Matááyo 7:22 - Fayam Midhab Yiesu Kiristoká He Hol Af Iđiny Kaanaká

²² Kúlích gálaat ˈdéé ki iđinyle ali kí ˈdeenká gál ilishká hai ye geđia, kieye, Máá Guđo, Máá Guđo, ˈdaa meenykúka nyáá nyí fayamkú gálaat ki ˈdiiyeenneká, muunîny? Héétí ˈdaa meenykúka nyáá nyí gálaat aryáán yiem gaa ˈdeeyche-, nyí hé burnay-, gálaat hí af ˈdaˈdaboká ˈdaa meenykú ki eekemeycheká, muunîny? hai ye yeedhe.

Matááyo 7:22 ပူးပေါင်းရင်းမြစ်များ

Matááyo 10:15

Yú hí hé ˈdúwaká geeye, kúlích gálaat Waag hí ˈdéé ki iđimichoká ali kí ˈdiiyyeka, gál eny kinaalloká manyjany il hí aargiˈdoká hé tág ˈdeew! Manyjany gál ˈjien Soˈdom ubaa gál ˈjien Gomora il hí aargiˈdoká úba ˈdiefiyya.

Matááyo 24:36

Yíésu geđi lalille geey, kieye, Tá kúlích kinaallá ubaa aadh ˈgásle Waag gállé ˈgasso-, urruká yíekaʼ, yáá Ínyííl yíekaʼ, hé máá níínní hí ogká mán. ˈJaachú tákáma hí og.

Matááyo 25:11

Guch guđo mán hada giri salab ˈdú madeká đo ali kí ˈdie, máá egeetká vie, kieye, Máá guđo, máá guđo, nyí ˈbíl af kí fur! yie.

Matááyo 7:21

Gál ye Máá Guđo, Máá Guđo, yegetká ˈbaal hé Guch Uratiká ma higiliny, gál hí higiloká he gál hát ˈJaa chia úr ijoká hí fedoká el gaa igiroká.

Lúka 10:12

Yú hí geeye, kúlích ˈdeeká ali kí ˈdiiyyeka, ˈjien kinaallá hé il hí aargiˈdoká hé ˈjien Soˈdom il hí aargiˈdoká úba hí ˈdú kalat, Yíésu hí gáál yie.

Yuána 11:51

ˈDeenyééllá hé mú kasle yé ma gáá ˈdíiny. Mu ˈdaa giri wár kinaal geerle máá méte suoryo-, onnoyká in mu hé biiy met gaa ijoká huogodhe. Yaalmit giri Yíésu gál Yuuˈdi ˈdú kufunan-,

Dhesaloníke Erká 5:4

Nyaaramkínyo, ˈdaa giri hí bííy gaa dhátká ma gaa iđinyká, kúlích kinaallá hát máá buraalléká hí gáál biirgisuokáka hé hí ma biirgisiny.

Dhesaloníke ki Naamaká 1:10

Kúlích muí gáá ˈjeen kinaal mu gálle ˈdúúw hai gaa aargira, ameeny gál mú iiy yieká lulle mú hai meeye. Tá itín ˈdaa giri fayam Kiristo ke hí geeyká hí iiy chieká, itín úba it gál kinaal gaa iđa.

Tímote ki Naamaká 1:12

Hé kinaallá ˈdaalleka in yú manyjany gaa ija. Tá yú yáá kern ye ma ˈgiˈgin, ˈdaa giri Máá yú iiy yíéllá yú ógká. Tá ˈdaab kúlích biiy el ˈdaˈdká hátlé ali ma kí ˈdíinyká mu hújích ye gíl geer gáá kaayallá hát in ki ˈdeenká gon yáá óg.

Tímote ki Naamaká 1:18

Kúlích biiy el ˈdaˈd-, Máá kúnnaa Guđóóllá hí gálaat hol eiy gaa nannuoká, mú Máá kúnnaa Guđóóllá hí geer guurá argisuo. Mu hát Eféso álle ye a burnayká hujich kí chichiˈdeká úba kó tág óg.

Tímote ki Naamaká 4:8

Aaléka, hé shiicho gál Waag hí gál ˈdúwaká chegetoká hí aargiroká hé úba ye úratíá kí egesso. Hé shiicho kinaallá Máá kúnnaa Guđo-, gálaat hát ˈduwantiká hol eiy gaa nannuoká Kúlích ˈDéé ki Iđiny ka chiimetóótíá ha muí ye gáá shigia. Hé shiicho hat kinaallóóllá hé muí ye tákámchú ma ká shiginy, ameeny gál mú fiiritle ˈguo-, mú hol ká naanle met egesóóllá úba ha muí shigia.