Matááyo 7:25 - Fayam Midhab Yiesu Kiristoká He Hol Af Iđiny Kaanaká

²⁵ Aalé ir tune, ir he tuneká hele fame, wááních fargogoká ká kiite, ˈbíl kinaal ˈjie, tá ˈdaa giri ˈbíl muí tiirt waar ˈgayyoká ˈdug gaa ˈdisseká ˈbil hé les ma ˈdôny.

Matááyo 7:25 ပူးပေါင်းရင်းမြစ်များ

Matááyo 16:18

Aaléka, yáá ko meeny Bétiro léká shie. Wárallá in ˈdugle gál ye iiy yeetká lulle yú gaa ˈdiisa, tá gál chiallá hé kúfach fargogintle hí a mé ma kí ˈjeeminy.

Matááyo 7:24

Aaléka, máá ˈdeeny chiallá maalo-, ˈdéé el gaa igiroká hát máá ˈdaallé-, ˈbílle tiirt waar ˈgayyoká ˈdug gaa ˈdisseká.

Matááyo 7:26

Tá máá ˈdeeny chiallá maalo-, kor ˈdéé el ma gaa igirinyká he hát máá gáf ˈguo-, ˈbílle yuoch gaa ˈdisseká.

Matááyo 7:27

Aalé ir tune, ir he tuneká hele fame, wááních fargogoká ká kiite, ˈbíl kinaal ˈjie, tá ˈdaa giri ˈbíl muí yuoch gaa ˈdisseká, ˈbil đo ˈgieˈgey, le ˈdoy, Yíésu hí gáál yie.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

Eféso 3:17

Yáá úba hí Waag kí rogonon, giri Kirísto ˈdaa iiy yeenkíchoka, gerkícho gaa yíéđianká. Héétí gielmit hí Waag ubaa gálaat ka ˈgayyaká hí hidh ki aruanna-,

Kolosááya 2:7

Mú hidh ki aría, mú gáá ˈdée, hát gaalí oonisieká hí iiy yeenkícho hirasicho, gielmit hí Waag hol ˈdú nanniyyaká hí guđanat.

Yákob 1:12

Máá hé héf ˈguo-, farguogoká ˈdaalleka mé ki chirsatká hé Waag hí ˈdú ˈguunuanne. ˈDaa giri mu héél mé ki chirte-, yíé gaa ˈdieká, mú luolmit biiyo-, Waag gál hí gielká hí af iđicheká Waag haí shigicha.

Bétiro Erká 1:5

Rubach ˈdaab kúlíchlé biiy el ˈdaˈdká ali ma kí ˈdíinyká, iiy yeenkícho ˈdaalle ˈdugaka, fargogint Waaˈgiet hé hí in gaa taal. Rúbách kinaallá kúlíchle ali kí ˈdiiyyeka, Waag yíé haí ká ˈdeđicha.

Bétiro Erká 1:7

Hát hórkí ˈjiet hí ˈgeesicheka ˈdúúwáálláka, manyjany kíchiallá iiy yeenkícho hai ˈduuwasicha. Hórkí íín el met haí ˈgiidha, tá iiy yeen kíchia-, hórkí ˈdú ˈdúwáállá íín hé el met hí ma ˈgiˈgin. Tá af giri Yiesu Kirísto hol ká nannaat-, Waag hí ká eedhesichoká itín meeny ubaa ˈdúúw haí aargiˈda.

Yuána Erká 2:19

Gál muun gáál yé gaa ˈdíéllá hé gálkúnno muuniny. Gaal he gálkúnno onnônyka, hé hátle onnônyka ke hol ˈguo. Yaalmit gaal muun gáál hayallá, in gaal lulle hát gálkúnno muuninyká gáál ká argisie.