˈgieˈgey, le ˈdoy, Yíésu hí gáál yie.

Matááyo 7:29

Hééllá he ˈdaa giri mú he onisinyle he onisiny máá kansím ˈguoká ka taal-, he onisiny gálle gálaat nyatalaam oonisuoká ma ka taalinyká.

Márko 1:22

Gaal mú he onisinyle af ˈdabe. Hééllá he ˈdaa giri mú he onisinyle he onisiny máá kansím ˈguoká ka taal-, he onisiny gál gálaat nyatalaam oonisuoká ma ka taalinyká.

Márko 11:18

Gál guguđo-, suoryoká ubaa gál nyatalaamká héél lulle maaleká mú kiadhe. Gaal ˈgíérích he mú ki yegeská hol gaa ˈgeˈgedhe, ˈdaa giri nyesebich lulle mú he onisinyle af ˈdabeká.

Márko 6:2

Kúlích Hef ˈGisanká ali kí ˈdiiyyeká mu gálaat ˈbíl ˈdiiyiminyká he gaa onisie. Gál burnayká mú he onisinyle maaleká he af ˈdabe. Gaal kieye, Máállá hééllá ále gaa arge? ˈDaalim muí argéél he ˈdaalim máre? Hé fargogo ke af ˈdaˈdabóól muí ekemeyóol?

Lúka 19:48

Kor gaal ˈgíérích he mú ki yegeská ˈdabe, ˈdaa giri gálaat lulle mú ki mamade-, mú ˈdeenyle nee kokoyká.

Lúka 2:47

Gaal lulle mú ˈdeenyle maaleká mú ˈdaalimle ubaa mú ˈdeenylé muí hol ká nannieká a ˈdabe.

Lúka 4:22

Mu gáál lulle ger gaa meey, ˈdeeny midhab-, muí hogodheká gaalí af ˈdabe, gaal kieye, Hééllá hé iny Yuosef muunîny? gaalí yie.

Lúka 4:32

ˈDaa giri mu hát máá kansim ˈdúwaká ˈguoká ˈdéé ká hogodheká gaal mú he oonisinyle af ˈdabe.

Lúka 7:1

Yíésu ˈdeenylé giri gaalí nee kokoyká beeteká Kafarnáum mé nie.

Yuána 7:15

Gál guguđo-, Yuuˈdiká mú he onisinylééllá af ˈdabe, hol yiete, kieye, Máállá in máá gáál he oonisuo-, hí he onisieká man háluke, tá háteeye ˈdaalimééllá arge? gaalí yie.

Yuána 7:46

Aalé gaal gáál ˈdéé hol ˈdú nie, kieye, Hé máá kálta hát máállá ˈdéé ka hogodheká mán, gaalí yie.