Matááyo 7:13 - Fayam Midhab Yiesu Kiristoká He Hol Af Iđiny Kaanaká

¹³ Káráf gaa chálká nadhíe. Káráf gaa guđoká ubaa ˈgíéríchlé gooróká íín ál manyjanyiet-, biiyoká he mé nannaa. Gál káraf gaa guđo kinaal nannaatká íín hé burnayká.

Matááyo 7:13 ပူးပေါင်းရင်းမြစ်များ

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

Matááyo 25:41

Aalé mu ede hí gíl ˈdaallé ˈjíbach ijoká hai geđia, kieye, It Waag hí điitéel! Ye láá gaa kée, sedhíe, ˈjiet biiyo-, Waag hí Sátan ubaa gállé ˈgassoká met tág koyyeká hiláa.

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 3:8

Saano húgúmle midhab-, gálle Waag makan fameká ˈgáa.

Matááyo 7:14

Tá káraf gaa chálká ubaa ˈgíéríchlé gaa chálká íín ál luolmiti-, biiyoká he mé nannaa. Gál káraf gaa chálallá nannaatká hé iraam mánká.

Lúka 14:33

Hát tikiˈde kinaallá, itín máádhat ˈdaachúka les ma yíéđiny-, hol ˈdéé mé ma gaa een-, héllé lulle ˈguoká ye ma ˈdú hanyka, hé máá lalichú ma yegen.

Lúka 9:33

Aalé gál giri naamaká Yíésu ˈgas in ka babadheká Bétiro Yíésu geey, kieye, Máá Guđo, hát ke állá gaa ijóóllá hé tág midhab. Ebá kí hí lokoolom seđ kí ˈdisso, lokóól tikiˈd hí lokoolkú cheet, lokóól tikiˈd hí lokool Moshe cheet, lokóól tikiˈd hí lokool Eliya cheet, Bétiro hí Yíésu yie. Bétiro hééllá mé ˈdaa gáá hodheká hé muog.

Yuána 10:9

Yú he kar, máá ye ka naatká rubach hai aargira. Mu ˈdeey hai ká higila, kor yíé hai ˈdeeme, hai ˈdeedhme.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

He Ekeny Gál Alb Fimiká 3:19

Hé kíchia ˈdeđew-, hí gaa seseennoká hayyíe, Waag makan famíe, giri ađaabano ubaa nyuogim kícho Waag hí ˈdug gaa laanno-, hím kíchia hí nanniyyoká Máá Guđo Waag yé gáá ˈdeenká.

Róóma 9:22

Tá Waag ííni fargogintle gálaat aargisicheká feˈde-, gál hí điidheká idholle ˈdú iđimicheká feˈdééllá, har hol tiiyye-, gál onnônyka he beđisate-, idholle ˈdú iđimiche kinaal har nog ki sieteka, hééllá meete ˈdeew ke gaa hogodho?

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Korínto ki Naamaká 6:17

Héétí Máá Guđo Waag úba kieye, Gál ye iiy ma yéenká hurt yé gaa ˈdée, gáál gaa fagandhíe. Ameeny hé gaa nyakarichká hol ka ridhdhíe, yú mé guđáan haí yeedhe.

Galátia 5:24

Gál Yiesu Kirísto hí lééllá hé balt gaa nyakaridhe-, hí gónle gaa iđeká ˈgór đarám yaalká ˈdú reey.

Filíbi 3:19

Gál kinaallá mé đigle he mé ˈginlé, gáál waagle he gáál gerlé, tá gáál geer gaa meenle hé kern manti-, gaalí ekemeyoká he yé gáá ˈdeˈdeme. Gáál kasle hé lesalloká ˈgar aayaˈgiyya.

Yuána Erká 5:19

Muun hát ke um Waaˈgietká hé ke óg, kor lésallá lulle íín Sátano he gíl geer gaa iđa.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.

Kí Edhesiny 20:15

Aalé ameeny máá meenyle Waag hí warˈgat luolmitiká ma gaa véériny-, warˈgát gaa mánká bás ˈjieteká Waag hí ki layye.

Kí Edhesiny 20:3

Mu úba Sátan ˈguoˈd gaa ˈdér-, el mé mánnallá ki lay, mú ˈguoˈd af ki koy, ˈguoˈd af saale, giri ˈdaab warram shíí tikiˈd ma béenyká Sátan geđ kidh ma nyiimisanká. Warram kinaal beeyka, Sátan rám mákárta-, iraam mánká Waag haí gaa fuuˈda.