Matááyo 7:15 - Fayam Midhab Yiesu Kiristoká He Hol Af Iđiny Kaanaká

¹⁵ Gál hol gál Waag hí ˈdeem ka shigichoká ka hođuo-, hođomlééllá hol ˈdeeˈdemíe. Gál kinaallá ke dhaayka, wála ke yeedhe, kor íín he đányár ˈdeewká.

Matááyo 7:15 ပူးပေါင်းရင်းမြစ်များ

Matááyo 10:17

Tá gálaat hol ˈdeeˈdemíe, gaal ar haí ˈdú egee, gaal énylé ˈdiiyiminyká haí gaa tuuna.

Matááyo 16:11

Itín háteeye yú hát balashá ˈdeenyle ma hogonká hí eiy ma nannasan? Yú hé hí geđuoká, gál Farisaay ubaa gál Saˈdukaay maatle hol raaradhíe, hí yegedhe, Yíésu hí gáál yie.

Matááyo 16:6

Yíésu gáál geey, kieye, Tág ˈdée! Gál Farisaay ubaa gál Saˈdukaay maatle hol raaradhíe, yie.

Matááyo 24:11

Gál burnay hođomlé-, hol gál Waag hí ˈdeem ka shigichoká hođuo-, gálaat baađisuoká yiem hai ká ˈdeeme.

Matááyo 7:14

Tá káraf gaa chálká ubaa ˈgíéríchlé gaa chálká íín ál luolmiti-, biiyoká he mé nannaa. Gál káraf gaa chálallá nannaatká hé iraam mánká.

Lúka 12:15

Aalé Yíésu gáál geey, kieye, Hol ˈdeeˈdemíe, hol gajált ka ridhdhíe. Máádhat sídhle hé aanylé burnay muí ˈguoká ma gaa iđiny, Yíésu hí gáál yie.

Lúka 6:26

Har gaal lulle hí memeyoka, onnóo! Gáál eshim eshimle héle hát tikiˈdééllá in gál kerka Waag hí ˈdéé ka shigicheká hol hođie-, hódho léká memey.

Yuána 10:12

Máá gaalí he ki gugusso-, wála ˈdeeˈdémo, gaalí yieká, hé wála hát máá hí léká hí ˈdeˈdeenká ma ká ˈdeˈdeminy. ˈDaa kinaallá ˈdugaka in mu bíních kach ˈguoká wála ˈdu gáá yiimet-, argeka, wála okoˈdmia, kar ˈdarama, binich wála walach gaa ˈgiiliˈgaa, waláátí eiy baađaa.

He Ekeny Gál Alb Fimiká 13:40

Aaléka tág ˈdée, hé gál Waag hí ˈdéé ka shigicheká hí huogodheká ha il hí árginy, giri kieye,

He Ekeny Gál Alb Fimiká 13:6

Gaal koro Kuburos lulle gaa nadhe, ˈjíig Báfos ki fame. Ál kinaal máá Yuuˈdi-, muoro-, gilka he ním ˈgie-, hol máá Waag hí ˈdéé ka shigicheká tág gaa nie-, hódhollé-, gaalí Baryíésu yegie mare arge.

Galátia 2:4

Tá gál mu hermisatká fedeká he gál điđám ka ˈdie-, muun gáál hurt ká hile-, gáál ka ˈdeey-, mé furit kúnnaa Yiesu Kiristo ki gaa ijóóllá ˈgas egew-, muun gáál nyatalaam Yuuˈdiká mé ki tatuoká.

Eféso 4:14

Hát kinaallá in múún geđ ke hát um niginiká, muuninyka, hát kádích baran hí hol gaa sisitoká ma yegen. Héétí ke hát gál gál đíđaská hí raraat-, hí ˈdeemlé hódhoká ki nyiimisatká ma yegen.

Eféso 5:6

ˈDaa giri Waag gál hí af đuˈduse-, hé ˈdeđew kinaal gaa seseenká ˈdú idhanne-, gáál he il ká aargisichoká, máádhat haí ˈdeem nyag maamanká ki nyiimísan.

Filíbi 3:2

Chier ađaabano ˈguo-, gón gaalí mumuroká hí ˈdú momoyóóllá hol ˈdeeˈdemíe.

