Matááyo 7:14 - Fayam Midhab Yiesu Kiristoká He Hol Af Iđiny Kaanaká

¹⁴ Tá káraf gaa chálká ubaa ˈgíéríchlé gaa chálká íín ál luolmiti-, biiyoká he mé nannaa. Gál káraf gaa chálallá nannaatká hé iraam mánká.

Matááyo 7:14 ပူးပေါင်းရင်းမြစ်များ

Matááyo 20:16

Aaléka, hát tikiˈdééllá in gál biiy el ˈdaˈdká hí biiy met ki maada, gál biiy metoká hí biiy el ki maada, Yiesu hí gáál yie.

Matááyo 22:14

Yíésu hibéél beeteká gáál geey, kieye, Gál ilishká hé Waag hí kieˈde, kor gál muí waaˈdeká hé iraam mánká, gáál yie.

Matááyo 7:13

Káráf gaa chálká nadhíe. Káráf gaa guđoká ubaa ˈgíéríchlé gooróká íín ál manyjanyiet-, biiyoká he mé nannaa. Gál káraf gaa guđo kinaal nannaatká íín hé burnayká.

Matááyo 7:15

Gál hol gál Waag hí ˈdeem ka shigichoká ka hođuo-, hođomlééllá hol ˈdeeˈdemíe. Gál kinaallá ke dhaayka, wála ke yeedhe, kor íín he đányár ˈdeewká.

Márko 8:34

Aalé Yíésu lalille ubaa nyesebich hol ˈdu gáá vie, kieye, Máádhat ye el gáá verenoká fedoka, hí hol điidho, hí ˈgórlé đarám yaalká eet, hí ye el gáá veero.

Lúka 12:32

Wala iraam mánnallo, haí biiy gaa kikían! ˈJaakícho hí Guch Waaˈgiet shiguoká hé tág fedo.

Yuána 16:2

Itín gaal ény ˈdiiyiminyká haí ká riidha. Tá bár gál hí yegeská kieye, Nyíín Waago nyí hujich ki nanniyya, yegetká, hé geđ igiˈdo.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Róóma 9:32

Tá háteka hemuumurit Waag hí gáál ka shiichééllá el gaa igiritle gáál gál ˈdúwaká innum Waaˈgiet ma gaa hónyal? Hééllá he ˈdaa giri gaal hemuumurít hélle ekemeyká fede-, kor gaal Kirísto iiy ma yéenká. Gáál hé wár gálaat ˈgas mé ki ˈdaraanká hí riigirsie,