Kolosááya 2:8

Hol ˈdeeˈdemíe, máádhat haí ˈdeem gáál nee gaa méʼ, kor he mán-, húgúm lesalloká ubaa tawuny gálaat yé gáá ˈdeˈdeen-, ˈdaa Kiristo ma ki taalinyká hí ki úúniny.

Tímote ki Naamaká 3:13

Héétí gál húgúmle ˈdeđewká ubaa gál hođomlé-, hol gál Waaˈgiet hođuoká biiy súm hai gaa ˈdeđendhe, gálaat hai baađisia, tá íín dhúrle úba ha gaalí baađisia.

Tímote ki Naamaká 4:3

Bár gál burnayká he onisiny ˈdúwáállá nee ma kokonyká ali hai kí ˈdeenne. Gaal he feditle ˈdaalleka, gál gálaat he oonisuo-, ˈdeenyle hí nee gaa méká hollo hol gaa ˈgeˈgedhe, gáál af nee hai kokoo.

Bétiro ki Naamaká 3:17

Aaléka, sheel chia yú gielallo, ˈdaa giri hééllá hí ógká, taganokícho ˈgée, giri gál halúg nyatalaam mánnallá hí ma baađisiny-, iiy yeen kíchia hí tág ki taalallá hí ma gaa riiteenká.

Yuána Erká 4:1

Sheel chia yú gielallo, af giri gálaat hí ˈdéé hót geđuoká haí đo kieye, gaal Hím Naasan Waaˈgieto he ˈdéé ki hogodho, hí chégen. Ebá gáál ˈdéé hótle he af kí dhaayyíe, har gáál ˈdéé hótle ˈdéé hót Hím Naasan Waaˈgiet yé gáá ˈdiiyyeká kátaka. Hééllá he ˈdaa giri gál burnay-, hođomlé-, hol gál Waag hí ˈdeem ká shigicheká hoyká biiy gaa ijoká.

Yúúa 1:4

Onnóo, gáál mé tikiˈd hé hí hurt kí hure, gálallá hé Waag kian ka mán. Gaal hé Waag ˈdúˈjímlé muun gáál mé fuˈdeká hol gaa lay, ˈdúˈjím héllé ˈdeđew-, gaa seseenká hoy. Héétí, gaal hé Máá kúnnaa Guđo-, gáál mé ki yaal-, Yiesu Kirísto điidhe. Gálallá he gál héle ˈdeenyle warˈgát gaa ije-, giri Waag hí ˈdéé ki iđiche-, hí ˈdeensenteká.

Kí Edhesiny 16:13

Aalé yú aryaan gaa nyakaridhe-, seđe-, hát korkór ki ég-, áních giriká ubaa bíních giri kach ˈguoká tá bíních máá Waag hí ˈdeem ka shigichoká hol ka hoyká hí af yiem gáá ˈdieká arge.

Kí Edhesiny 17:6

Aalé yú min fás gál Waaˈgiet ubaa fás gál iiy yeenlé Kirísto iiy yieká ˈdaalle ˈdugaka gaalí yieská iyye-, fas hí fameká arge. Yú min argeká súm he af ˈdabe.

Kí Edhesiny 19:20

Aalé bíních kach ˈguo kinaal ubaa bíních giri hol máá Waag hí ˈdeem ká shigicheká hol ka hoyká Máá farich ˈdú ijo kinaal hí ˈgiliˈgay. Bíních hol máá Waag hí ˈdeem ká shigicheká hol ka hoyyallá he máá giri hé gáál af ˈdaˈdabsuo-, bíních kach ˈgúóllá gaa aargireká eekemey-, gál binich gúíyle iiy yie-, gaalí ki gue-, tá binich yaalmitlé giri gaalí tág nieká memeyká ki nyiimiteká. Aalé binich ubaa máállééllá hátlé luogolká Máá hí ˈgiliˈgayallá hí bás ˈjiete-, waar ˈjiet hí gaa boloonká hí gaa ijoká ki laalame.

Kí Edhesiny 20:10

Aalé Sátan gáál nyimisatééllá Waag hí bás ˈjiete-, waar ˈjiet hí gaa boloonká hí gaa ijo-, álle bíních giri kach ˈguoká ubaa bíních máá Waag hí ˈdeem ka shigicheká hol ka hoyká hí gaa ijoká ki layye. Aalé gaal kulich ubaa chúúrélle taalle bííyyo hai maanyjaa.